ອິນໂດເນເຊຍ ຄອງເຈົ້າຫຼຽນຄຳກີລານັກຮຽນອາຊຽນ

487 26 ກ.ລ. 2019 ວົງຈອນກີລາ
ອິນໂດເນເຊຍ ຄອງເຈົ້າຫຼຽນຄຳກີລານັກຮຽນອາຊຽນ

    ມະ​ຫະ​ກຳ​ກີ­ລາ​ນັກ­ຮຽນ​ອາ​ຊຽນ ຄັ້ງ​ທີ 11 ຢູ່​ເມືອງ​ເຊ​ມາ​ລັງ ແຂວງ​ຊາ​ວາ ປະ­ເທດ​ອິນ​ໂດ​ເນ​ເຊຍ ວັນ​ທີ 17-25 ກໍ­ລະ­ກົດ 2019 ແຂ່ງ­ຂັນ 9 ປະ­ເພດ​ກີ­ລາ ຄື: ແລ່ນ-ລານ ດອກ​ປີກ​ໄກ່ ບານ­ບ້ວງ ບານ­ສົ່ງ ປັນ​ຈັກ​ສີ​ລັດ ກະ­ຕໍ້ ລອຍ­ນ້ຳ ປິ່ງ​ປ່ອງ ແລະ ເທັນ​ນິດ ມີ​ການ​ຊີງ​ໄຊ 117 ຫຼຽນ​ຄຳ ສະ­ເພາະ ສປປ ລາວ ສົ່ງ​ເຂົ້າ​ຮ່ວມ 5 ປະ­ເພດ ຄື: ແລ່ນ-ລານ ດອກ​ປີກ​ໄກ່ ປັນ​ຈັກ​ສີ​ລັດ ກະ­ຕໍ້ ແລະ ລອຍ­ນ້ຳ.

    ຜ່ານ​ການ​ແຂ່ງ­ຂັນ ອິນ​ໂດ​ເນ​ເຊຍ (ເຈົ້າ­ພາບ) ສາ­ມາດ​ຍາດ​ໄດ້ 43 ຫຼຽນ​ຄຳ 34 ຫຼຽນ​ເງິນ 25 ຫຼຽນ​ທອງ ລວມ 102 ຫຼຽນ ຄອງ​ເຈົ້າ​ຫຼຽນ​ຄຳ​ເປັນ​ສະ­ໄໝ​ທີ 2 ຕໍ່​ຈາກ​ປີ 2015 ທີ 2 ໄທ 33 ຫຼຽນ​ຄຳ 31 ຫຼຽນ​ເງິນ 35 ຫຼຽນ​ທອງ ລວມ 99 ຫຼຽນ ທີ 3 ມາ​ເລ​ເຊຍ 18 ຫຼຽນ​ຄຳ 25 ຫຼຽນ​ເງິນ 34 ຫຼຽນ​ທອງ ສຳ­ລັບ ສປປ ລາວ ຈັດ​ຢູ່​ອັນ​ດັບ 8 ໄດ້ 1 ຫຼຽນ​ເງິນ ແລະ 7 ຫຼຽນ​ທອງ.

    1 ຫຼຽນ​ເງິນ ໄດ້​ຈາກ​ທ້າວ ແຟັງ ວົງ​ພັກ­ດີ ກີ­ລາ​ປັນ​ຈັກ​ສີ​ລັດ ປະ­ເພດ​ຕໍ່­ສູ້ ຮຸ່ນ 63 ກິ​ໂລ 7 ຫຼຽນ​ທອງ ຈາກ​ກີ­ລາ​ປັນ​ຈັກ​ສີ​ລັດ 4 ຫຼຽນ ນາງ ຕຸກ​ຕາ ມຸກ­ດາ​ວົງ ປະ­ເພດ​ຟ້ອນ​ຍິງ​ດ່ຽວ ທ້າວ ໂຈ​ນັດ ຄຸນ​ວົງ­ສາ ປະ­ເພດ​ຕໍ່­ສູ້ ຮຸ່ນ 55 ກິ​ໂລ ທ້າວ ຈັນ​ສະ­ໝອນ ພົມ​ໂສ­ພາ ຮຸ່ນ 59 ກິ​ໂລ ນາງ ອາ​ລິ​ສາ ສາມ​ມົນ­ຕີ ຮຸ່ນ 59 ກິ​ໂລ ສ່ວນ​ອີກ 3 ຫຼຽນ​ທອງ​ໄດ້​ຈາກ​ກີ­ລາ​ກະ­ຕໍ້​ປະ­ເພດ​ທີມ​ຊຸດ​ຊາຍ ປະ­ເພດ​ທີມ​ດ່ຽວ​ຊາຍ ແລະ ປະ­ເພດ​ຄູ່​ຊາຍ.

ຂ່າວທີ່ກ່ຽວຂ້ອງ