ຂ່າວຫຼ້າສຸດ

ສົ່ງເສີມການມີສ່ວນຮ່ວມຂອງປະຊາຊົນ ເຂົ້າໃນການທ່ອງທ່ຽວໃຫ້ແຂງແຮງ

4.836 28 ກ.ພ. 2011 ພັດທະນານະຄອນຫຼວງ

<p style="text-align: justify;"> ການ­ທ່ອງ­ທ່ຽວ​ຂອງ ສປປ ລາວ ແມ່ນ​ມີ​ຫຼາກ​ຫຼາຍ​ສີ­ສັນ​ທີ່​ສຸດ ເປັນ­ຕົ້ນ​ແມ່ນ​ການ­ທ່ອງ­ທ່ຽວ​ດ້ານ​ທຳ​ມະ​ຊາດ ປະ­ຫວັດ­ສາດ ແລະ ວັດ­ທະ­ນະ­ທຳ ເນື່ອງ​ຈາ​ກວ່າ ສປປ ລາວ ມີ​ຄວາມ​ຫຼາກ​ຫຼາຍ ແລະ ອຸ­ດົມ­ສົມ­ບູນ​ທາງ​ຊົນ­ເຜົ່າ ອັນ​ໄດ້​ເຮັດ​ໃຫ້​ການ­ທ່ອງ­ທ່ຽວ​ຂອງ ສປປ ລາວ ນັບ​ມື້​ນັບ​ໄດ້​ຮັບ​ການ​ຂະ­ຫຍາຍ­ຕົວ​ຢ່າງ​ບໍ່​ຢຸດ​ຢັ້ງ ໃນ​ແຕ່​ລະ​ປີ​ມີ​ນັກ​ທ່ອງ​ທ່ຽວ​ເຂົ້າ​ມາ​ໃນ​ລາວ​ນັບ​ເປັນ​ຫຼາຍ​ລ້ານ​ເທື່ອ​ຄົນ ມັນ​ໄດ້​ເຮັດ​ໃຫ້­ການ​ບໍ­ລິ­ການ​ທາງ​ດ້ານ​ທີ່​ພັກ ອາ­ຫານ ພະ­ນັກ­ງານ​ນຳ​ທ່ຽວ ແລະ ອື່ນໆ ບໍ່​ທັນ​ພຽງ­ພໍ​ກັບ​ຄວາມ​ຮຽກ­ຮ້ອງ​ຕ້ອງ­ການ​ໃນ​ບາງ​ຄັ້ງ ສະ­ນັ້ນ ຈຶ່ງ​ມີ​ຄວາມ​ຈຳ­ເປັນ​ໃນ​ການ​ສົ່ງ­ເສີມ​ການ​ມີ​ສ່ວນ​ຮ່ວມ​ຂອງ​ປະ­ຊາ­ຊົນ ເຂົ້າ​ໃນ​ການ­ທ່ອງ­ທ່ຽວ​ຢ່າງ​ແຂງ­ແຮງ.</p> <p style="text-align: justify;"> ເນື່ອງ​ຈາ​ກວ່າ ສປປ ລາວ ມີ​ຄວາມ​ແຕກ​ຕ່າງ​ຂອງ​ບາງ​ເຂດ​ແຂວງ​ທາງ​ດ້ານ​ທີ່​ຕັ້ງ​ພູມ​ສັນ­ຖານ ແລະ ໂອ­ກາດ​ໃນ​ການ​ພັດ­ທະ­ນາ ບາງ​ແຂວງ​ກໍ​ຢູ່​ຫ່າງ​ໄກ​ສອກ­ຫຼີກ ຈຶ່ງ​ເຮັດ​ໃຫ້­ການ​ສະ­ໜອງ​ຂໍ້​ມູນ​ທາງ​ດ້ານ​ການ­ທ່ອງ­ທ່ຽວ​ບໍ່​ທັນ​ເຮັດ​ໄດ້​ດີ ນັກ​ທ່ອງ​ທ່ຽວ​ສ່ວນ​ຫຼາຍ​ຍັງ​ບໍ່​ທັນ​ຮັບ​ຮູ້​ຂໍ້​ມູນ ອັນ​ໄດ້​ເຮັດ​ໃຫ້​ເປັນ​ການ​ຈຳ­ກັດ​ທາງ​ດ້ານ​ການ­ທ່ອງ­ທ່ຽວ​ພໍ​ສົມ­ຄວນ ສະ­ນັ້ນ ໜ່ວຍ​ງານ​ທີ່​ຮັບ­ຜິດ­ຊອບ ຄວນ​ໄດ້​ໂຄ­ສະ­ນາ ແລະ ໃຫ້​ຄວາມ​ຮູ້​ແກ່​ປະ­ຊາ­ຊົນ​ເພື່ອ​ຂຸດ​ຄົ້ນ ແລະ ນຳ​ໃຊ້​ທ່າ­ແຮງ​ທາງ​ດ້ານ​ການ­ທ່ອງ­ທ່ຽວ ເຂົ້າ​ໃນ​ການ​ພັດ­ທະ­ນາ​ທ້ອງ­ຖິ່ນ​ນັ້ນ ເປັນ­ຕົ້ນ​ແມ່ນ ການ​ອະ­ນຸ​ຮັກ​ຊັບ­ພະ­ຍາ­ກອນ​ທຳ​ມະ​ຊາດ ແລະ ສິ່ງ­ແວ­ດລ້ອມ ການ​ຈັດ​ກິດ­ຈະ­ກຳ​ທາງ​ດ້ານ​ວັດ­ທະ­ນະ­ທຳ ບຸກ­ເບີກ​ເສັ້ນ­ທາງ​ຄົມ­ມະ­ນາ­ຄົມ​ເພື່ອ​ໄປ​ຫາ​ແຫຼ່ງ​ທ່ອງ​ທ່ຽວ... ທີ່​ສຳ­ຄັນ​ແມ່ນ​ຄວາມ​ເປັນ​ເອ­ກະ­ລັກ​ຂອງ​ຊາດ​ຂອງ​ເຜົ່າ ທີ່​ເປັນ​ຈຸດ​ສົນ­ໃຈ​ຂອງ​ນັກ​ທ່ອງ​ທ່ຽວ ພັກ​ເຮົາ​ໄດ້​ໃຫ້​ທັດ­ສະ­ນະ​ວ່າ ພາ­ລະ­ກິດ​ປະ­ຕິ­ວັດ ແມ່ນ​ຂອງ​ມະ­ຫາ­ຊົນ ແລະ ມະ­ຫາ­ຊົນ ເປັນ​ຜູ້​ສ້າງ​ປະ­ຫວັດ­ສາດ ຍາມ​ໃດ​ພັກ​ກໍ​ອີງ­ໃສ່​ປະ­ຊາ­ຊົນ... ວັດ­ຖຸ​ປະ­ສົງ​ຂອງ​ພັກ ກໍ​ແມ່ນ​ຕອບ​ສະ­ໜອງ​ຜົນ​ປະ­ໂຫຍດ ແລະ ຄວາມ​ມຸ່ງ​ມາດ​ປາ­ຖະ­ໜາ​ອັນ​ຊອບ​ທຳ​ຂອງ​ປະ­ຊາ­ຊົນ ໃນ​ນັ້ນ ການ­ທ່ອງ­ທ່ຽວ​ກໍ​ແມ່ນ​ຂະ​ບວນ​ການ​ປະ­ຕິ­ວັດ​ອັນ​ໜຶ່ງ ໃນ​ຂະ​ບວນ​ການ​ລວມ​ຂອງ​ການ​ປົກ​ປັກ​ຮັກ­ສາ ແລະ ສ້າງ­ສາ​ພັດ­ທະ­ນາ​ປະ­ເທດ​ຊາດ​ໃນ​ໄລ­ຍະ​ໃໝ່ ມັນ​ຈຶ່ງ​ບໍ່​ສາ­ມາດ​ຕັດ​ແຍກ​ອອກ​ຈາກ​ຂະ​ບວນ​ການ ໃນ​ການ​ມີ​ສ່ວນ​ຮ່ວມ​ຂອງ​ປະ­ຊາ­ຊົນ​ບັນ­ດາ­ເຜົ່າ ກ່ຽວ​ກັບ​ການ​ໂຄ­ສະ­ນາ​ເຜີຍ­ແຜ່ ແລະ ປະ­ຕິ­ບັດ​ແນວ­ທາງ​ນະ­ໂຍ­ບາຍ​ຂອງ​ພັກ ລະ­ບຽບ​ກົດ­ໝາຍ​ຂອງ​ລັດ ເຂົ້າ​ໃນ​ການ​ສົ່ງ­ເສີມ ແລະ ພັດ­ທະ­ນາ​ການ­ທ່ອງ­ທ່ຽວ​ຢ່າງ​ແຂງ­ແຮງ ເປັນ­ຕົ້ນ​ແມ່ນ​ການ​ປະ­ກອບ­ສ່ວນ​ໃນ​ການ​ຜະ­ລິດ​ພືດ​ຜັກ ຊີ້ນ ເຂົ້າ​ປາ​ອາ­ຫານ ເພື່ອ​ປ້ອນ​ຕະ­ຫຼາດ ໃນ​ການ​ຕອບ​ສະ­ໜອງ​ໃຫ້​ແກ່​ນັກ​ທ່ອງ​ທ່ຽວ ທີ່​ນັບ​ມື້​ນັບ​ເພີ່ມ​ຂຶ້ນ ເຂົ້າ​ຮ່ວມ​ໃນ​ການ​ຕອບ​ສະ­ໜອງ​ທີ່​ພັກ ເຂົ້າ​ຮ່ວມ​ເປັນ​ຜູ້­ນຳ​ທ່ຽວ​ໃນ​ພາກ​ພື້ນ​ທີ່​ທຳ​ມະ​ຊາດ ໃນ​ຂອບ​ເຂດ​ບໍ­ລິ­ເວນ​ທີ່​ຕົນ​ເອງ​ຮູ້­ຈັກ ແລະ ມີ​ຄວາມ​ສາ­ມາດ​ພຽງ­ພໍ ພ້ອມ​ກັນ​ນັ້ນ ກໍ​ເຂົ້າ​ຮ່ວມ​ໃນ​ການ​ຈັດ​ກິດ­ຈະ­ກຳ ຫຼື ບຸນ​ປະ­ເພ­ນີ​ຂອງ​ທ້ອງ­ຖິ່ນ​ຕົນ​ຢ່າງ​ຄຶກ­ຄື້ນ ມີ​ລະ­ບຽບ ແລະ ປະ­ຕິ­ບັດ​ຕາມ​ກົດ­ໝາຍ​ຂອງ​ບ້ານ​ເມືອງ ສ້າງ​ໃຫ້​ວຽກ​ງານ​ການ­ທ່ອງ­ທ່ຽວ ກາຍ­ເປັນ​ວຽກ​ງານ​ລວມ​ຂອງ​ມະ­ຫາ­ຊົນ ຂອງ​ປະ­ຊາ­ຊົນ​ຢ່າງ​ແທ້​ຈິງ.</p>

ຂ່າວທີ່ກ່ຽວຂ້ອງ