ຂ່າວຫຼ້າສຸດ

ຂຸນເຫຼັກ ຄວ້າສາຍແອວ ມວຍຊີງແຊັມຫົວໜ້າພະແນກ ສສກ ນວ

546 13 ສ.ຫ. 2019 ວົງຈອນກີລາ
ຂຸນເຫຼັກ ຄວ້າສາຍແອວ ມວຍຊີງແຊັມຫົວໜ້າພະແນກ ສສກ ນວ

    ການ​ແຂ່ງ­ຂັນ​ມວຍ​ຮອບ ຮຸ່ນ​ນ້ຳ­ໜັກ 55 ກິ​ໂລ ຊີງ​ສາຍ­ແອວ​ທ່ານ​ຫົວ­ໜ້າ​ພະ​ແນກ​ສຶກ​ສາ​ທິ​ການ ແລະ ກີ­ລາ ນະ­ຄອນ­ຫຼວງ​ວຽງ​ຈັນ (ສສກ ນວ) ຄັ້ງ​ທຳ​ອິດ ຮອບ​ຊີງ​ຊະ­ນະ​ເລີດ ຈັດ​ຂຶ້ນ​ວັນ​ທີ 10 ສິງ ຫາ 2019 ຢູ່​ສະ­ໂມ­ສອນ​ກີ­ລາ​ບຶງ​ຂະ​ຫຍອງ ໂດຍ​ມີ​ທ່ານ ສີ​ຫຸນ ສິດ­ທິ​ລື​ໄຊ ຮອງ​ເຈົ້າ​ຄອງ ນວ ທ່ານ ສົມ​ພູ ພົງ­ສາ ຜູ້​ຊ່ວຍ​ລັດ­ຖະ­ມົນ­ຕີ​ກະ­ຊວງ ສສກ ຮອງ​ປະ­ທານ ແລະ ເລ­ຂາ­ທິ­ການ​ຄະ­ນະ​ກຳ­ມະ­ການ​ໂອ​ແລມ​ປິກ​ແຫ່ງ​ຊາດ​ລາວ ແລະ ພາກ­ສ່ວນ​ກ່ຽວ­ຂ້ອງ ເຂົ້າ​ຮ່ວມ.

    ລາຍ­ການ​ດັ່ງ­ກ່າວ ຈັດ​ຂຶ້ນ​ແຕ່​ຕົ້ນ​ເດືອນ​ມິ­ຖຸ­ນາ 2019 ໂດຍ​ມີ​ນັກ​ຊົກ 8 ຄົນ ຈາກ 6 ຄ້າຍ​ມວຍ​ໃນ ນວ ເຂົ້າ​ຮ່ວມ ແບ່ງ​ເປັນ 2 ກຸ່ມ ຜ່ານ​ການ​ແຂ່ງ­ຂັນ​ຄູ່​ຊີງ​ຊະ­ນະ​ເລີດ ຂຸນ​ເຫຼັກ ສະ­ໂມ­ສອນ​ຄຳ​ເສັງ ເອົາ​ຊະ­ນະ​ຄະ­ແນນ ກັບ­ຕັນ ສະ­ໂມ­ສອນ​ຂວັນ​ໃຈ​ສີ​ໂຄດ ຢ່າງ​ເປັນ​ເອກ​ກະ­ສັນ ພ້ອມ​ທັງ​ຄວ້າ​ສາຍ ແອວ​ແຊັມ ພ້ອມ​ເງິນ​ລາ­ງວັນ 1,5 ລ້ານ​ກີບ ສ່ວນ ກັບ­ຕັນ ໄດ້​ຮັບ​ເງິນ​ລາ­ງວັນ 1 ລ້ານ​ກີບ ອັນ​ດັບ 3 ເກົ້າ​ແສນ ຂວັນ​ໃຈ​ສີ​ໂຄດ ໄດ້​ຮັບ​ເງິນ​ລາ­ງວັນ 700.000 ກີບ.

    ທ່ານ ຄຳ​ເສັງ ສູນ​ດາ­ລາ ປະ­ທານ​ສະ­ຫະ­ພັນ​ມວຍ​ລາວ ນວ ໃຫ້​ສຳ­ພາດ​ວ່າ: ການ​ແຂ່ງ­ຂັນ​ລາຍ ການ​ນີ້ ແມ່ນ​ສະ­ຫະ­ພັນ​ມວຍ​ລາວ ນວ ແລະ ບໍ­ລິ­ສັດ​ກໍ​ກຽດ​ບ໋ອກ​ຊິ້ງ​ກຣຸບ ປະ­ເທດ​ໄທ ຮ່ວມ​ມື​ກັນ​ຈັດ​ຂຶ້ນ ໂດຍ​ມີ​ເປົ້າ​ໝາຍ​ແຂ່ງ­ຂັນ​ໃຫ້​ຕໍ່​ເນື່ອງ ເພື່ອ​ສົ່ງ­ເສີມ​ນັກ​ຊົກ​ຮຸ່ນ​ສືບ​ທອດ​ຈາກ​ຄ້າຍ​ມວຍ​ຕ່າງໆ​ໃນ ນວ ໄດ້​ມີ​ເວ­ທີ​ແຂ່ງ­ຂັນ ເພື່ອ​ພັດ­ທະ­ນາ​ກ້າວ​ເປັນ​ນັກ​ຊົກ​ມື​ອາ­ຊີບ ກໍ​ຄື​ຕາງ­ໜ້າ​ນັກ­ກີ­ລາ ນວ ເຂົ້າ​ຮ່ວມ​ມະ​ຫະ​ກຳ​ກີ­ລາ​ແຫ່ງ​ຊາດ ຄັ້ງ​ທີ Xl ຢູ່​ຊຽງ​ຂາ​ວາງ ວັນ​ທີ 22 ມີ­ນາ?1 ເມ­ສາ 2020.

ຂ່າວທີ່ກ່ຽວຂ້ອງ