ບັນດາ​ຕົວ​ເລກ​ທີ່​ໜ້າ​ຕົກໃຈ​ກັບ​ວັນ​ແຫ່ງ​ໜ່ວຍ​ໂລກ

454 01 ສ.ຫ. 2019 ຂ່າວຕ່າງປະເທດ
ບັນດາ​ຕົວ​ເລກ​ທີ່​ໜ້າ​ຕົກໃຈ​ກັບ​ວັນ​ແຫ່ງ​ໜ່ວຍ​ໂລກ

     ໃນ​ຈຸດ​ເວລາ​ວັນ​ທີ 29 ກໍລະກົດ​ປີ​ນີ້ ຄົນ​ທັງຫຼາຍ​ພວມ​ໃຊ້​ຊັບພະຍາກອນ​ທຳ​ມະ​ຊາດ ໄວ​ທົບ 1,75 ເທົ່າ ເມື່ອ​ທຽບໃສ່​ຄວາມ​ສາມາດ​ຟື້ນ​ຟູ​ຂອງ​ໜ່ວຍ​ໂລກ ເທົ່າ​ກັບ​ການ​ທີ່​ວ່າ​ຕ້ອງ​ໄດ້​ມີ  "1,75 ໜ່ວຍ​ໂລກ" ຈຶ່ງ​ສາມາດ​ຮອງ​ຮັບ​ຄວາມ​ຕ້ອງການ​ນັ້ນ​ໄດ້.

    ຄວາມ​ເປັນ​ຈິງ​ຄື​ດັ່ງກ່າວ ໄດ້​ຮັບ​ການ​ສ່ອງ​ແສງ​ອອກ​ມາ​ຢູ່​ໃນ​ບົດ​ລາຍ​ງານ​ຂອງ​ອົງການ​ສິ່ງແວດລ້ອມ Global Footprint Network ໃນ​ເມື່ອ​ວ່າ​ປີ​ນີ້ ເຫດການ​ຖືກ​ເອີ້ນ​ວ່າ "Earth Overshoot Day" (ວັນ​ໜ່ວຍ​ໂລກ​ເກີນ​ຂີດ​ກຳນົດ) ຊຶ່ງ​ເປັນ​ວັນ​ທີ່​ຜູ້​ຄົນ​ໃຊ້​ປະລິມານ​ຊັບພະຍາກອນ​ທຳ​ມະ​ຊາດ ທີ່​ໜ່ວຍ​ໂລກ​ມີ​ຄວາມ​ສາມາດ​ຕອບ​ສະໜອງ​ພາຍ​ໃນ 1 ປີ ຈົນ​ໝົດ ນັ້ນ​ມາ​ຮອດ​ໄວ​ກວ່າ.

    ນັບ​ແຕ່​ເທື່ອ​ທຳ​ອິດ​ທີ່​ໄດ້​ເປັນ “ຂີດ​ໝາຍ” ຢ່າງ​ເປັນ​ທາງ​ການ​ໃນ​ປີ 1986 ເປັນຕົ້ນ​ມາ Earth Overshoot Day ໃນ​ປີ​ຫຼັງ​ຕ່າງ​ກໍ​ມາ​ຮອດ​ກ່ອນ​ປີ​ກ່ອນ. ປີ 1993 Earth Overshoot Day ຕົກ​ໃສ່​ວັນ​ທີ 21 ຕຸລາ. ເມື່ອ​ຄົບຮອບ 10 ປີ​ຕໍ່​ຈາກ​ນັ້ນ ໝາຍ​ຄວາມ​ວ່າ​ໃນ​ປີ 2003 Earth Overshoot Day ຕົກ​ໃສ່​ວັນ​ທີ  22 ກັນຍາ ແລະ ມາ​ຮອດ​ປີ 2017 Earth Overshoot Day ຕົກ​ໃສ່​ວັນ​ທີ 2 ສິງຫາ ແລະ ຫຼ້າ​ສຸດ Earth Overshoot Day ໃນ​ປີ 2019 ຕົກ​ໃສ່​ວັນ​ທີ 29 ກໍລະກົດ.

    ອົງການ​ສິ່ງແວດລ້ອມ Global Footprint Network ແລະ ກອງ​ທຶນ​ປ້ອງ​ກັນ​ທຳ​ມະ​ຊາດ ສາກົນ (WWF) ໄດ້​ໃຫ້ Earth Overshoot Day ກຳນົດ​ເອົາ​ວັນ​ໜຶ່ງ​ພາຍ​ໃນ​ປີ ບົນ​ພື້ນຖານ​ການ​ຄິດໄລ່​ເຖິງ​ຄວາມ​ຕ້ອງການ ໃນ​ການ​ບໍລິໂພກ​ສະບຽງ​ອາຫານ ຂຸດ​ຄົ້ນ​ຊັບພະຍາກອນ (ປ່າໄມ້) ກໍ່ສ້າງ​ພື້ນຖານ​ໂຄງ​ລ່າງ ປະກອບ​ກັບ​ຂີດ​ຄວາມ​ສາມາດ​ໃນ​ການ​ຮັບ​ເອົາ​ການ​ປ່ອຍ​ແກ​​ັສ CO2 ທີ່​ມາ​ຈາກ​ການ​ນຳ​ໃຊ້​ເຊື້ອ​ໄຟ​ແຂງ​ພາຍ​ໃນ​ເວລາ 1 ປີ.

ຂ່າວທີ່ກ່ຽວຂ້ອງ