50 ປີ ພາລະກິດສູ່ດວງຈັນ ຍັງຊຸກຍູ້ທຸລະກິດໃນໂລກຢ່າງຕໍ່ເນື່ອງ

402 13 ສ.ຫ. 2019 ຫົວຂໍ້ຂ່າວອື່ນໆ

   ໃນ​ວາ­ລະ​ຄົບ­ຮອບ 50 ປີ ຂອງ​ພາ­ລະ­ກິດ​ສຳ​ຫຼວດ​ດວງ​ຈັນ​ຂອງ​ຍານ Apollo 11 ໄດ້​ມາ​ເຖິງ​ພາກ​ທຸ­ລະ​ກິດ​ຫຼວງ­ຫຼາຍ ຕັ້ງ­ແຕ່ ຍານ­ພາ­ຫະ­ນະ ອາ­ຫານ​ເຄື່ອງ​ດື່ມ ໄປ​ຈົນ​ເຖິງ ລາຍ­ການ​ໂທລະ­ພາບ ຍັງ​ສາ­ມາດ​ສ້າງ​ລາຍ ໄດ້​ເປັນ​ກອບ​ເປັນ​ກຳ ຕັ້ງ­ແຕ່​ອະ­ດີດ​ຈົນ​ເຖິງ​ທຸກ​ວັນ​ນີ້.

   ເຖິງ​ແມ່ນ​ພາ­ລະ­ກິດ​ຂອງ​ນາ​ຊາ​ໃນ​ການ​ສຳ​ຫຼວດ​ດວງ​ຈັນ​ຂອງ​ຍານ Apollo 11 ເມື່ອ​ວັນ​ທີ 20 ກໍ­ລະ­ກົດ 1969 ຈະ​ຜ່ານ​ພົ້ນ​ໄປ 50 ປີ​ແລ້ວ ແຕ່​ທຸ­ລະ​ກິດ​ຫຼວງ­ຫຼາຍ​ທີ່​ເກາະ  ຂະ​ບວນ​ຄວາມ​ສຳ­ເລັດ​ໃນ​ອະ­ດີດ​ກໍ​ຍັງ​ເຕີບ ໂຕ​ຕໍ່​ໄປ​ໄດ້​ຈົນ​ເຖິງ​ປັດ­ຈຸ­ບັນ ຕາມ​ລາຍ​ງານ ຂອງ Associated Press.

   ຢ່າງ​ຍີ່­ຫໍ້​ໂມງ Omega ອອກ​ໂມງ​ຮຸ່ນ​ພິ ເສດ Omega Speedmaster ມູນ​ຄ່າ 34.600 ໂດ​ລາ​ສະ­ຫະ­ລັດ ເພື່ອ​ສະ­ເຫຼີມ­ສະ­ຫຼອງ​ວາ­ລະ​ຄົບ­ຮອບ 50 ປີ​ຂອງ​ພາ­ລະ­ກິດ ຢຽບ​ດວງ​ຈັນ ຈາກ​ທີ່ Omega ເປັນ​ຜູ້​ອອກ​ແບບ​ໂມງ​ຮຸ່ນ​ພິ­ເສດ​ໃຫ້​ກັບ​ທ່ານ ບັຊ ອັນ​ດຣິນ (Buzz Aldrin) ນັກ​ບິນ​ອະ­ວະ­ກາດ​ອີກ​ຄົນ ທີ່​ຂຶ້ນ​ໄປ​ຢຽບ​ດວງ​ຈັນ​ຮ່ວມ​ກັບ​ທ່ານ ນີ​ລ ອາມ ສະ​ຕຣອງ ແລະ ໂມງ​ຮຸ່ນ​ດັ່ງ­ກ່າວ​ກໍ​ໄດ້​ຢູ່​ໃນ​ພາ­ລະ­ກິດ​ແຫ່ງ​ມວນ​ມະ­ນຸດ­ຊາດ​ນີ້​ດ້ວຍ.

   ສ່ວນ​ເບຍ Budweiser ກໍ​ກຽມ​ປູກ​ຊີບ​ສູດ ເບຍ Budweiser Discovery Reserve ໃນ​ຄຣິ​ສ​ທົດ​ສະ​ວັດ​ທີ 1960 ພ້ອມ​ເຮັດ​ແພັກ​ເກດ​ໃໝ່​ເພື່ອ​ສະ­ຫຼອງ​ໂອ­ກາດ​ຄົບ­ຮອບ 50 ປີ ພາ­ລະ­ກິດ Apollo 11 ນີ້.

   ຕົວ​ຕໍ່​ເຄື່ອງ​ຫຼິ້ນ ເລ​ໂກ ເຮັດ​ຊຸດ​ເຄື່ອງ​ຫຼິ້ນ ພາ­ລະ­ກິດ Apollo 11 ສຳ­ລັບ​ຈຳ­ໜ່າຍ​ໃນ​ປີ​ນີ້ ແລະ ຂະ​ໜົມ​ຄຸກ​ກີ Oreo ກຽມ​ອອກ​ຜະ­ລິດ ຕະ​ພັນ Marshmallow Moon ທີ່​ໃສ່​ໄສ້ ມາ​ຊ​ເມ​ລ​ໂລ​ສີ­ມ່ວງ ສຳ­ລັບ​ໂອ­ກາດ​ສຳ­ຄັນ​ນີ້ ໂດຍ​ສະ­ເພາະ.

ຂ່າວທີ່ກ່ຽວຂ້ອງ