ຂ່າວຫຼ້າສຸດ

ມູນ​ຄ່າ​ສົ່ງ​ອອກ​ເສື້ອ​ຜ້າ​ສຳເລັດ​ຮູບ​ຂອງ​ມຽນ​ມາ ຈະ​ບັນລຸ​ຫຼາຍ​ຕື້​ໂດ​ລາ

159 29 ກ.ລ. 2019 ຂ່າວຕ່າງປະເທດ
ມູນ​ຄ່າ​ສົ່ງ​ອອກ​ເສື້ອ​ຜ້າ​ສຳເລັດ​ຮູບ​ຂອງ​ມຽນ​ມາ ຈະ​ບັນລຸ​ຫຼາຍ​ຕື້​ໂດ​ລາ

   ໜັງສືພິມ Seven day news ຂອງ​ມຽນ​ມາ​ລາຍ​ງານ​ວ່າ ສະມາຄົມ​ການ​ຜະລິດ​ເສື້ອ​ຜ້າ​ສຳເລັດ​ຮູບ​ຂອງ​ມຽນ​ມາ ແຈ້ງ​ໃຫ້​ຮູ້​ວ່າ ປັດຈຸບັນ​ນີ້ ຂະແໜງການ​ຜະລິດ​ເສື້ອ​ຜ້າ​ສຳເລັດ​ຮູບ​ຂອງ​ມຽນ​ມາ ມີ​ການ​ພັດທະນາ​ຢ່າງ​ວ່ອງໄວ ບໍ​ລິ​ມາດ​ການ​ສົ່ງ​ອອກ​ເສື້ອ​ຜ້າ​ສຳເລັດ​ຮູບ ກໍ​ໄດ້​ເພິ່ມ​ຂຶ້ນ​ຢ່າງ​ໜັກ​ແໜ້ນ​ທຸກ​ປີ ໂດຍ​ຄາດ​ວ່າ​ເມື່ອ​ຮອດ​ປີ 2024 ຍອດ​ມູນ​ຄ່າ​ການ​ສົ່ງ​ອອກ​ເສື້ອ​ຜ້າ​ສຳເລັດ​ຮູບ ຈະ​ບັນລຸ​ເຖິງ 10 ຕື້​ໂດ​ລາ​ສະຫະລັດ.

    ປະທານ​ສະມາຄົມ​ດັ່ງກ່າວ ກ່າວ​ວ່າ ເລີ່ມ​ແຕ່​ປີ 2015 ເປັນຕົ້ນ​ມາ ການ​ສົ່ງ​ອອກ​ເສື້ອ​ຜ້າ​ສຳເລັດ​ຮູບ​ຂອງ​ມຽນ​ມາ ໄດ້​ເພີ່ມ​ຂຶ້ນ​ດ້ວຍ​ຄວາມ​ໄວ 30% ຕໍ່​ປີ ແລະ ຄາດ​ວ່າ​ປີ 2019 ຈະ​ບັນລຸ​ເຖິງ 5 ຕື້​ໂດ​ລາ​ສະຫະລັດ ແລະ ຄາດ​ວ່າ ໃນ 5 ປີ​ຕໍ່ໜ້າ​ຍັງ​ຈະ​ເພີ່ມ​ຂຶ້ນ​ເປັນ​ເທົ່າ​ຕົວ.

ຂ່າວທີ່ກ່ຽວຂ້ອງ