ຂ່າວຫຼ້າສຸດ

ຢູ-15 ລາວ ຖືກ ມາເລເຊຍ ຕີສະເໝີທ້າຍເກມ ຕົກຮອບຊີງແຊັມອາຊຽນ

424 06 ສ.ຫ. 2019 ວົງຈອນກີລາ
ຢູ-15 ລາວ ຖືກ ມາເລເຊຍ ຕີສະເໝີທ້າຍເກມ ຕົກຮອບຊີງແຊັມອາຊຽນ

    ການ​ແຂ່ງ­ຂັນ​ເຕະ­ບານ​ຊາຍ ຮຸ່ນ​ອາ­ຍຸ​ບໍ່​ເກີນ 15 ປີ ຊີງ​ແຊັມ​ອາ​ຊຽນ 2019 ທີ່​ແຂວງ​ຊົນ​ບູ​ຣີ ປະ­ເທດ​ໄທ ລະ­ຫວ່າງ ວັນ​ທີ 27 ກໍ­ລະ­ກົດ ຫາ​ວັນ​ທີ 9 ສິງ­ຫາ 2019 ໃນ​ວັນ​ທີ 3 ສິງ­ຫາ ເປັນ​ການ​ແຂ່ງ­ຂັນ​ນັດ​ທີ 4 ຂອງ​ກຸ່ມ B ຢູ-15 ປີ ທີມ​ຊາດ​ລາວ ພົບ​ກັບ ຢູ-15 ປີ ທີມ​ຊາດ​ມາ​ເລ​ເຊຍ ທີ່​ຊະ­ນະ​ມາ 3 ນັດ​ລວດ ນັດ​ນີ້ ຢູ-15 ລາວ ຕ້ອງ­ການ​ຊະ­ນະ ເພື່ອ​ຕໍ່​ໂອ­ກາດ​ລຸ້ນ​ເຂົ້າ​ຮອບ​ຕໍ່​ໄປ.

    ເກມ​ນີ້ ຢູ-15 ປີ ທີມ​ຊາດ​ລາວ ສາ­ມາດ​ຍິງ​ປະ­ຕູ​ຂຶ້ນ​ນຳ​ກ່ອນ​ຕາມ​ຄາດ­ໝາຍ ໃນ​ນາ­ທີໆ 33 ຈາກ ທິບ​ພະ­ຈັນ ຄຳ­ໃບ​ອ່ອນ ເຮັດ​ໃຫ້​ຈົບ​ເຄິ່ງ​ເວ­ລາ​ທີ​ໜຶ່ງ ຢູ-15 ປີ ທີມ​ຊາດ​ລາວ ຂຶ້ນ​ນຳ ຢູ-15 ປີ ທີມ​ຊາດ​ມາ​ເລ​ເຊຍ 1-0 ມາ​ເຄິ່ງ​ເວ­ລາ​ທີ​ສອງ ມາ​ເລ​ເຊຍ ບຸກ​ໝັກ​ຫວັງ​ໃຫ້​ມີ​ຄະ­ແນນ​ໃນ​ນັດ​ນີ້ ເພື່ອ ລຸ້ນ​ເຂົ້າ​ຮອບ 4 ທີມ​ໃຫ້​ສົດ­ໃສ​ກວ່າ​ເກົ່າ ແລະ ມາ​ປະ­ສົບ​ຜົນ­ສຳ­ເລັດ​ໃນ​ທ້າຍ​ເກມ​ໄລ­ຍະ​ຕໍ່​ເວ­ລາ​ບາດ­ເຈັບ ນາ­ທີໆ 80+1 ຈົບ​ເກມ​ທັງ​ສອງ​ທີມ​ສະ­ເໝີ​ກັນ 1-1 ຢູ-15 ປີ ທີມ​ຊາດ​ລາວ ພ່າດ​ໂອ­ກາດ​ໄດ້ 3 ຄະ­ແນນ​ຢ່າງ​ໜ້າ​ເສຍ­ດາຍ ຕົກ​ຮອບ​ເປັນ​ທາງ​ການ ສ່ວນ​ຜົນ​ອີກ​ໜຶ່ງ​ຄູ່​ໃນ​ກຸ່ມ​ດຽວ​ກັນ ກຳ­ປູ­ເຈຍ ສະ­ເໝີ​ກັບ ບຣູ​ໄນ 1-1 ຕົກ​ຮອບ​ທັງ​ສອງ​ທີມ.

    ສະ­ຫຼຸບ​ຜົນ­ງານ​ຂອງ ຢູ-15 ປີ ທີມ​ຊາດ​ລາວ ແຂ່ງ 4 ນັດ​ໃນ​ກຸ່ມ B ເສຍ​ໃຫ້ ໄທ​ເຈົ້າ­ພາບ 1-2 ເສຍ​ໃຫ້ ອົດ​ສະ​ຕຣາ​ລີ 0-3 ຊະ­ນະ ບຣູ​ໄນ 3-0 ແລະ ສະ­ເໝີ​ກັບ ມາ​ເລ​ເຊຍ 1-1 ຕົກ​ຮອບ​ແນ່­ນອນ​ແລ້ວ ຂະ­ນະ​ທີ່ ມາ​ເລ​ເຊຍ ມີ 10 ຄະ­ແນນ ຈາກ 4 ນັດ ນັດ​ສຸດ​ທ້າຍ​ກຸ່ມ​ນີ້ ແຂ່ງ​ໃນ​ວັນ​ທີ 5 ສິງ­ຫາ ລາວ ພົບ ກຳ­ປູ­ເຈຍ ເວ­ລາ 15:00 ໂມງ ບຣູ​ໄນ ພົບ ອົດ​ສະ​ຕຣາ​ລີ ເວ­ລາ 15:30 ໂມງ​ແລະ ໄທ ພົບ ມາ​ເລ​ເຊຍ ເວ­ລາ 18:00 ໂມງ ສ່ວນ​ຜົນ​ການ​ແຂ່ງ­ຂັນ​ຈະ​ເປັນ​ແນວ­ໃດ ຈະ​ລາຍ​ງານ ໃຫ້​ຊາບ​ຕື່ມ.

ຂ່າວທີ່ກ່ຽວຂ້ອງ