ຂ່າວຫຼ້າສຸດ

ລັດຖະບານ​ຈີນ ເຜີຍແຜ່​ປຶ້ມ​ປົກ​ຂາວ “ການ​ປ້ອງ​ກັນ​ປະເທດ​ຂອງ​ຈີນ​ໃນ​ຍຸກ​ໃໝ່”

155 26 ກ.ລ. 2019 ຂ່າວຕ່າງປະເທດ
ລັດຖະບານ​ຈີນ ເຜີຍແຜ່​ປຶ້ມ​ປົກ​ຂາວ  “ການ​ປ້ອງ​ກັນ​ປະເທດ​ຂອງ​ຈີນ​ໃນ​ຍຸກ​ໃໝ່”

   ວັນ​ທີ 24 ກໍລະກົດ​ນີ້ ລັດຖະບານ​ຈີນ​ໄດ້​ເຜີຍແຜ່​ປຶ້ມ​ປົກ​ຂາວ “ການ​ປ້ອງ​ກັນ​ປະເທດ​ຂອງ​ຈີນ​ໃນ​ຍຸກ​ໃໝ່” ໂດຍ​ໄດ້​ແນະນຳ​ຢ່າງຮອບດ້ານ ກ່ຽວ​ກັບ​ນະໂຍບາຍ​ປ້ອງ​ກັນ​ປະເທດ​ລັກສະນະ​ປ້ອງ​ກັນ​ຂອງ​ຈີນ​ໃນ​ຍຸກ​ໃໝ່ ຊຶ່ງ​ເປັນ​ເທື່ອ​ທຳ​ອິດ​ທີ່​ສ້າງ​ໃຫ້​ເປັນ​ລະບົບ​ນະໂຍບາຍ​ປ້ອງ​ກັນ​ປະເທດ​ຈີນ ແລະ ສະແດງ​ໃຫ້​ໂລກ​ເຫັນ​ຢ່າງ​ຈະແຈ້ງ ກ່ຽວ​ກັບ​ທິດ​ທາງ​ຍຸດ​ທະ​ສາດ ຫຼັກການ​ພື້ນຖານ ແລະ ຄວາມ​ໝາຍ​ຕໍ່​ໂລກ​ຂອງ​ການ​ກໍ່ສ້າງ​ການ​ປ້ອງ​ກັນ​ປະເທດ ແລະ ກອງທັບ​ຂອງ​ຈີນ.

    ປຶ້ມ​ປົກ​ຂາວ​ດັ່ງກ່າວ ເປັນ​ປຶ້ມ​ປົກ​ຂາວ​ປ້ອງ​ກັນ​ປະເທດ​ເຫຼັ້ມ​ທີ 10 ຂອງ​ລັດຖະບານ​ຈີນ​ນັບ​ແຕ່​ປີ 1998 ເປັນຕົ້ນ​ມາ ທັງ​ເປັນ​ປຶ້ມ​ປົກ​ຂາວ​ການ​ປ້ອງ​ກັນ​ປະເທດ​ແບບ​ສັງ​ລວມ​ເຫຼັ້ມ​ທຳ​ອິດ ນັບ​ແຕ່​ກອງ​ປະຊຸມ​ໃຫຍ່​ຄັ້ງ​ທີ 18 ຂອງ​ພັກ​ກອມ​ມູ​ນິດ​ຈີນ​ເປັນຕົ້ນ​ມາ.

     ປຶ້ມ​ປົກ​ຂາວ “ການ​ປ້ອງ​ກັນ​ປະເທດ​ຂອງ​ຈີນ​ໃນ​ຍຸກ​ໃໝ່” ໄດ້​ສະແດງ​ໃຫ້​ເຫັນ​ຜົນສຳເລັດ​ຄັ້ງ​ປະຫວັດສາດ​ຢ່າງຮອບດ້ານ​ກ່ຽວ​ກັບ​ຈີນ ທີ່​ໄດ້​ລົງ​ເລິກ​ການ​ປະຕິ​ຮູບ​ດ້ານ​ການ​ປ້ອງ​ກັນ​ປະເທດ ແລະ ກອງທັບ ທັງ​ໄດ້​ລະບຸ​ຢ່າງ​ລະອຽດ ກ່ຽວ​ກັບ​ລາຍ​ຈ່າຍ​ດ້ານ​ການ​ປ້ອງ​ກັນ​ປະເທດ​ທີ່​ສົມ​ເຫດ​ສົມ​ຜົນ ແລະ ເໝາະ​ສົມ​ຂອງ​ຈີນ ແລະ ແນະນຳ​ໃຫ້​ຮູ້​ຈຳນວນ ແລະ ໂຄງ​ປະກອບ​ຂອງ​ງົບປະມານ​ປ້ອງ​ກັນ​ປະເທດ​ຂອງ​ຈີນ.

ຂ່າວທີ່ກ່ຽວຂ້ອງ