ຂ່າວຫຼ້າສຸດ

ມາ​ເລ​ເຊຍ​ຈະ​ອອກ​ຮ່າງ​ກົດໝາຍ​ກ່ຽວ​ກັບ​ຢາສູບ

114 31 ກ.ລ. 2019 ຂ່າວຕ່າງປະເທດ
ມາ​ເລ​ເຊຍ​ຈະ​ອອກ​ຮ່າງ​ກົດໝາຍ​ກ່ຽວ​ກັບ​ຢາສູບ

     ທ່ານ​ຊຸນ​ກີ​ຟລີ ອັບ​ດູ ຮີ​ເອີ ລັດຖະມົນຕີ​ກະຊວງ​ສາທາລະນະ​ສຸກ​ມາ​ເລ​ເຊຍ ກ່າວ​ເມື່ອ​ວັນ​ທີ 28 ກໍລະກົດ​ທີ່​ຜ່ານ​ມາ​ວ່າ ກະຊວງ​ສາທາລະນະ​ສຸກ​ມາ​ເລ​ເຊຍ ພວມ​ຄົ້ນຄວ້າ​ຮ່າງ​ກົດໝາຍ​ວ່າ​ດ້ວຍ​ຢາສູບ ເພື່ອ​ຄວບ​ຄຸມ​ຢາສູບ​ດັ້ງເດີມ ຢາສູບ​ອາຍ​ນ້ຳ, ຢາສູບ​ເອ​ເລັກ​ໂຕຣ​ນິກ ແລະ ອື່ນໆ ຢ່າງ​ມີ​ປະສິດທິພາບ ໂດຍ​ສະເພາະ​ແມ່ນ​ຫວັງ​ຢາກ​ໃຫ້​ຊາວ​ໜຸ່ມ​ທີ່​ມີ​ອາຍຸ​ບໍ່​ຮອດ 18 ປີ ບໍ່​ສາມາດ​ໃຊ້​ຢາສູບ​ດັ່ງກ່າວ.

    ອົງການ​ອະນາໄມ​ໂລກ ໄດ້​ອອກ​ບົດ​ລາຍ​ງານ​ໃນ​ວັນ​ທີ 26 ກໍລະກົດ​ນີ້​ວ່າ ຢາສູບ​ເອ​ເລັກ​ໂຕຣ​ນິກ​ເປັນ​ໄພ​ອັນຕະລາຍ ແລະ ຮຽກຮ້ອງ​ໃຫ້​ປະເທດ​ຕ່າງໆ ເພີ່ມ​ທະວີ​ການ​ຕິດຕາມ​ຄຸ້ມ​ຄອງ​ຕໍ່​ຢາສູບ​ເອ​ເລັກ​ໂຕຣ​ນິກ.

    ທ່ານ​ຊຸນ​ກີ​ຟລີ ໄດ້​ໃຫ້​ສຳພາດ​ໃນ​ມື້​ດຽວ​ກັນ​ວ່າ ຮ່າງ​ກົດໝາຍ​ດັ່ງກ່າວ ຈະ​ຍື່ນ​ໃຫ້​ອົງການ​ໄອ​ຍະ​ການ​ມາ​ເລ​ເຊຍ​ໃນ​ມໍ່ໆ​ນີ້ ໂດຍ​ຫວັງ​ວ່າ​ຈະ​ສາມາດ​ແກ້​ໄຂ​ບັນຫາ​ທີ່​ກົດໝາຍ ແລະ ລະບຽບ​ການ​ກ່ຽວຂ້ອງ​ໃນ​ປັດຈຸບັນ ທີ່​​ີ​ບໍ່​ສາມາດ​ຄວບ​ຄຸມ​ຜະລິດ​ຕະ​ພັນ​ທີ່​ກ່ຽວຂ້ອງ​ຢ່າງ​ມີ​ປະ​ສິດທິ​ຜົນ ກະຊວງ​ສາທາລະນະ​ສຸກ​ມາ​ເລ​ເຊຍ​ໄດ້​ສ້າງຕັ້ງ​ຄະນະ​ກຳມະການ ທີ່​ນຳພາ​ໂດຍ​ຮອງ​ລັດຖະມົນຕີ​ກະຊວງ​ສາທາລະນະ​ສຸກ​ມາ​ເລ​ເຊຍ ເພື່ອ​ປຶກສາ​ຫາລື​ບັນຫາ​ເພີ່ມ​ທະວີ​ການ​ຕິດຕາມ​ຄຸ້ມ​ຄອງ​ຢາສູບ​ເອ​ເລັກ​ໂຕຣ​ນິກ.

ຂ່າວທີ່ກ່ຽວຂ້ອງ