ຂ່າວຫຼ້າສຸດ

ເກີດ​ອຸບັດເຫດ​ກຳປັ່ນ​ຂວ້ຳ​ຢູ່​ໃນ​ມຽນ​ມາ

197 26 ກ.ລ. 2019 ຂ່າວຕ່າງປະເທດ
ເກີດ​ອຸບັດເຫດ​ກຳປັ່ນ​ຂວ້ຳ​ຢູ່​ໃນ​ມຽນ​ມາ

   ກະຊວງ​ຖະແຫຼງ​ຂ່າວ​ຂອງ​ມຽນ​ມາ ລາຍ​ງານ​ເມື່ອ​ວັນ​ທີ 24 ກໍລະກົດ​ນີ້​ວ່າ ມີ​ຜູ້​ເສຍ​ຊີວິດ 4 ຄົນ (ໃນ​ນັ້ນ​ເປັນ​ແມ່ຍິງ 2 ຄົນ) ແລະ ຫາຍ​ສາບ​ສູນ​ອີກ 35 ຄົນ ຈາກ​ເຫດການ​ກຳປັ່ນ​ພິກ​ຂວ້ຳ ຢູ່​ໃນ​ແມ່ນ້ຳ ເອ​ຢາ​ວະ​ດີ ໃນ​ຍ່ານ​ທີ່​ໄຫຼ​ຜ່ານ​ເຂດ ແມັກ​ເວ (ພາກ​ກາງ​ມຽນ​ມາ) ຊຶ່ງ​ເກີດ​ຂຶ້ນ​ເມື່ອ​ຕອນ​ຄ່ຳ​ຂອງ​ວັນ​ທີ 23 ກໍລະກົດ.

    ຂ່າວ​ແຈ້ງວ່າ ມີ​ປະຊາຊົນ​ປະມານ 150 ຄົນ ເດີນທາງ​ດ້ວຍ​ກຳປັ່ນ 2 ລຳ ຈາກ​ບ້ານ ພະ​ເຢ​ກຸນ ເພື່ອ​ໄປ​ຍັງ​ບ້ານ ກັນ​ທາ. ໃນ​ລະຫວ່າງ​ທີ່​ກຳປັ່ນ​ພວມ​ແລ່ນ​ຢູ່​ນັ້ນ ຜູ້ໂດຍສານ​ຢູ່​ເທິງ​ກຳປັ່ນ​ທັງ​ສອງ​ລຳ ໄດ້​ເກີດ​ຜິດ​ຖຽງ​ກັນ ທີ່​ພົວພັນ​ເຖິງ​ການ​ກໍ່ສ້າງ​ເຮືອນ ອັນ​ນຳໄປ​ສູ່​ການ​ຊຸກ​ດັນ​ກັນ ແລະ ກຳປັ່ນ​ທັງ​ສອງ​ລຳ​ກໍ​ໄດ້​ພິກ​ຂວ້ຳ ໃນ​ເວລາ​ທີ່​ຜູ້ໂດຍສານ​ເກີດ​ສົນລະວົນ ເພື່ອ​ຊອກ​ຫາ​ທາງ​ປົບ​ໜີ ເມື່ອ​ສອງ​ຝ່າຍ​ໃຊ້​ອາວຸດ​ໂຈມ​ຕີ​ກັນ.

ຂ່າວທີ່ກ່ຽວຂ້ອງ