ຂ່າວຫຼ້າສຸດ

ລມຕ ກະຊວງ ຊສ ແລະ ຮອງເຈົ້າຄອງ ນວ ຢ້ຽມຢາມ ພຊສ ນວ

676 06 ສ.ຫ. 2019 ຂ່າວໜ້າ​ໜຶ່ງ

    ທ່ານ ສົມ​ມາດ ພົນ​ເສ­ນາ ລັດ­ຖະ­ມົນ­ຕີ​ກະ­ຊວງ​ຊັບ­ພະ­ຍາ­ກອນ​ທຳ​ມະ​ຊາດ ແລະ ສິ່ງ­ແວ­ດລ້ອມ (ຊສ) ທ່ານ ອາດ​ສະ­ພັງ​ທອງ ສີ​ພັນ​ດອນ ຮອງ​ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ຜູ້​ຊີ້​ນຳ​ວຽກ​ງານ​ເສດ ຖະ​ກິດ ພ້ອມ​ຄະ­ນະ ລົງ​ພົບ​ປະ​ຢ້ຽມ­ຢາມ ພະ​ແນກ​ຊັບ­ພະ­ຍາ­ກອນ​ທຳ​ມະ​ຊາດ ແລະ ສິ່ງ­ແວ­ດລ້ອມ ນະ­ຄອນ­ຫຼວງ​ວຽງ​ຈັນ (ພຊສ ນວ) ໂດຍ​ໄດ້​ຮັບ​ການ​ຕ້ອນ­ຮັບ​ຈາກ​ທ່ານ ບຸນ​ທາມ ພຸດ​ທະ​ວົງ­ສາ ຫົວ­ໜ້າ​ພະ​ແນກ ພຊສ ນວ.

    ທ່ານ ບຸນ​ທາມ ພຸດ​ທະ​ວົງ­ສາ ໄດ້​ລາຍ​ງານ​ກ່ຽວ​ກັບ​ການ­ຈັດ­ຕັ້ງ​ປະ­ຕິ­ບັດ​ວຽກ​ງານ​ໃນ​ໄລ­ຍະ​ຜ່ານ​ມາ ໂດຍ​ສະ­ເພາະ ການ​ອອກ​ໃບ​ຕາ­ດິນ 6 ເດືອນ​ຕົ້ນ​ປີ ແລະ ແຜນ­ການ​ສູ້​ຊົນ​ຕໍ່­ໜ້າ ການ​ແກ້​ໄຂ​ຂໍ້​ຂັດ​ແຍ່ງ​ທີ່​ດິນ ການ​ແຈ້ງ​ຕອບ​ຄຳ​ຮ້ອງ ຄຳ​ສະ­ເໜີ​ຂອງ​ປະ­ຊາ­ຊົນ ແລະ ສາຍ​ດ່ວນ​ສະ­ພາ ຫ້ອງ­ການ​ສຳ ນັກ​ງານ​ນາ­ຍົກ­ລັດ­ຖະ­ມົນ­ຕີ ກະ­ຊວງ ຊສ ການ​ບໍ­ລິ­ການ​ອຳ­ນວຍ​ຄວາມ​ສະ­ດວກ​ໃຫ້​ປະ­ຊາ­ຊົນ ແລະ ບັນ­ຫາ​ອື່ນໆ.

    ທ່ານ ວົງ​ເດືອນ ສີ​ຫາ​ລາດ ຫົວ­ໜ້າ​ກົມ​ທີ່​ດິນ ກະ­ຊວງ ຊສ ຍັງ​ໄດ້​ລາຍ​ງານ​ກ່ຽວ​ກັບ​ການ​ແລກ ປ່ຽນ​ທີ່​ດິນ​ຢູ່​ແຄມ​ຂອງ (ເຂດ​ໂຮງ­ແຮມ​ແລນ​ມາກ) ເມືອງ​ສີ​ສັດ­ຕະ​ນາກ ຂອງ​ນັກ​ລົງ­ທຶນ​ຈີນ ເພື່ອ​ປ່ຽນ​ແທນ​ດິນ​ຢູ່​ເຂດ​ດົງ​ໝາກ­ຄາຍ ເມືອງ​ໄຊ​ທາ­ນີ ເຊິ່ງ​ປັດ­ຈຸ­ບັນ​ຍັງ​ຢູ່​ໃນ​ຂັ້ນ​ຕອນ​ການ​ເຈລະ­ຈາ ລະ­ຫວ່າງ​ພາກ​ລັດ ແລະ ນັກ​ລົງ­ທຶນ​ດັ່ງ­ກ່າວ.

ຂ່າວທີ່ກ່ຽວຂ້ອງ