ຂ່າວຫຼ້າສຸດ

IMF ອະນຸມັດ​ເງິນ​ກູ້​ໃນ​ສ່ວນ​ທີ່​ຍັງ​ເຫຼືອ​ໃຫ້​ແກ່​ເອ​ຢິບ

259 26 ກ.ລ. 2019 ຂ່າວຕ່າງປະເທດ
IMF ອະນຸມັດ​ເງິນ​ກູ້​ໃນ​ສ່ວນ​ທີ່​ຍັງ​ເຫຼືອ​ໃຫ້​ແກ່​ເອ​ຢິບ

     ສື່ສານ​ໃນ​ເອ​ຢິບ ລາຍ​ງານ​ເມື່ອ​ວັນ​ທີ 24 ກໍລະກົດ​ນີ້​ວ່າ ກອງ​ທຶນ​ເງິນຕາ​ສາກົນ (IMF) ໄດ້​ເຫັນ​ດີ​ອະນຸມັດ​ເງິນ​ກູ້ ໃນ​ສ່ວນ​ທີ່​ຍັງ​ເຫຼືອ 2 ຕື້​ໂດ​ລາ​ສະຫະລັດ ໃຫ້​ແກ່​ເອ​ຢິບ ໂດຍ​ຜ່ານ​ນັ້ນ​ກໍ​ເປັນ​ການ​ສຳເລັດ​ບ້ວງ​ເງິນ​ກູ້​ລວມ​ມູນ​ຄ່າ 12 ຕື້​ໂດ​ລາ​ສະຫະລັດ ຊຶ່ງ​ສອງ​ຝ່າຍ​ໄດ້​ລົງ​ນາມ​ກັນ​ເມື່ອ​ປີ 2016.

     ການ​ຕົກລົງ​ຂອງ IMF ຖືກ​ນຳ​ອອກ​ມາ​ຫຼາຍ​ອາທິດ ຫຼັງ​ຈາກ​ທີ່​ເອ​ຢິບ ຜັນ​ຂະຫຍາຍ​ການ​ຕັດ​ຫຼຸດ​ການ​ອູດ​ໜູນ​ລາຄາ​ເຊື້ອ​ໄຟ​ງວດ​ໃໝ່ ໂດຍ​ຜ່ານ​ນັ້ນ​ກໍ​ເຮັດ​ໃຫ້​ລາຄາ​ນ້ຳມັນ​ຢູ່​ໃນ​ເອ​ຢິບ ເພີ່ມ​ຂຶ້ນ​ຕື່ມ​ແຕ່ 16-30% ແລະ ເຮັດ​ໃຫ້​ລາຄາ​ເຊື້ອ​ໄຟ ສົມ​ຄູ່​ກັບ​ການ​ໃຊ້​ຈ່າຍ​ຕົວ​ຈິງ.

     ເມື່ອ​ເດືອນ​ສິງຫາ ປີ 2016 IMF ໄດ້​ເຫັນ​ດີ​ໃຫ້​ເອ​ຢິບ​ກູ້​ຢືມ​ເງິນ 12 ຕື້​ໂດ​ລາ​ສະຫະລັດ ໂດຍ​ຄ່ອຍໆ​ອະນຸມັດ​ພາຍ​ໃນ​ເວລາ 3 ປີ ຫຼັງ​ຈາກ​ທີ່ IMF ເຫັນ​ພ້ອມ​ກັບ​ໂຄງການ​ປະຕິ​ຮູບ ສົກ​ການ​ເງິນ​ຂອງ​ເອ​ຢິບ ໃນ​ນັ້ນ​ສຸມ​ໃສ່​ບາງ​ຂົງເຂດ ເຊັ່ນ​ການ​ຜັນ​ຂະຫຍາຍ​ພາສີ​ມູນ​ຄ່າ​ເພີ່ມ (VAT) ໃໝ່ ຕັດ​ຫຼຸດ​ການ​ອູດ​ໜູນ​ລາຄາ​ເຊື້ອ​ໄຟ ແລະ ຫຼຸດ​ຄ່າ​ສະກຸນ​ເງິນ​ພາຍ​ໃນ​ປະເທດ.

ຂ່າວທີ່ກ່ຽວຂ້ອງ