ຂ່າວຫຼ້າສຸດ

ໄດ້ແລ້ວ 23 ນັກເຕະ ຢູ-15 ທີມຊາດລາວ ຮ່ວມຊີງແຊັມອາຊຽນ 2019

375 29 ກ.ລ. 2019 ວົງຈອນກີລາ
ໄດ້ແລ້ວ 23 ນັກເຕະ ຢູ-15 ທີມຊາດລາວ ຮ່ວມຊີງແຊັມອາຊຽນ 2019

    ທ່ານ SELVARAJ VENGDASALAM ຫົວ­ໜ້າ​ຄູ​ເຝິກ​ນັກ​ເຕະ​ເຍົາ­ວະ​ຊົນ​ທີມ​ຊາດ​ລາວ ຮຸ່ນ​ອາ­ຍຸ​ບໍ່​ເກີນ 15 ປີ ຫຼື ຢູ-15 ຊຸດ​ເຂົ້າ​ຮ່ວມ​ການ​ແຂ່ງ­ຂັນ​ເຕະ­ບານ​ເຍົາ­ວະ​ຊົນ​ຊາຍ ຊີງ​ແຊັມ​ອາ​ຊຽນ ຮຸ່ນ​ອາ­ຍຸ​ບໍ່​ເກີນ 15 ປີ 2019 (AFF U15 BOYS CHAMPIONSHIP 2019) ທີ່​ແຂວງ​ຊົນ​ບູ​ຣີ ປະ­ເທດ​ໄທ ເປັນ​ເຈົ້າ­ພາບ ລະ­ຫວ່າງ​ວັນ​ທີ 27 ກໍ­ລະ­ກົດ ຫາ 9 ສິງ­ຫາ 2019 ໄດ້​ປະ­ກາດ​ລາຍ​ຊື່ ນັກ­ກີ­ລາ​ອອກ​ມາ​ເປັນ​ທີ່​ຮຽບ​ຮ້ອຍ​ແລ້ວ ເມື່ອ​ວັນ​ທີ 23 ກໍ­ລະ­ກົດ ນີ້.

    ຄູ​ເຝິກ​ທີມ​ຊາດ​ລາວ ຮຸ່ນ​ອາ­ຍຸ​ບໍ່​ເກີນ 15 ປີ ຊາວ​ສິງ­ກະ­ໂປ ໄດ້​ຕັດ​ລາຍ​ຊື່​ນັກ­ກີ­ລາ​ທີມ​ຊາດ​ລາວ ຮຸ່ນ​ອາ­ຍຸ​ບໍ່​ເກີນ 15 ປີ ຈຳ­ນວນ 33 ຄົນ ໃຫ້​ເຫຼືອ 23 ຄົນ​ສຸດ​ທ້າຍ​ໄດ້​ແລ້ວ ປະ­ກອບ​ມີ ຕຳ­ແໜ່ງ​ຜູ້​ຮັກ­ສາ​ປະ­ຕູ: ພູ​ນິນ ໄຊ​ຍະ​ສອນ ຈັນ­ທະ​ວີ​ໄຊ ທຽບ​ອາ​ນົງ ແລະ ກົບ ໂລກ​ພະ​ທິບ ຈາກ​ສະ­ໂມ­ສອນ ເອ​ສຣາ ເອັຟ​ຊີ ກອງ​ຫຼັງ: ອາ​ນັນ​ຕະ​ຊາ ສີ​ພົງ­ພັນ ສະ­ເຫຼີມ​ໄຊ ພົມ­ມາ​ວົງ ວົງ​ສັກ­ດາ ຈັນ­ທະ​ລື​ໄຊ ຈາກ​ສະ­ໂມ­ສອນ ເອ​ສຣາ ເອັຟ​ຊີ ຟຸດ​ບອນ ກຸນ​ນາ​ເສນ ຈາກ​ສະ­ໂມ­ສອນ ລາວ​ໂຕ​ໂຢ​ຕ້າ ເອັຟ​ຊີ ທິ​ລະ​ພົງ ປະ​ຖຳ​ມະ​ວົງ ຈາກ​ສະ­ໂມ­ສອນ ທະ​ເວັນ​ຕີ​ຊິກ ຢູ​ໄນ​ເຕັດ ເພັດ​ດາ​ວັນ ສົມ​ສະ​ນິດ ເສົາ​ພະ­ຈັນ ໄພ​ສົງ­ຄາມ ຈາກ​ສະ­ໂມ­ສອນ ໄອ​ດີ​ຊີ ຈຳ­ປາ​ສັກ ຢູ​ໄນ​ເຕັດ ກອງ​ກາງ: ຄອນ​ສະ­ຫວັນ ແກ້ວ​ໜູ​ຈັນ ຈາກ​ສະ­ໂມ­ສອນ ອາ​ແອດ ໂມ​ນາ​ໂກ (ຝຣັ່ງ) ບຸນ​ປະ­ເສີດ ທຳ​ມະ​ຂັນ ສູນ​ທອນ​ຄຸດ ພົມ​ມະ­ຫາ​ໄຊ ແລະ ດາ​ໝຸດ ທອງ­ຄຳ​ສະ​ຫວັດ ຈາກ​ສະ­ໂມ­ສອນ ໄອ​ດີ​ຊີ ຈຳ­ປາ​ສັກ ພຸດ​ທະ​ວົງ ສັງ​ວິ­ໄລ ໂຊກ​ທະ­ວີ ແດນ​ຈຳ­ປາ ຈາກ​ສະ­ໂມ­ສອນ ເອ​ສຣາ ລາ​ວີ ສົມ​ທອງ­ຄຳ ຈາກ​ສະ­ໂມ­ສອນ ປກສ ຄົມ​ສັນ ຈັນ­ທະ​ລັງ­ສີ ຈາກ​ແຂວງ​ສາ­ລະ​ວັນ ອາ​ນຸ​ສັກ ຫຼວງ​ອາ­ມາດ ຈາກ​ສະ­ໂມ­ສອນ ນະ­ຄອນ­ຫຼວງ​ວຽງ​ຈັນ ແລະ ຈັນ­ທະ​ພອນ ຊາ​ທອງ​ຍົດ ຈາກ ສະ­ໂມ­ສອນ ໄອ​ດີ​ຊີ ຈຳ­ປາ​ສັກ ກອງ​ໜ້າ: ພົມ­ມາ ໂຄດ​ພູ­ທອນ ປີ​ເຕີ້ ພັນ­ທະ​ວົງ ຈາກ​ສະ­ໂມ­ສອນ ເອ​ສຣາ ແລະ ທິບ​ພະ­ຈັນ ຄຳ­ໃບ​ອ່ອນ ຈາກ ສະ­ໂມ­ສອນ ໄອ​ດີ​ຊີ ຈຳ­ປາ​ສັກ.

    ສຳ­ລັບ​ລາຍ­ການ​ດັ່ງ­ກ່າວ ມີ​ທັງ​ໝົດ 12 ປະ­ເທດ​ເຂົ້າ​ຮ່ວມ​ແຂ່ງ­ຂັນ ແບ່ງ​ອອກ​ເປັນ 2 ກຸ່ມ​ຄື: ກຸ່ມ A ອິນ​ໂດ​ເນ​ເຊຍ ມຽນ​ມາ ຫວຽດ­ນາມ ຕີ​ມໍ ເລ​ສ​ເຕ ສິງ­ກະ­ໂປ ແລະ ຟີ​ລິບ​ປິນ ກຸ່ມ B ໄທ ເຈົ້າ­ພາບ ມາ​ເລ​ເຊຍ ລາວ ກຳ­ປູ­ເຈຍ ບຣູ​ໄນ ແລະ ອົດ​ສະ​ຕຣາ​ລີ ສ່ວນ​ຕາ­ຕະ­ລາງ​ການ​ແຂ່ງ­ຂັນ​ຂອງ​ທີມ​ຊາດ​ລາວ ວັນ​ທີ 28 ກໍ­ລະ­ກົດ 2019 ເວ­ລາ 18:00 ໂມງ ພົບ​ກັບ ເຈົ້າ­ພາບ ທີມ​ຊາດ​ໄທ ວັນ​ທີ 30 ກໍ­ລະ­ກົດ 2019 ເວ­ລາ 15:00 ໂມງ ພົບ​ກັບ ອົດ​ສະ​ຕຣາ​ລີ ວັນ​ທີ 1 ສິງ­ຫາ 2019 ເວ­ລາ 15:30 ໂມງ ພົບ​ກັບ ບຣູ​ໄນ  ວັນ​ທີ 3 ສິງ­ຫາ 2019 ເວ­ລາ 15:30 ໂມງ ພົບ​ກັບ ມາ​ເລ​ເຊຍ  ແລະ ວັນ​ທີ 05 ສິງ­ຫາ 2019 ເວ­ລາ 15:00 ໂມງ ພົບ​ກັບ ກຳ­ປູ­ເຈຍ ເຊິ່ງ​ທຸກ​ນັດ​ທີ່​ທີມ​ຊາດ​ລາວ​ແຂ່ງ­ຂັນ​ແມ່ນ​ຈະ​ແຂ່ງ­ຂັນ​ຢູ່​ສະ­ໜາມ IPE Chonburi Campus Stadium.

ຂ່າວທີ່ກ່ຽວຂ້ອງ