ຣັດ​ເຊຍ ໃຊ້​ລູກ​ສອນ​ໄຟ​ຍິງ​ສົ່ງ​ດາວ​ທຽມ​ໂທລະ​ຄົມມະນາຄົມ

478 01 ສ.ຫ. 2019 ຂ່າວຕ່າງປະເທດ
ຣັດ​ເຊຍ ໃຊ້​ລູກ​ສອນ​ໄຟ​ຍິງ​ສົ່ງ​ດາວ​ທຽມ​ໂທລະ​ຄົມມະນາຄົມ

     ກອງທັບ​ຣັດ​ເຊຍ ໄດ້​ປະ​ຄວາມ​ສຳເລັດ​ໃນ​ການ​ຍິງ​ລູກ​ສອນ​ໄຟ Soyuz-2.1 ແບບ​ຍູ້ ເພື່ອ​ນຳ​ເອົາ​ດາວ​ທຽມ​ໂທລະ​ຄົມມະນາຄົມ ຂຶ້ນ​ສູ່​ວົງ​ໂຄຈອນ ໂດຍ​ການ​ຍິງ​ສົ່ງ​ດັ່ງກ່າວ ມີ​ຂຶ້ນ​ເມື່ອ​ວັນ​ທີ 30 ກໍລະກົດ​ທີ່​ຜ່ານ​ມາ ທີ່​ສະໜາມ​ບິນ​ອາ​ວະ​ກາດ ເປຼ​ເຊັດ​​ສກ໌ ຢູ່​ໃນ​ເຂດ ອາກ​ຄານ​ແກລ​​ສກ໌ (ພາກ​ເໜືອ​ຣັດ​ເຊຍ).

    ຂ່າວ​ແຈ້ງວ່າ ດາວ​ທຽມ​ໂທລະ​ຄົມມະນາຄົມ Meridian ໄດ້​ແຍກ​ຕົວ​ອອກ​ຈາກ​ລູກ​ສອນ​ໄຟ ຫຼັງ​ຈາກ​ທີ່​ຍິງ​ໄປ​ໄດ້ 9 ນາທີ ແລະ ຄາດ​ວ່າ​ຈະ​ບິນ​ເຂົ້າ​ສູ່​ວົງ​ໂຈ​ຈອນ ພາຍ​ໃນ​ຫຼາຍ​ຊົ່ວໂມງ​ຫຼັງ​ຈາກ​ນັ້ນ.

     ບັນດາ​ດາວ​ທຽມ​ປະເພດ Meridian ໄດ້​ຮັບ​ການ​ອອກ​ແບບ ເພື່ອ​ສະໜອງ​ຂໍ້​ມູນ​ຂ່າວສານ ລະຫວ່າງ​ບັນດາ​ກຳປັ່ນ ເຮືອ​ແພ ເຮືອບິນ ແລະ ສະຖານີ​ຕ່າງໆ​ຢູ່​ໃນ​ເຂດ​ແຄມ​ຝັ່ງ​ທະເລ.

ຂ່າວທີ່ກ່ຽວຂ້ອງ