ສ້າງຄວາມເຂັ້ມແຂງໃນການແຂ່ງຂັນດຳເນີນທຸລະກິດ

285 25 ກ.ລ. 2019 ຂ່າວໜ້າ​ໜຶ່ງ
ສ້າງຄວາມເຂັ້ມແຂງໃນການແຂ່ງຂັນດຳເນີນທຸລະກິດ

    ພິ­ທີ​ເປີດ​ທຶນ​ສົມ­ທົບ​ເພື່ອ​ສົ່ງ­ເສີມ​ທຸ­ລະ​ກິດ​ໄລ­ຍະ II ພາຍ​ໃຕ້​ໂຄງ­ການ​ສົ່ງ­ເສີມ​ຄວາມ​ສາ­ມາດ​ໃນ​ການ​ແຂ່ງ­ຂັນ ແລະ ການ​ຄ້າ​ຂອງ​ລາວ (LCT) ຈັດ​ຂຶ້ນ​ວັນ​ທີ 23 ກໍ­ລະ­ກົດ 2019 ຢູ່​ກະ­ຊວງ​ອຸດ­ສາ­ຫະ­ກຳ ແລະ ການ​ຄ້າ ໂດຍ​ມີ​ທ່ານ​ນາງ ເຂັມ​ມະ­ນີ ພົນ​ເສ­ນາ ລັດ­ຖະ­ມົນ­ຕີ​ກະ­ຊວງ​ອຸດ­ສາ­ຫະ­ກຳ ແລະ ການ​ຄ້າ ພ້ອມ​ດ້ວຍ​ຂະ­ແໜງ­ການ​ກ່ຽວ­ຂ້ອງ​ເຂົ້າ​ຮ່ວມ.

    ທ່ານ​ນາງ ເຂັມ​ມະ­ນີ ພົນ​ເສ­ນາ ກ່າວ​ວ່າ: ທຶນ​ສົມ­ທົບ​ເພື່ອ​ທຸ­ລະ​ກິດ (ທສທ II ຫຼື BAF II) ເປັນ​ອົງ​ປະ­ກອບ​ໜຶ່ງ ທີ່​ແນ­ໃສ່​ການ​ປັບ­ປຸງ​ຄວາມ​ສາ­ມາດ​ໃນ​ການ​ແຂ່ງ­ຂັນ​ຂອງ​ພາກ​ທຸ­ລະ​ກິດ ພາຍ​ໃຕ້​ໂຄງ­ການ​ສົ່ງ­ເສີມ​ຄວາມ​ອາດ​ສາ­ມາດ​ໃນ​ການ​ແຂ່ງ­ຂັນ ແລະ ການ​ຄ້າ​ຂອງ​ລາວ ໂດຍ​ໄດ້​ຮັບ​ການ​ສະ­ໜັບ­ສະ­ໜູນ​ຈາກ​ລັດ­ຖະ­ບານ​ອົດ​ສະ​ຕຣາ​ລີ ອຽກ​ລັງ ແລະ ທະ­ນາ­ຄານ​ໂລກ ເປັນ​ການ​ຍົກ​ລະ­ດັບ​ຄວາມ​ສາ­ມາດ​ໃນ​ການ​ແຂ່ງ­ຂັນ​ຂອງ​ຫົວ­ໜ່ວຍ​ທຸ­ລະ​ກິດ ໂດຍ​ສະ­ເພາະ​ການ​ຂະ­ຫຍາຍ­ຕົວ​ຂອງ​ເສດ­ຖະ­ກິດ ລົບ​ລ້າງ​ຂະ­ແໜງ​ທຸ­ລະ​ກິດ​ທີ່​ເຮັດ​ກ່ຽວ​ກັບ​ການ​ທຳ­ລາຍ​ຊັບ­ພະ­ຍາ­ກອນ​ທຳ​ມະ​ຊາດ ສະ­ໜັບ­ສະ­ໜູນ​ການ​ຫັນ­ປ່ຽນ​ຍຸດ​ທະ​ສາດ​ຂອງ​ລັດ­ຖະ­ບານ ຈາກ​ການ​ຄວບ​ຄຸມ​ແຕ່​ລະ​ກິດ­ຈະ­ກຳ​ຂອງ​ທຸ­ລະ​ກິດ ມາ​ເປັນ​ການ​ອຳ­ນວຍ​ຄວາມ​ສະ­ດວກ ແລະ ສົ່ງ­ເສີມ​ການ​ດຳ­ເນີນ​ທຸ­ລະ​ກິດ ນອກ​ນີ້ ທສທ ຍັງ​ສົມ­ທົບ​ທຶນ​ຊ່ວຍ­ເຫຼືອ​ລ້າ​ໃຫ້ 50% ຂອງ​ຄ່າ​ໃຊ້​ຈ່າຍ​ດ້ານ​ວິ­ຊາ​ສະ­ເພາະ​ທີ່​ຈຳ­ເປັນ ຕໍ່​ວິ​ສາ​ຫະ​ກິດ​ທີ່​ເປັນ​ຄູ່​ຮ່ວມ​ໂຄງ­ການ​ເພື່ອ​ຂະ­ຫຍາຍ​ທຸ­ລະ​ກິດ.

    ທຸ­ລະ​ກິດ​ທີ່​ສາ­ມາດ​ເຂົ້າ​ຮ່ວມ​ໂຄງ­ການ ທສທ ມີ​ທຸ­ລະ​ກິດ​ອຸດ­ສາ­ຫະ­ກຳ​ທີ່​ຖືກ­ຕ້ອງ​ຕາມ​ກົດ­ໝາຍ ແລະ ມີ​ຈັນ​ຍາ​ບັນ­ທຸກ​ປະ­ເພດ​ທຸກ​ຂະ­ໜາດ ມີ​ການ​ດຳ­ເນີນ​ທຸ­ລະ​ກິດ​ໃນ​ລາວ ທຸ­ລະ​ກິດ​ທີ່​ມີ​ຜູ້­ຍິງ​ເປັນ​ເຈົ້າ​ຂອງ ແລະ ບໍ­ລິ­ຫານ​ແມ່ນ​ຖື​ເປັນ​ບຸ­ລິ­ມະ­ສິດ ໂຄງ­ການ​ດັ່ງ­ກ່າວ​ມີ​ໄລ­ຍະ​ເວ­ລາ​ໃນ​ການ­ຈັດ­ຕັ້ງ​ປະ­ຕິ­ບັດ 3 ປີ.

ຂ່າວທີ່ກ່ຽວຂ້ອງ