ເກີດ​ເຫດການ​ດິນ​ເຈື່ອນ​ຢູ່​ໃນ​ມຽນ​ມາ

516 12 ສ.ຫ. 2019 ຂ່າວຕ່າງປະເທດ
ເກີດ​ເຫດການ​ດິນ​ເຈື່ອນ​ຢູ່​ໃນ​ມຽນ​ມາ

  ເຈົ້າ​ໜ້າທີ່​ໃນ​ທ້ອງຖິ່ນ ແຈ້ງ​ໃຫ້​ຮູ້​ວ່າ ຈຳນວນ​ຜູ້​ເສຍ​ຊີວິດ ຈາກ​ເຫດການ​ດິນ​ເຈື່ອນ ຊຶ່ງ​ເກີດ​ຈາກ​ຝົນຕົກ​ໜັກ ຢູ່​ໃນ​ບ້ານ ເຢ ເປຍ ກອນ ທີ່​ຂຶ້ນ​ກັບ​ລັດ​ມອນ ຂອງ​ມຽນ​ມາ ເມື່ອ​ວັນ​ທີ 9 ສິງຫາ​ທີ່​ຜ່ານ​ມາ​ນັ້ນ ໄດ້​ເພີ່ມ​ຂຶ້ນ​ເປັນ 22 ຄົນ ແລະ ບາດເຈັບ 47 ຄົນ ໃນ​ຂະນະ​ທີ່​ຜູ້​ຫາຍ​ສາບ​ສູນ ອາດ​ຈະ​ມີ​ເຖິງ 100 ຄົນ.

    ເຈົ້າ​ໜ້າທີ່​ເວົ້າ​ວ່າ ຝົນຕົກ​ໜັກ​ແກ່ຍາວ​ເປັນ​ເວລາ​ຫຼາຍ​ຊົ່ວໂມງ ໄດ້​ເຮັດ​ໃຫ້​ເກີດ​ດິນ​ເຈື່ອນ​ລົງ​ມາ​ທັບ​ຖົມ​ເຮືອນ​ປະຊາຊົນ 16 ຫຼັງ ແລະ ໄດ້​ທັບ​ຖົມ​ຄົນ​ເປັນ​ຈຳນວນ​ຫຼາຍ.

    ອົງການ​ສະຫະ​ປະຊາ​ຊາດ ໃຫ້​ຮູ້​ວ່າ ໃນ​ຫຼາຍ​ອາທິດ​ທີ່​ຜ່ານ​ມາ ມີ​ປະຊາຊົນ​ມຽນ​ມາ​ປະມານ  89.000 ຄົນ ຕ້ອງ​ໄດ້​ອົບ​ພະ​ຍົບ​ໜີ​ນ້ຳ​ຖ້ວມ ແລະ ສ່ວ​​ນ​ຫຼາຍ​ໃນ​ຈຳນວນ​ນັ້ນ ສາມາດ​ກັບ​ຄືນ​ສູ່​ເຮືອນ​ຊານ​ແດ່​ແລ້ວ.

ຂ່າວທີ່ກ່ຽວຂ້ອງ