ຂ່າວຫຼ້າສຸດ

ສ້າງພື້ນຖານທີ່ດີແຕ່ຍັງເຍົາໄວ

2.946 28 ກ.ພ. 2011 ສຶກສາ
ສ້າງພື້ນຖານທີ່ດີແຕ່ຍັງເຍົາໄວ

<p style="text-align: justify;"> ການ​ສ້າງ​ພື້ນ­ຖານ​ທີ່​ດີ​ແຕ່​ຍັງ​ເຍົາ​ໄວ ເປັນ​ປັດ​ໄຈ​ສຳ­ຄັນ​ໃນ​ການ​ສ້າງ​ເງື່ອນ­ໄຂ​ໃຫ້​ແກ່​ເດັກ­ນ້ອຍ​ໃນ​ການ​ຮຽນ​ຮູ້ ເຊື່ອມ​ຊຶມ ປູກ​ຈິດ​ສຳ­ນຶກ​ການ​ປະ­ພຶດ​ປະ­ຕິ­ບັດ ສ້າງ​ອາ­ລົມ ແລະ ຈິນ­ຕະ­ນາ­ການ ເປັນ​ພື້ນ­ຖານ​ໃນ​ການ​ສຶກ​ສາ​ຮຽນ​ຮູ້ ເພື່ອ​ກ້າວ​ສູ່​ການ​ເປັນ​ຜູ້​ໃຫຍ່​ໃນ​ອະ­ນາ­ຄົດ ທີ່​ມີ​ຄຸນ​ນະ​ພາບ.</p> <p style="text-align: justify;"> ທ່ານ​ນາງ​ພັນ​ຕີ ຈັນ​ສະ­ໝອນ ໂພ­ທິ​ລາດ ຮອງ​ຫົວ­ໜ້າ​ອຳ­ນວຍ​ການ​ໂຮງ­ຮຽນ​ອະ­ນຸ­ບານ​ກົມ​ພາ­ລາ​ທິ​ການ ກະ­ຊວງ​ປ້ອງ​ກັນ​ຄວາມ​ສະ­ຫງົບ ໄດ້​ກ່າວ​ວ່າ: ຍ້ອນ​ເຫັນ​ໄດ້​ຄວາມ​ສຳ­ຄັນ ໃນ​ການ​ສ້າງ­ສັນ​ສິ່ງ​ດີໆໃຫ້​ແກ່​ເດັກ­ນ້ອຍ ທາງ​ໂຮງ­ຮຽນ​ກໍ​ຄື​ຜູ້​ບໍ­ລິ­ຫານ ຄູ-ອາ­ຈານ ພາຍ​ໃນ​ໂຮງ­ຮຽນ ຈຶ່ງ​ຖື​ເອົາ​ເປັນ​ບັນ­ຫາ​ດັ່ງ­ກ່າວ​ເປັນ​ສຳ­ຄັນ ເຊິ່ງ​ນອກ­ຈາກ​ຈະ​ສິດ​ສອນ­ຄວາມ​ຮູ້​ພື້ນ­ຖານ​ທາງ​ດ້ານ​ວິ­ຊາ​ການ​ແລ້ວ ທີ່​ສຳ­ຄັນ​ພວກ​ເຮົາ​ຍັງ​ໄດ້​ເອົາ­ໃຈ­ໃສ່​ສິດ­ສອນ​ທາງ​ດ້ານ​ຄຸນ­ສົມ­ບັດ ສິນ​ທຳ​ປະ­ຕິ­ວັດ ດ້ວຍ​ຫຼາຍ​ຮູບ​ແບບ​ທີ່​ຫຼາກ​ຫຼາຍ ແຊກ​ຊ້ອນ​ເຂົ້າ​ໃນ​ການ​ສິດ­ສອນ​ໃນ​ແຕ່​ລະ​ວັນ.</p> <p style="text-align: justify;"> ບັນ­ຫາ​ຕົ້ນ­ຕໍ​ທີ່​ປະ­ຕິ­ບັດ​ໃນ​ແຕ່​ລະ​ວັນ​ຄື ການ​ສ້າງ​ອາ­ລົມ​ທີ່​ເບີກ­ບານ​ມ່ວນ­ຊື່ນ​ໃຫ້​ແກ່​ເດັກ­ນ້ອຍ​ຕະ­ຫຼອດ​ເວ­ລາ ເພື່ອ​ເຮັດ​ໃຫ້​ເຂົາ­ເຈົ້າ​ມີ​ຄວາມ­ສຸກ ແລະ ເພີດ­ເພີນ​ຕໍ່​ການ​ຮຽນ​ຢູ່​ຮ່ວມ​ກັນ​ໝູ່​ເພື່ອນ​ພາຍ​ໃນ​ຫ້ອງ ຊອກ​ຫາ​ກິດ­ຈະ­ກຳ​ໃໝ່ໆ​ມາ​ນຳ​ໃຊ້​ເຂົ້າ​ໃນ​ການ​ຮຽນ-ການ​ສອນ ບໍ່​ແມ່ນ​ຈະ​ນຳ​ໃຊ້​ແຕ່​ວິ­ຊາ​ການ​ຕາມ​ປຶ້ມ​ຕຳ­ລາ​ພຽງ​ຢ່າງ​ດຽວ ຄຽງ​ຄູ່​ກັນ​ນັ້ນ ກໍ​ໃຫ້​ນັກ­ຮຽນ​ເປັນ​ຜູ້​ປະ­ຕິ­ບັດ​ກິດ­ຈະ­ກຳ​ດ້ວຍ​ຕົນ​ເອງ ໂດຍ​ມີ​ຄູ​ຄອຍ​ດູ​ແລ​ແນະ­ນຳ​ຢ່າງ​ໃກ້­ຊິດ ເພື່ອ​ສ້າງ​ໃຫ້​ເດັກ​ມີ​ຄວາມ​ກ້າ​ຄິດ ກ້າ​ທຳ ກ້າ​ສະ­ແດງ​ອອກ ເຮັດ​ວຽກ​ເປັນ​ກຸ່ມ ສ້າງ​ສາຍ­ສຳ­ພັນ​ຄວາມ​ສາ­ມັກ­ຄີ​ພາຍ​ໃນ ເຮັດ​ໃຫ້​ເດັກ​ຮູ້­ຈັກ​ການ​ໃຊ້​ຊີ­ວິດ​ຢູ່​ຮ່ວມ​ກັນ​ກັບ​ໝູ່­ຄູ່ ຮູ້­ຈັກ​ຮັກ ແລະ ຊ່ວຍ­ເຫຼືອ​ເຊິ່ງ​ກັນ ແລະ ກັນ.</p> <p style="text-align: justify;"> ນອກ­ຈາກ​ກິດ­ຈະ­ກຳ​ພາຍ​ໃນ​ແລ້ວ ທາງ​ຄູ​ຍັງ​ໄດ້​ເອົາ­ໃຈ­ໃສ່​ເຄື່ອນ​ໄຫວ​ກິດ­ຈະ­ກຳ​ພາຍ​ນອກ ເປັນ­ຕົ້ນ​ການ​ນຳ­ພາ​ອອກ​ເຄື່ອນ​ໄຫວ​ນອກ​ໂຮງ­ຮຽນ ໄປ​ທ່ຽວ​ຊົມ​ສວນ​ສາ­ທາ­ລະ­ນະ ສະ­ຖານ­ທີ່​ສຳ­ຄັນ​ຕ່າງໆ ລວມ​ທັງ​ຫໍ​ພິ​ພິ​ທະ​ພັນ​ບັນ­ດາ​ຜູ້­ນຳ ເຊັ່ນ: ຫໍ​ພິ​ພິ​ທະ​ພັນ ໄກ­ສອນ ພົມ­ວິ­ຫານ ເຖິງ​ແມ່ນ​ວ່າ​ເດັກ­ນ້ອຍ​ເຫຼົ່າ­ນັ້ນ ຈະ​ເກີດ​ໃໝ່​ໃຫຍ່​ລຸນ ແຕ່​ກໍ​ໄດ້​ຜ່ານ​ການ​ຊຶມ​ຊັບ​ຮຽນ​ຮູ້ ໄດ້​ຍິນ​ມາ​ຈາກ​ຜູ້​ໃຫຍ່​ເວົ້າ​ເຖິງ ເພາະ­ສະ­ນັ້ນ ເພື່ອ​ໃຫ້​ຮຽນ​ຮູ້​ເຖິງ​ມູນ­ເຊື້ອ​ປະ­ຕິ­ວັດ ປະ­ຫວັດ​ຄວາມ​ເປັນ​ມາ​ຂອງ​ບັນ​ພະ​ບູ​ລຸດ ຜູ້​ທີ່​ມີ​ຄຸນ­ງາມ­ຄວາມ­ດີ​ຕໍ່​ປະ­ເທດ​ຊາດ ໂດຍ​ຜ່ານ​ການ​ສຶກ​ສາ​ເບິ່ງ​ພາບ​ສຳ​ພັດ​ກັບ​ຕົວ​ຈິງ ອັນ​ເປັນ​ການ​ຮຽນ​ຮູ້​ແຕ່​ຫົວ­ທີ ເຊິ່ງ​ກ່ອນ​ໜ້າ​ເວ­ລາ​ຮຽນ​ໃນ​ຫ້ອງ​ຮຽນ ຄູ-ອາ­ຈານ ກໍ​ຈະ​ໄດ້​ກ່າວ​ເຖິງ​ດ້ວຍ​ການ​ເລົ່າ​ປະ­ຫວັດ​ຄວາມ​ເປັນ​ມາ ຂອງ​ບັນ­ດາ​ທ່ານ​ຜູ້­ນຳ ເປັນ​ບົດ​ເພງ ບົດ​ກອນ ແລະ ເລົ່າ​ເລື່ອງ​ລາວ​ຕ່າງໆ ທັງ​ນີ້​ກໍ​ເພື່ອ​ເປັນ​ການ​ສ້າງ​ນ້ຳ­ໃຈ​ຮັກ​ຊາດ ຮັກ​ບ້ານ​ເກີດ​ເມືອງ​ນອນ ແລະ ບັນ­ດາ​ທ່ານ​ຜູ້​ທີ່​ມີ​ຄຸນ­ງາມ­ຄວາມ­ດີ​ຕໍ່​ປະ­ເທດ​ຊາດ ທັງ​ເປັນ​ການ​ປູກ­ຝັງ​ອຸ­ດົມ​ຄະ­ຕິ ອຸ­ດົມ​ການ​ທີ່​ດີ​ໃຫ້​ແກ່​ເດັກ​ທີ່​ຍັງ​ເຍົາ​ໄວ ໃຫ້​ມີ​ຈິດ­ໃຈ​ບຸກ​ປະ­ຕິ­ວັດ ກາຍ­ເປັນ​ພະ­ນັກ­ງານ​ທີ່​ມີ​ຄຸນ​ນະ​ພາບ​ໃນ​ອະ­ນາ­ຄົດ.</p> <p style="text-align: justify;"> <strong>ໂດຍ: ແວ່ນ​ຂາວ</strong></p>

ຂ່າວທີ່ກ່ຽວຂ້ອງ