ຂ່າວຫຼ້າສຸດ

ຣັກບີ້ລາວ ສຳເລັດການຍົກລະດັບໃຫ້ເຍົາວະຊົນ

480 26 ກ.ລ. 2019 ວົງຈອນກີລາ
ຣັກບີ້ລາວ ສຳເລັດການຍົກລະດັບໃຫ້ເຍົາວະຊົນ

    ສະ­ຫະ­ພັນ​ກີ­ລາ​ຣັກ​ບີ້​ແຫ່ງ​ຊາດ​ລາວ ສຳ­ເລັດ​ການ​ຈັດ​ແຄັມ​ເຝິກ​ສອນ​ຍົກ​ລະ­ດັບ​ທັກ​ສະ ແລະ ປະສົບ​ການ ພາຍ​ໃຕ້​ໂຄງ­ການ “ແຄັມ​ຫຼິ້ນ​ຕຳ 100 World legends Rugby for life champ ban contact camp” ໃຫ້​ເຍົາ­ວະ​ຊົນ ແລະ ນັກ­ກີ­ລາ​ຣັກ​ບີ້ ສປປ ລາວ 80 ຄົນ ໃນ​ວັນ​ທີ 20 ກໍ­ລະ­ກົດ 2019 ຢູ່​ສູນ​ເຝິກ​ກີ­ລາ​ສີ​ເກີດ ເມືອງ​ນາ​ຊາຍ​ທອງ ນະ­ຄອນ­ຫຼວງ​ວຽງ​ຈັນ.

    ການ​ເຝິກ​ສອນ​ຄັ້ງ​ນີ້ ໄດ້​ຮັບ​ການ​ຖ່າຍ​ທອດ​ຄວາມ​ຮູ້ ແລະ ທັກ​ສະ​ຕ່າງໆ​ຈາກ​ນັກ­ກີ­ລາ​ຣັກ​ບີ້​ລະ­ດັບ​ໂລກ ທ່ານ David Corkery ນັກ­ກີ­ລາ​ທີມ​ຊາດ​ອຽກ​ລັງ ທ່ານ Todd Clever ນັກ­ກີ­ລາ​ທີມ​ຊາດ ສ ອາ​ເມ​ຣິ​ກາ ທ່ານ​ນາງ Grace Davitt ນັກ­ກີ­ລາ​ທີມ​ຊາດ​ອຽກ​ລັງ ແລະ ທ່ານ​ນາງ Tamara Taylor ນັກ­ກີ­ລາ​ທີມ​ຊາດ​ອັງ­ກິດ ນອກ​ນີ້​ຍັງ​ມີ​ຄູ​ເຝິກ​ສອນ​ທີມ​ຊາດ ນັກ­ກີ­ລາ​ທີມ​ຊາດ ແລະ ຄູ​ເຝິກ​ທີ່​ມີ​ປະ­ສົບ​ການ​ສູງ​ຈາກ Tribe 7s ເຊິ່ງ​ເປັນ​ທີມ​ທີ່​ສ້າງ​ນັກ­ກີ­ລາ​ທີມ​ຊາດ​ອົດ​ສະ​ຕຣາ​ລີ ທ່ານ​ນາງ Maia ມາ​ແລກ­ປ່ຽນ​ບົດ­ຮຽນ ແລະ ຖ່າຍ​ທອດ​ປະ­ສົບ​ຕ່າງໆ ນຳ​ອີກ.

    ທ່ານ ປີ​ຊາ ວົງ​ເດືອນ​ເພັງ ຜູ້­ອຳ­ນວຍ­ການ​ຝ່າຍ​ພັດ­ທະ­ນາ​ກີ­ລາ​ຣັກ​ບີ້ ສະ­ຫະ­ພັນ​ກີ­ລາ​ຣັກ​ບີ້​ແຫ່ງ​ຊາດ​ລາວ ກ່າວ​ວ່າ: ການ​ຈັດ​ແຄັມ​ເຝິກ​ສອນ​ຄັ້ງ​ນີ້ ດຳ­ເນີນ​ແຕ່​ວັນ​ທີ 17-20 ກໍ­ລະ­ກົດ 2019 ຕະ ຫຼອດ​ໄລ­ຍະ​ການ​ຈັດ​ແຄັມ​ບັນ­ດາ​ຄູ​ເຝິກ ໄດ້​ເອົາ­ໃຈ­ໃສ່ ແລະ ຖ່າຍ​ທອດ​ຄວາມ​ຮູ້​ຫຼາຍ​ຢ່າງ​ໃຫ້​ຜູ້​ເຂົ້າ​ຮ່ວມ ຂໍ​ຂອບ­ໃຈ​ນັກ­ກີ­ລາ​ຣັກ​ບີ້​ລະ­ດັບ​ໂລກ 4 ທ່ານ ຄູ​ເຝິກ​ສອນ ແລະ ຜູ້​ໃຫ້­ການ​ສະ­ໜັບ­ສະ­ໜູນ​ທີ່​ໄດ້​ມີ​ສ່ວນ​ຮ່ວມ​ພັດ­ທະ­ນາ​ກີ­ລາ​ຣັກ​ບີ້​ລາວ.

ຂ່າວທີ່ກ່ຽວຂ້ອງ