ຜູ້ບໍລິຫານ Samsung ບອກວ່າ ອີກ 5 ປີນັບຈາກນີ້ ທ່ານຈະບໍ່ຈຳເປັນຕ້ອງໃຊ້ສະມາດໂຟນອີກຕໍ່ໄປ

114 30 ກ.ລ. 2019 ຫົວຂໍ້ຂ່າວອື່ນໆ

    ເຖິງ​ແມ່ນ​ວ່າ Samsung ຈະ​ເປັນ​ຜູ້​ຜະ­ລິດ​ສະ­ມາດ​ໂຟນ​ອັນ​ດັບ 1 ຂອງ​ໂລກ​ໃນ​ຕອນ​ນີ້ ແຕ່ Samsung ນັ້ນ​ບໍ່​ໄດ້​ຢຸດ​ຢູ່​ແຕ່​ສະ­ມາດ​ໂຟນ​ເທົ່າ​ນັ້ນ ທ່ານ DJ Koh ຜູ້​ບໍ­ລິ­ຫານ​ຂອງ Samsung ໄດ້​ອອກ​ມາ​ໃຫ້​ສຳ­ພາດ​ຫຼ້າ​ສຸດ​ໃນ​ເລື່ອງ​ອະ­ນາ­ຄົດ​ຂອງ Samsung ຫຼັງ​ຈາກ​ນີ້ ໂດຍ​ທ່ານ DJ Koh ໄດ້​ບອກ​ວ່າ ໃນ​ຕອນ​ນີ້​ການ​ອອກ​ແບບ​ຂອງ​ສະ­ມາດ​ໂຟນ​ນັ້ນ​ເຂົ້າ​ສູ່​ທາງ​ຕັນ​ແລ້ວ ຫຼັງ​ຈາກ​ການ​ມາ​ຂອງ​ສະ­ມາດ​ໂຟນ​ແບບ​ພັບ​ໄດ້.

    ແຕ່​ເຂົາ​ເຊື່ອ​ໝັ້ນ​ວ່າ​ໃນ​ອີກ 5 ປີ​ຫຼັງ​ຈາກ​ນີ້ ຜູ້​ໃຊ້​ງານ​ຈະ​ກ້າວ​ຜ່ານ​ສະ­ມາດ​ໂຟນ​ອອກ​ໄປ​ຍັງ​ອຸ­ປະ­ກອນ​ອື່ນໆ ຢ່າງ​ອຸ­ປະ­ກອນ​ສວມ​ໃສ່​ແບບ​ອັດ​ສະ​ລິ​ຍະ​ຢ່າງ​ໄຮ້​ຮອຍ​ຕໍ່ (ທ່ານ DJ Koh ໃຊ້​ຄຳ​ວ່າ Seamless) ແລະ ເຂົາ​ຍັງ​ໄດ້​ກ່າວ​ອີ​ກວ່າ: “ເມື່ອ​ສິບ​ປີ​ທີ່​ຜ່ານ​ມາ ຄື​ຍຸກ​ສະ­ໄໝ​ຂອງ​ສະ­ມາດ​ມາດ​ໂຟນ ແຕ່​ນັບ​ຈາກ​ຕອນ​ນີ້​ໄປ ຈະ​ເປັນ​ຍຸກ​ສະ­ໄໝ​ຂອງ Internet of Things, 5G ແລະ AI ດ້ວຍ​ການ​ຄວບ​ລວມ​ທຸກ​ຢ່າງ​ເຂົ້າ​ໄວ້​ດ້ວຍ​ກັນ ເຊິ່ງ​ຍຸກ​ສະ­ໄໝ​ນັ້ນ​ຢູ່​ຕໍ່­ໜ້າ​ຂອງ​ພວກ​ເຮົາ​ແລ້ວ”.

    “ເຮົາ​ຈຳ­ເປັນ​ຈະ​ຕ້ອງ​ຄິດ​ໃຫ້​ຫຼາຍ​ກວ່າ​ພຽງ​ແຕ່​ສະ­ມາດ​ໂຟນ ເຮົາ​ຈະ​ຄິດ​ເຖິງ​ອຸ­ປະ­ກອນ​ສະ­ມາດ​ດີ​ໄວຊ໌ ເພາະ​ສະ­ມາດ​ໂຟນ​ອາດ​ຈະ​ເສື່ອມ​ຄວາມ​ນິ­ຍົມ​ລົງ ແຕ່​ສະ­ມາດ​ດີ​ໄວຊ໌​ກຳ­ລັງ​ຈະ​ກ້າວ​ເຂົ້າ​ມາ­ສູ່​ຕົວ​ເຮົາ”.

    ເຖິງ​ແມ້​ວ່າ​ຜູ້​ບໍ­ລິ­ຫານ​ຢ່າງ​ທ່ານ DJ Koh ຈະ​ມາ​ເນັ້ນ​ເຖິງ​ທິດ​ທາງ​ອຸ­ປະ­ກອນ​ແບບ​ສະ­ມາດ​ດີ​ໄວຊ໌ ແຕ່​ໃນ​ຕອນ​ນີ້ Samsung ຖື​ວ່າ​ເປັນ​ຜູ້​ທີ່​ຕາມ​ຫຼັງ​ໃນ​ດ້ານ​ນີ້​ຢູ່​ເລັກ​ນ້ອຍ ທັງ​ສະ­ມາດ​ວອດ​ທີ່ Apple ເຊິ່ງ​ຖື​ເປັນ​ຄູ່​ແຂ່ງ​ລາຍ​ສຳ­ຄັນ​ທີ່​ໄດ້​ກ້າວ​ໄປ​ໄກ​ແລ້ວ ແລະ ອຸ­ປະ­ກອນ​ສະ­ມາດ​ໂຮມ​ຢ່າງ Galaxy Home ທີ່​ເປິດ​ຕົວ​ຊ້າ​ກວ່າ Google Home ຈາກ Google ເອງ​ດ້ວຍ.

    ລວມ​ໄປ​ເຖິງ AI ຢ່າງ Bixby ທີ່​ເຫັນ​ວ່າ​ຈະ​ຍັງ​ບໍ່​ຄ່ອຍ​ປະ­ສົບ​ຄວາມ​ສຳ­ເລັດ​ປານ­ໃດ​ໃນ​ຕະ­ຫຼາດ​ໂລກ ແຕ່ Ecosystem ຂອງ Samsung ນັ້ນ ຍັງ​ມີ​ຄວາມ​ພ້ອມ​ອີກ​ຫຼາຍ ໃນ​ການ​ປັບ​ປ່ຽນ​ໃຫ້​ອຸ­ປະ­ກອນ​ເຫຼົ່າ­ນັ້ນ​ກາຍ­ເປັນ​ສະ­ມາດ​ດີ​ໄວຊ໌ໄປ.

ຂ່າວທີ່ກ່ຽວຂ້ອງ