ຂ່າວຫຼ້າສຸດ

ການ​ສົ່ງ​ອອກ​ດິນ​ຫາ​ຍາກ​ຂອງ​ຈີນ ໄປ​ຍັງ ສ ອາ​ເມ​ຣິ​ກາ ຫຼຸດ​ລົງ

176 31 ກ.ລ. 2019 ຂ່າວຕ່າງປະເທດ
ການ​ສົ່ງ​ອອກ​ດິນ​ຫາ​ຍາກ​ຂອງ​ຈີນ ໄປ​ຍັງ ສ ອາ​ເມ​ຣິ​ກາ ຫຼຸດ​ລົງ

    ສະຫະ​ກົມ​ດ່ານ​ພາສີ​ຂອງ​ຈີນ ແຈ້ງ​ໃຫ້​ຮູ້ເມື່ອ​ບໍ່​ດົນ​ມາ​ນີ້​ວ່າ ການ​ສົ່ງ​ອອກ​ດິນ​ຫາ​ຍາກ​ຂອງ​ຈີນ ໄປ​ຍັງ ສ ອາ​ເມ​ຣິ​ກາ ໃນ​ເດືອນ​ມິຖຸນາ ປີ 2019 ໄດ້​ຫຼຸດ​ລົງ 3,9% ເມື່ອ​ທຽບໃສ່​ເດືອນ​ພຶດສະພາ ໂດຍ​ບັນລຸ​ພຽງ​ປະມານ 414 ໂຕນ.

    ສະຖິຕິ​ຢ່າງ​ເປັນ​ທາງ​ການ ໃຫ້​ຮູ້​ວ່າ ການ​ສົ່ງ​ອອກ​ດິນ​ຫາ​ຍາກ​ຂອງ​ຈີນ ໄປ​ຍັງ ສ ອາ​ເມ​ຣິ​ກາ ໃນ​ເດືອນ​ພຶດສະພາ ປີ 2019 ບັນລຸ 430 ໂຕນ ຊຶ່ງ​ເປັນ​ລະດັບ​ປະຈຳ​ເດືອນ​ທີ່​ສູງ​ສຸດ ນັບ​ແຕ່​ປີ 2016 ເປັນຕົ້ນ​ມາ.

     ໃນ​ຂະນະ​ດຽວ​ກັນ ສະຫະ​ກົມ​ດັ່ງກ່າວ ກໍ​ໃຫ້​ຮູ້​ວ່າ ການ​ນຳ​ເຂົ້າໝາກ​ຖົ່ວເຫຼືອງ​ຂອງ​ຈີນ ຈາກ ສ ອາ​ເມ​ຣິ​ກາ ໄດ້​ຫຼຸດ​ລົງ ໃນ​ເດືອນ​ມີ​ຖຸ​ນາ ປີ 2019 ຈີນ​ຊື້​ໝາກ​ຖົ່ວເຫຼືອງ​ຈາກ ສ ອາ​ເມ​ຣິ​ກາ ພຽງ​ທີ່ 614.805 ໂຕນ ເປັນ​ການ​ຫຼຸດ​ລົງ 2,5% ເມື່ອ​ທຽບໃສ່​ເວລາ​ດຽວ​ກັນ​ຂອງ​ປີ​ກາຍ ແລະ ຫຼຸດ​ລົງ 37% ເມື່ອ​ທຽບໃສ່​ເດືອນ​ພຶດສະພາ.

ຂ່າວທີ່ກ່ຽວຂ້ອງ