ມອບເຄື່ອງຊ່ວຍເຫຼືອໃຫ້ 4 ແຂວງ ທີ່ໄດ້ຮັບຜົນກະທົບຈາກໄພພິບັດ

791 07 ສ.ຫ. 2019 ຂ່າວໜ້າ​ໜຶ່ງ

    ທ່ານ​ນາງ ໃບ​ຄຳ ຂັດ​ທິ​ຍະ ຮອງ​ລັດ­ຖະ­ມົນ­ຕີ​ກະ­ຊວງ​ແຮງ​ງານ ແລະ ສະ­ຫວັດ­ດີ​ການ​ສັງ­ຄົມ (ຮສສ) ພ້ອມ​ຄະ­ນະ ນຳ​ເຂົ້າ­ສານ​ໜຽວ​ຈາກ​ກອງ​ທຶນ​ເພື່ອນ​ຮ່ວມ​ງານ KR1 ເຄື່ອງ­ນຸ່ງ​ຫົ່ມ ແລະ ເກີບ ທີ່​ໄດ້​ຮັບ​ການ​ຊ່ວຍ­ເຫຼືອ​ຈາກ ສ ເກົາ­ຫຼີ ໄປ​ມອບ​ໃຫ້​ຜູ້​ປະ­ສົບ​ໄພ­ພິ­ບັດ ຢູ່​ແຂວງ​ບໍ​ລິ​ຄຳ​ໄຊ ຄຳ​ມ່ວນ ສະ­ຫວັນ​ນະ​ເຂດ ແລະ ແຂວງ​ຈຳ­ປາ​ສັກ ວັນ​ທີ 5-9 ສິງ­ຫາ 2019.

    ສຳ­ລັບ​ຜູ້​ປະ­ສົບ​ໄພ­ພິ­ບັດ ຢູ່​ແຂວງ​ບໍ​ລິ​ຄຳ​ໄຊ ໄດ້​ຮັບ​ເຂົ້າ 149.040 ກິ​ໂລ ມູນ​ຄ່າ 1,1 ຕື້​ກວ່າ​ກີບ ເຄື່ອງ­ນຸ່ງ​ຫົ່ມ ແລະ ເກີບ 100 ແກັດ ມູນ​ຄ່າ 150 ລ້ານ​ກີບ ແຂວງ​ຄຳ​ມ່ວນ ໄດ້​ຮັບ​ເຂົ້າ 100.000 ກິ​ໂລ ມູນ​ຄ່າ 805 ລ້ານ​ກວ່າ​ກີບ ເຄື່ອງ­ນຸ່ງ​ຫົ່ມ ແລະ ເກີບ 100 ແກັດ ມູນ​ຄ່າ 150 ລ້ານ​ກີບ ແຂວງ​ສະ­ຫວັນ​ນະ​ເຂດ ໄດ້​ຮັບ​ເຂົ້າ 81.576 ກິ​ໂລ ມູນ​ຄ່າ 656 ລ້ານ​ກວ່າ​ກີບ ເຄື່ອງ­ນຸ່ງ​ຫົ່ມ ແລະ ເກີບ 100 ແກັດ ມູນ​ຄ່າ 150 ລ້ານ​ກີບ ແຂວງ​ຈຳ­ປາ​ສັກ ໄດ້​ຮັບ​ເຂົ້າ 100.000 ກິ​ໂລ ມູນ​ຄ່າ 805 ລ້ານ​ກວ່າ​ກີບ ເຄື່ອງ­ນຸ່ງ​ຫົ່ມ ແລະ ເກີບ 100 ແກັດ ມູນ​ຄ່າ 150 ລ້ານ​ກີບ.

    ເຄື່ອງ​ທີ່​ນຳ​ມາ​ມອບ​ຄັ້ງ​ນີ້ ອຳ­ນາດ​ການ​ປົກ­ຄອງ​ແຂວງ ກໍ​ຄື ພາກ­ສ່ວນ​ກ່ຽວ­ຂ້ອງ ຈະ​ນຳ­ໄປ​ມອບ​ຕໍ່­ໃຫ້​ບັນ­ດາ​ເມືອງ​ທີ່​ຂາດ​ເຂົ້າ​ກິນ ເມືອງ​ທີ່​ໄດ້​ຮັບ​ຜົນ​ກະ­ທົບ​ຈາກ​ໄພ­ພິ­ບັດ ແລະ ຄອບ­ຄົວ​ທຸກ​ຍາກ.

ຂ່າວທີ່ກ່ຽວຂ້ອງ