ຢູ-18 ລາວ ເສຍໃຫ້ ມຽນມາ 1-3 ເຕະບານຊາຍ ຊີງແຊັມອາຊຽນ

344 08 ສ.ຫ. 2019 ວົງຈອນກີລາ
ຢູ-18 ລາວ ເສຍໃຫ້ ມຽນມາ 1-3 ເຕະບານຊາຍ ຊີງແຊັມອາຊຽນ

    ການ​ແຂ່ງ­ຂັນ​ບານ­ເຕະ​ຊາຍ ຮຸ່ນ​ອາ­ຍຸ​ບໍ່​ເກີນ 18 ປີ ຊີງ​ແຊັມ​ອາ​ຊຽນ ຄັ້ງ​ທີ 17 ທີ່​ນະ­ຄອນ​ໂຮ່​ຈີ​ມິງ ສສ ຫວຽດ­ນາມ ໃນ​ລະ­ຫວ່າງ​ວັນ​ທີ 6-19 ສິງ­ຫາ 2019 ນັດ​ທຳ​ອິດ​ຂອງ​ກຸ່ມ A ວັນ​ທີ 6 ສິງ­ຫາ 2019 ມີ​ແຂ່ງ­ຂັນ 3 ຄູ່ ເວ­ລາ 15:30 ໂມງ ຢູ-18 ທີມ​ຊາດ​ລາວ ເສຍ​ໃຫ້ ມຽນ​ມາ 1-3 ມຽນ​ມາ ໄດ້​ສອງ​ປະ­ຕູ​ນຳ​ກ່ອນ​ນາ­ທີໆ 29 ແລະ 37 ທີມ​ຊາດ​ລາວ ໄດ້​ປະ­ຕູ​ນຳ​ມາ 1-2 ຈາກ ຕີ ສີ​ຫາ​ລາດ ນາ­ທີໆ 49 ຈາກ​ນັ້ນ ທີມ​ຊາດ​ລາວ ເຫຼືອ 10 ຄົນ ເມື່ອ ໂຈ​ນີ້ ແຫວ​ປະ­ເສີດ ຢຽບ​ໃສ່​ນັກ​ເຕະ​ມຽນ​ມາ ທີ່​ລົ້ມ​ສະ­ກັດ​ບານ​ໃນ​ນາ­ທີໆ 81 ຖືກ​ບັດ​ແດງ ທ້າຍ​ເກມ​ມຽນ​ມາ ມາ​ໄດ້​ປະ­ຕູ​ທີ 3 ນາ­ທີໆ 90+1 ຂະ­ນະ​ທີ່ ອິນ​ໂດ​ເນ​ເຊຍ ຊະ­ນະ ຟິ​ລິບ​ປິນ 7-1 ຕີ​ມໍ ເລ​ສ​ເຕ ຊະ­ນະ ບູ​ຣ​ໄນ 7-2.

    ສຳ­ລັບ​ນັດ​ຕໍ່​ໄປ ຂອງ ຢູ-18 ທີມ​ຊາດ​ລາວ ຈະ​ແຂ່ງ­ຂັນ​ໃນ​ວັນ​ທີ 8 ສິງ­ຫາ 2019 ເວ­ລາ 15:30 ໂມງ ພົບ​ກັບ ບຣູ​ໄນ ແຂ່ງ­ຂັນ​ຢູ່​ທີ່​ສະ­ໜາມ​ກີ­ລາ​ຊີ​ອານ ເວ­ລາ 16:00 ໂມງ ຟິ​ລິບ​ປິນ ພົບ ມຽນ​ມາ ແລະ ເວ­ລາ 18:30 ໂມງ ຕີ​ມໍ ເລ​ສ​ເຕ ພົບ ອິນ​ໂດ​ເນ​ເຊຍ ທັງ 2 ຄູ່​ແຂ່ງ­ຂັນ​ຢູ່​ທີ່​ສະ­ໜາມ​ກີ­ລາ​ບິງ​ເຊືອງ.

ຂ່າວທີ່ກ່ຽວຂ້ອງ