ຂ່າວຫຼ້າສຸດ

ບໍລິສັດ 3S ຊຸກຍູ້ຂະບວນຄາລາວານລົດທ່ອງທ່ຽວ

813 16 ສ.ຫ. 2019 ຂ່າວໜ້າ​ໜຶ່ງ
ບໍລິສັດ 3S ຊຸກຍູ້ຂະບວນຄາລາວານລົດທ່ອງທ່ຽວ

    ເພື່ອ​ເປັນ​ການ​ຊຸກ­ຍູ້​ຂະ​ບວນ​ຄາ​ລາ​ວານ ລົດ​ທ່ອງ​ທ່ຽວ​ສູ່​ແຫຼ່ງ​ທ່ອງ​ທ່ຽວ​ທຳ​ມະ​ຊາດ​ພູ­ເຂົາ​ຄວາຍ ຕາດ​ພັກ​ຊອຍ​ວອນ ຕາດ​ຫ້ວຍ​ເທົາ ຕາດ​ຫ້ວຍ​ຊາຍ​ຂາວ ເມືອງ​ໄຊ​ທາ­ນີ ແລະ ຕາດ​ບັງ​ຫຼວງ ເມືອງ​ປາກ​ງື່ມ ນະ­ຄອນ­ຫຼວງ​ວຽງ​ຈັນ ທີ່​ຈະ​ຈັດ​ຂຶ້ນ​ວັນ​ທີ 23 ສິງ­ຫາ 2019.

    ວັນ​ທີ 14 ສິງ­ຫາ 2019 ທີ່​ພະ​ແນກ​ຖະ­ແຫຼງ​ຂ່າວ ວັດ­ທະ­ນະ­ທຳ ແລະ ທ່ອງ​ທ່ຽວ ນະ­ຄອນ­ຫຼວງ​ວຽງ​ຈັນ (ຖວ​ທ ນວ) ບໍ­ລິ­ສັດ 3S ພັດ­ທະ­ນາ ໄດ້​ນຳ​ເຄື່ອງ​ມາ​ມອບ​ໃຫ້ ພະ​ແນກ ຖວ​ທ ນວ ເປັນ​ກຽດ​ມອບ​ໂດຍ​ທ່ານ ພອນ​ປະ­ເສີດ ອິນ​ທະ​ສອນ ປະ­ທານ​ບໍ­ລິ­ສັດ 3S ກ່າວ​ຮັບ​ໂດຍ​ທ່ານ ຄຳ​ປະ­ດິດ ເຂັມ​ມາ­ນິດ ເຈົ້າ­ເມືອງ​ໄຊ​ທາ­ນີ ມີ​ທ່ານ​ນາງ ວິ­ໄລ​ວອນ ຈັນ­ທະ​ລາ­ຕີ ຫົວ­ໜ້າ​ພະ​ແນກ​ຖະ­ແຫຼງ​ຂ່າວ ວັດ​ທະນະ​ທຳ ແລະ ທ່ອງ​ທ່ຽວ ນວ ພ້ອມ​ດ້ວຍ​ພະ­ນັກ­ງານ​ກ່ຽວ­ຂ້ອງ​ເຂົ້າ​ຮ່ວມ.

    ເຄື່ອງ​ທີ່​ນຳ​ມາ​ມອບ​ຄັ້ງ​ນີ້ ມີ​ເສື້ອ​ຈຳ­ນວນ 400 ຜືນ ມູນ​ຄ່າ 20 ລ້ານ​ກວ່າ​ກີບ ໃນ​ໂອ­ກາດ​ດັ່ງ­ກ່າວ​ທ່ານ ຄຳ​ປະ­ດິດ ເຂັມ​ມາ­ນິດ ກໍ​ໄດ້​ສະ­ແດງ​ຄວາມ​ຂອບ­ໃຈ​ມາ​ຍັງ​ບໍ­ລິ­ສັດ 3S ພັດ­ທະ­ນາ ທີ່​ເຫັນ​ໄດ້​ຄວາມ​ສຳ­ຄັນ​ໃນ​ການ​ສົ່ງ­ເສີມ​ການ­ທ່ອງ­ທ່ຽວ​ຢູ່​ນະ­ຄອນ­ຫຼວງ​ວຽງ​ຈັນ.

ຂ່າວທີ່ກ່ຽວຂ້ອງ