ລາວ ເສຍໃຫ້ ອົດສະຕຣາລີ ເຕະບານຊາຍ ຢູ-15 ປີ

619 02 ສ.ຫ. 2019 ວົງຈອນກີລາ
ລາວ ເສຍໃຫ້ ອົດສະຕຣາລີ ເຕະບານຊາຍ ຢູ-15 ປີ

    ການ​ແຂ່ງ­ຂັນ​ເຕະ­ບານ​ຊາຍ ຮຸ່ນ​ອາ­ຍຸ​ບໍ່​ເກີນ 15 ປີ ຊີງ​ແຊັມ​ອາ​ຊຽນ 2019 ທີ່​ແຂວງ​ຊົນ​ບູ​ຣີ ປະ­ເທດ ໄທ ລະ­ຫວ່າງ ວັນ​ທີ 27 ກໍ­ລະ­ກົດ ຫາ​ວັນ​ທີ 9 ສິງ­ຫາ 2019 ໃນ​ວັນ​ທີ 30 ກໍ­ລະ­ກົດ ນີ້ ທີ່​ສະ­ໜາມ Chonburi Campus Stadium 1 ເປັນ​ການ​ແຂ່ງ­ຂັນ​ນັດ​ທີ 2 ຂອງ​ກຸ່ມ B ຢູ-15 ປີ ທີມ​ຊາດ​ລາວ ເສຍ​ໃຫ້ ອົດ​ສະ​ຕຣາ​ລີ 0-3 ອົດ​ສະ​ຕຣາ​ລີ ໄດ້​ປະ­ຕູ​ໃນ​ນາ­ທີ ທີ 32 72 ແລະ 78 ທີມ​ຊາດ​ລາວ ເສຍ​ເປັນ​ນັດ ທີ 2 ຕິດ​ກໍ່​ກັນ ຫຼັງ​ຈາກ​ນັດ​ທຳ​ອິດ​ເສຍ​ໃຫ້ ໄທ ເຈົ້າ­ພາບ ຮອງ​ແຊັມ​ຈາກ​ປີ­ຜ່ານ­ມາ ທັງ​ເປັນ​ອະ­ດີດ​ແຊັມ 3 ສະ­ໄໝ 1-2.

    ສຳ­ລັບ ຢູ-15 ລາວ ແຂ່ງ 2 ນັດ ເສຍ​ທັງ 2 ນັດ ຍັງ​ບໍ່​ມີ​ຄະ­ແນນ ສ່ວນ​ອົດ​ສະ​ຕຣາ​ລີ ແຂ່ງ 2 ນັດ ຊະ­ນະ​ທັງ 2 ນັດ​ມີ 6 ຄະ­ແນນ ນັດ​ຕໍ່​ໄປ ລາວ ພົບ​ກັບ ບູ​ຣ​ໄນ ໃນ​ວັນ​ທີ 1 ສິງ­ຫາ​ນີ້ ເວ­ລາ 15:00 ໂມງ ສ່ວນ​ອົດ​ສະ​ຕຣາ​ລີ ພົບ​ກັບ ມາ​ເລ​ເຊຍ ເວ­ລາ 15:30 ໂມງ ແລະ ໄທ ເຈົ້າ­ພາບ ພົບ​ກັບ ກຳ­ປູ­ເຈຍ ເວ­ລາ 18:00 ໂມງ.

ຂ່າວທີ່ກ່ຽວຂ້ອງ