ຂ່າວຫຼ້າສຸດ

ຣັດ​ເຊຍ ຍິງ​ສົ່ງ​ດາວ​ທຽມ​ການ​ທະຫານ ຂຶ້ນ​ສູ່​ວົງ​ໂຄຈອນ

952 08 ສ.ຫ. 2019 ຂ່າວຕ່າງປະເທດ
ຣັດ​ເຊຍ ຍິງ​ສົ່ງ​ດາວ​ທຽມ​ການ​ທະຫານ ຂຶ້ນ​ສູ່​ວົງ​ໂຄຈອນ

    ກະຊວງ​ປ້ອງ​ກັນ​ປະເທດ​ຂອງ​ຣັດ​ເຊຍ ແຈ້ງ​ໃຫ້​ຮູ້​ວ່າ ໃນ​ວັນ​ທີ 6 ສິງຫາ​ນີ້ ໄດ້​ສຳເລັດ​ການ​ຍິງ​ສົ່ງ​ດາວ​ທຽມ​ການ​ທະຫານ​ດວງ​ໜຶ່ງ ໂດຍ​ຍິງ​ຂຶ້ນ​ຈາກ​ສະໜາມ​ບິນ​ອາ​ວະ​ກາດ ໄບ​ໂກ​ນົວ (Baikonur) ໃນ​ກາ​ຊັກ​ສະຖານ.

    ວິທະຍຸ-ໂທລະພາບ ສະ​ແວດ​ສະ​ດາ (Zvezda) ຂອງ​ກະຊວງ​ປ້ອງ​ກັນ​ປະເທດ​ຣັດ​ເຊຍ ໃຫ້​ຮູ້​ວ່າ ລູກ​ສອນ​ໄຟ Proton-M ແບບ​ຍູ້ ທີ່​ນຳ​ເອົາ​ດາວ​ທຽມ​ດັ່ງກ່າວ ໄດ້​ຖືກ​ຍິງ​ຂຶ້ນ​ສູ່​ວົງ​ໂຄຈອນ ໃນ​ວັນ​ທີ 6 ສິງຫາ​ນີ້.

    ໃນ​ຂະນະ​ດຽວ​ກັນ ທ່ານ ອີ​ກໍ ໂມ​ໂຣ​ຊອບ ຮອງ​ຜູ້​ບັນຊາ​ການ​ກອງ​ກຳລັງ​ປ້ອງ​ກັນ​ອາກາດ​ອາ​ວະ​ກາດ​ຂອງ​ຣັດ​ເຊຍ ເວົ້າ​ວ່າ ກະຊວງ​ປ້ອງ​ກັນ​ປະເທດ​ຣັດ​ເຊຍ ຈະ​ຢຸດຕິ​ການ​ຍິງ​ສົ່ງ​ດາວ​ທຽມ​ການ​ທະຫານ​ຂຶ້ນ​ຈາກ​ສະໜາມ​ບິນ​ອາ​ວະ​ກາດ ໄບ​ໂກ​ນົວ ພາຍ​ໃນ​ປີ​ນີ້ ແລະ ຈະ​ຍ້າຍ​ໄປ​ຍິງ​ສົ່ງ​ດາວ​ທຽມ​ການ​ທະຫານ ຂຶ້ນ​ຈາກ​ສະໜາມ​ບິນ​ອາ​ວະ​ກາດ ເປຼ​ເຊັດ​​ສກ໌ (Plesetsk)  ຢູ່​ໃນ​ແຂວງ ອາກ​ຄັນ​ເກລ​​ສກ໌ (Arkhangelsk) ຢູ່​ທາງ​ພາກ​ເໜືອ​ຣັດ​ເຊຍ ພາຍ​ໃນ​ປີ 2020.

ຂ່າວທີ່ກ່ຽວຂ້ອງ