ເກີດ​ເຫດການ​ດິນ​ເຈື່ອນ​ຢູ່​ໃນ​ແຂວງ​ກຸ້ຍ​ໂຈ ຂອງ​ຈີນ

230 26 ກ.ລ. 2019 ຂ່າວຕ່າງປະເທດ
ເກີດ​ເຫດການ​ດິນ​ເຈື່ອນ​ຢູ່​ໃນ​ແຂວງ​ກຸ້ຍ​ໂຈ ຂອງ​ຈີນ

   ກະຊວງ​ຄຸ້ມ​ຄອງ​ພາວະ​ສຸກ​ເສີນ​ຂອງ​ຈີນ ໄດ້​ປະກາດ​ໃຊ້​ຄຳ​ສັ່ງ​ຮອງ​ຮັບ​ສຸກ​ເສີນ ໃນ​ວັນ​ທີ 24 ກໍລະກົດ​ນີ້ ເພື່ອ​ແກ້​ໄຂ​ຜົນ​ຮ້າຍ​ຕາມ​ມາ ຈາກ​ເຫດການ​ດິນ​ເຈື່ອນ​ຢູ່​ໃນ​ພື້ນ​ທີ່​ແຂວງ ກຸ້ຍ​ໂຈ (ພາກ​ຕາເວັນຕົກ​ສ່ຽງ​ໃຕ້​ຈີນ) ຫຼັງ​ຈາກ​ທີ່​ມີ​ຜູ້​ເສຍ​ຊີວິດ 11 ຄົນ ຈາກ​ເຫດການ​ນີ້ ຊຶ່ງ​ເກີດ​ຂຶ້ນ​ໃນ​ຄ່ຳ​ຄືນ​ຂອງ​ວັນ​ທີ 23 ກໍລະກົດ.

     ຂ່າວ​ແຈ້ງວ່າ ໃນ​ເວລາ​ທີ່​ເກີດ​ເຫດ​ດິນ​ເຈື່ອນ​ນັ້ນ ມີ​ຜູ້​ອາໄສ​ຢູ່​ໃນ​ເຂດ​ດັ່ງກ່າວ 50 ກວ່າ​ຄົນ ໂດຍ​ທີ່​ດິນ​ໄດ້​ເຈື່ອນ​ລົງ​ມາ​ທັບ​ຖົມ​ເຮືອນ 21 ຫຼັງ ສົ່ງ​ຜົນ​ໃຫ້​ມີ​ຜູ້​ເສຍ​ຊີວິດ​ດັ່ງກ່າວ ແລະ ຍັງ​ມີ​ລາຍ​ງານ​ຜູ້​ຫາຍ​ສາບ​ສູນ​ອີກ​ປະມານ 42 ຄົນ.

     ໃນ​ວັນ​ທີ 23 ກໍລະກົດ​ເຊັ່ນ​ກັນ ເຫດການ​ດິນ​ເຈື່ອນ​ອີກ​ລາຍ​ໜຶ່ງ ກໍ​ໄດ້​ເກີດ​ຂຶ້ນ​ຢູ່​ໃນ​ພື້ນ​ທີ່​ແຂວງ​ກຸ້ຍ​ໂຈ ເຮັດ​ໃຫ້​ເກີດ​ແຮງ​ສັ່ນ​ສະເທືອນ​ຢູ່​ໃນ​ບໍລິເວນ​ການ​ກໍ່ສ້າງ​ຢູ່​ໃນ​ບ້ານ​ແຫ່ງ​ໜຶ່ງ ສົ່ງ​ຜົນ​ໃຫ້​ມີ​ຜູ້​ເສຍ​ຊີວິດ 1 ຄົນ ແລະ ຫາຍ​ສາບ​ສູນ​ອີກ 6 ຄົນ .

ຂ່າວທີ່ກ່ຽວຂ້ອງ