ຮສສ ໄດ້ຮັບເຄື່ອງຊ່ວຍເຫຼືອ ມູນຄ່າ 11 ຕື້ກວ່າກີບ

548 05 ສ.ຫ. 2019 ຂ່າວໜ້າ​ໜຶ່ງ
ຮສສ ໄດ້ຮັບເຄື່ອງຊ່ວຍເຫຼືອ ມູນຄ່າ 11 ຕື້ກວ່າກີບ

    ສະ­ມາ­ຄົມ​ສິ­ລະ​ປະ ແລະ ວັດ­ທະ­ນະ­ທຳ​ແຊ​ຣິງ ສ.ເກົາ­ຫຼີ ໄດ້​ນຳ​ເອົາ​ເຄື່ອງ​ມາ​ມອບ​ໃຫ້ ກະ­ຊວງ​ແຮງ​ງານ ແລະ ສະ­ຫວັດ­ດີ​ການ​ສັງ­ຄົມ (ຮສສ)  ໃນ​ວັນ​ທີ 31 ກໍ­ລະ­ກົດ 2019 ນີ້  ທີ່​ກະ­ຊວງ​ດັ່ງ­ກ່າວ ກ່າວ​ມອບ​ໂດຍ ທ່ານ ນາງ ຢູ ຮຽນ ສຸກ ປະ­ທານ​ສະ­ມາ­ຄົມ​ສິ­ລະ​ປະ ແລະ ວັດ­ທະ­ນະ­ທຳ ແຊ​ຣິງ ສ.ເກົາ­ຫຼີ ແລະ ກ່າວ​ຮັບ​ໂດຍ ທ່ານ ນາງ ໃບ​ຄຳ ຂັດ​ທິ​ຍະ ຮອງ​ລັດ­ຖະ­ມົນ­ຕີ​ກະ­ຊວງ​ແຮງ​ງານ ແລະ ສະ­ຫວັດ­ດີ​ການ​ສັງ­ຄົມ  ເປັນ​ເຂົ້າ​ຮ່ວມ​ຂອງ ທ່ານ ຊິນ​ຊຸງ​ຊຸນ ເອກ​ອັກ​ຄະ​ລັດ​ຖະ​ທູດ ສ.ເກົາ­ຫຼີ​ປະ­ຈຳ​ລາວ ພ້ອມ​ຄະ­ນະ​ທີ່​ກ່ຽວ­ຂ້ອງ​ທັງ​ສອງ​ຝ່າຍ​ເຂົ້າ​ຮ່ວມ.

    ສຳ­ລັບ​ເຄື່ອງ​ທີ່​ນຳ​ມາ​ມອບ​ໃນ​ຄັ້ງ ນີ້​ປະ­ກອບ​ມີ: ເຄື່ອງ­ນຸ່ງ​ຫົ່ມ ແລະ ເກີບ​ລວມ​ມີ 3.953 ແກັດ​ໂຕະ​ນັກ­ຮຽນ 228 ໜ່ວຍ ຕັ່ງ 303 ໜ່ວຍ ບານ­ເຕະ 5 ແກັດ ແລະ ອຸ­ປະ­ກອນ​ການ​ຮຽນ 2 ແກັດ ລວມ​ມູນ​ຄ່າ​ທັງ​ໝົດ 1.300.000 ໂດ​ລາ​ສະ­ຫະ­ລັດ ຫຼື​ປະ­ມານ 11 ຕື້​ກວ່າ​ກີບ.

    ທ່ານ ນາງ ໃບ​ຄຳ ຂັດ​ທິ​ຍະ ໄດ້​ຕາງ­ໜ້າ ໃຫ້​ຄະ­ນະ​ນຳ​ກະ­ຊວງ ຮສສ ສະ­ແດງ​ຄວາມ​ຂອບ­ໃຈ ຕໍ່ ທ່ານ ນ. ຢູ ຮຽນ ສຸກ ປະ­ທານ​ສະ­ມາ­ຄົມ​ສິ­ລະ​ປະ ແລະ ວັດ­ທະ­ນະ­ທຳ ແຊ​ຣິງ ສ.ເກົາ­ຫຼີ ທີ່​ນຳ​ເອົາ​ເຄື່ອງ​ຈຳ­ນວນ​ດັ່ງ­ກ່າວ​ມາ​ມອບ​ໃນ​ຄັ້ງ​ນີ້ ສຳ­ລັບ​ເຄື່ອງ​ດັ່ງ­ກ່າວ​ແມ່ນ​ຈະ​ນຳ­ໄປ​ມອບ​ຕໍ່­ໃຫ້​ຄອບ­ຄົວ​ທຸກ​ຍາກ ແລະ ໂຮງ­ຮຽນ​ທຸກ​ຍາກ​ໃນ​ເຂດ​ຫ່າງ​ໄກ​ສອກ­ຫຼີກ​ເພື່ອ​ແນ່​ໃສ່​ໃຫ້​ເຂົາ­ເຈົ້າ​ມີ​ຊີ­ວິດ​ການ​ເປັນ​ຢູ່​ທີ່​ດີ​ຂຶ້ນ.

ຂ່າວທີ່ກ່ຽວຂ້ອງ