ໄລຍະ 6 ເດືອນຕົ້ນປີ ນວ ປະຕິບັດລາຍຮັບໄດ້ 43,27%

261 25 ກ.ລ. 2019 ຂ່າວໜ້າ​ໜຶ່ງ
ໄລຍະ 6 ເດືອນຕົ້ນປີ ນວ ປະຕິບັດລາຍຮັບໄດ້ 43,27%

    ທ່ານ ພັນ​ຄຳ ມາ­ລາ​ບັນ­ດິດ ຫົວ­ໜ້າ​ພະ­ແນກ­ການ​ເງິນ ນະ­ຄອນ­ຫຼວງ​ວຽງ​ຈັນ (ນວ) ລາຍ​ງານ​ຕໍ່​ກອງ​ປະ­ຊຸມ​ສະ­ໄໝ​ສາ­ມັນ ເທື່ອ​ທີ 7 ຂອງ​ສະ­ພາ​ປະ­ຊາ­ຊົນ​ນະ­ຄອນ­ຫຼວງ​ວຽງ​ຈັນ ຊຸດ​ທີ 1 ວັນ​ທີ 24 ກໍ­ລະ­ກົດ 2019 ວ່າ: ຜົນ​ການ­ຈັດ­ຕັ້ງ​ປະ­ຕິ­ບັດ​ແຜນ​ງົບ­ປະ­ມານ 6 ເດືອນ​ຕົ້ນ​ປີ​ສັງ​ລວມ​ໄດ້​ດັ່ງ­ນີ້: ແຜນ­ການ​ລາຍ​ຮັບ ລວມ 4.782,47 ຕື້​ກີບ ປະ­ຕິ­ບັດ​ໄດ້ 2.069,41 ຕື້​ກີບ ເທົ່າ​ກັບ 43,27% ຂອງ​ແຜນ­ການ​ປີ ທຽບ­ໃສ່​ແຜນ­ການ 6 ເດືອນ​ຕົ້ນ​ປີ ເທົ່າ​ກັບ 87,49% ໃນ​ນີ້ ພູດ​ຂອງ ນວ (ທ້ອງ­ຖິ່ນ) ປະ­ຕິ­ບັດ​ໄດ້ 578,87 ຕື້​ກີບ ເທົ່າ​ກັບ 42,64% ຂອງ​ແຜນ­ການ​ປີ (1.357,67 ຕື້​ກີບ) ທຽບ­ໃສ່​ແຜນ­ການ 6 ເດືອນ​ຕົ້ນ​ປີ ເທົ່າ​ກັບ 88,49% ໃນ​ນີ້ ສ່ວຍ​ສາ​ອາ­ກອນ ນວ ປະ­ຕິ­ບັດ​ໄດ້ 551,65 ຕື້​ກີບ ເທົ່າ​ກັບ 42,65% ຂອງ​ແຜນ­ການ​ປີ (1.293,37 ຕື້​ກີບ) ທຽບ­ໃສ່​ແຜນ­ການ 6 ເດືອນ​ຕົ້ນ​ປີ ເທົ່າ​ກັບ 88,49% ຄຸ້ມ​ຄອງ​ຊັບ​ສິນ​ຂອງ​ລັດ​ປະ­ຕິ ບັດ​ໄດ້ 26,65 ຕື້​ກີບ ເທົ່າ​ກັບ 41,86% ຂອງ​ແຜນ­ການ​ປີ (63 ຕື້​ກີບ) ທຽບ­ໃສ່​ແຜນ­ການ 6 ເດືອນ​ຕົ້ນ​ປີ ເທົ່າ​ກັບ 83,71% ລັດ​ວິ​ສາ​ຫະ​ກິດ​ປະ­ຕິ­ບັດ​ໄດ້ 547,36 ລ້ານ​ກີບ ເທົ່າ​ກັບ 86,46% ຂອງ​ແຜນ­ການ​ປີ (633,10 ລ້ານ​ກີບ) ທຽບ­ໃສ່​ແຜນ­ການ 6 ເດືອນ​ຕົ້ນ​ປີ​ເທົ່າ​ກັບ 172,92% ລາຍ​ຮັບ​ອື່ນໆ​ປະ­ຕິ­ບັດ​ໄດ້ 25,65 ລ້ານ​ກີບ ສ່ວນ​ລາຍ​ຮັບ​ພູດ​ສູນ​ກາງ (ພາ­ສີ) ປະ­ຕິ­ບັດ​ໄດ້ 1.490,54 ຕື້​ກີບ ເທົ່າ​ກັບ 43,52%ຂອງ​ແຜນ­ການ​ປີ (3.424,8 ຕື້​ກີບ) ດ້ານ​ຕົວ​ເລກ​ລາຍ​ຈ່າຍ​ປີ 2019 ທີ່​ກະ­ຊວງ​ການ​ເງິນ​ມອບ​ໃຫ້ ນວ ປະ­ຕິ­ບັດ​ເບື້ອງ​ຕົ້ນ 649,47 ຕື້​ກີບ 6 ເດືອນ​ຕົ້ນ​ປີ​ປະ­ຕິ­ບັດ​ໄດ້ 265,26 ຕື້​ກີບ ເທົ່າ​ກັບ 40,84% ຂອງ​ແຜນ­ການ​ປີ ແລະ ການ​ດຸນ​ດ່ຽງ ຖ້າ​ອີງ­ໃສ່​ແຜນ​ລາຍ​ຮັບ-ລາຍ​ຈ່າຍ ນວ ຕ້ອງ​ດຸນ​ດ່ຽງ​ໃຫ້​ສູນ​ກາງ​ຕາມ​ແຜນ 708,2 ຕື້​ກີບ (1.357,67 ຕື້​ກີບ-649,47 ຕື້​ກີບ) ນວ ໄດ້​ດຸນ​ດ່ຽງ​ໃຫ້​ສູນ​ກາງ​ເບື້ອງ​ຕົ້ນ 275,06 ຕື້​ກີບ ເທົ່າ​ກັບ 38,84% ຂອງ​ແຜນ­ການ​ປີ.

    ສຳ­ລັບ​ທິດ​ທາງ 6 ເດືອນ​ທ້າຍ​ປີ 2019 ຈະ​ສູ້​ຊົນ​ເກັບ​ລາຍ​ຮັບ​ເຂົ້າ​ງົບ­ປະ­ມານ​ຂອງ ນວ ໃຫ້​ໄດ້​ຕ່ຳ​ສຸດ 4.611,23 ຕື້​ກີບ ທຽບ­ໃສ່​ແຜນ­ການ​ປີ​ເທົ່າ​ກັບ 96,41% ໃນ​ນີ້ ພູດ​ຂອງ​ທ້ອງ­ຖິ່ນ 1.357,67 ຕື້​ກີບ ທຽບ­ໃສ່​ແຜນ​ປີ 100% ສູ້​ຊົນ​ໃຫ້​ໄດ້ 778,8 ຕື້​ກີບ ເທົ່າ​ກັບ 57,36% ຂອງ​ແຜນ­ການ​ປີ ສ່ວຍ​ສາ​ອາ ກອນ​ທຽບ­ໃສ່​ແຜນ​ປີ 100% ສູ້​ຊົນ​ໃຫ້​ໄດ້ 741,72 ຕື້​ກີບ ເທົ່າ​ກັບ 57,34% ຄຸ້ມ​ຄອງ​ຊັບ​ສິນ​ຂອງ​ລັດ​ທຽບ­ໃສ່​ແຜນ​ປີ 100% ສູ້​ຊົນ​ໃຫ້​ໄດ້ 37,02 ຕື້​ກີບ ເທົ່າ​ກັບ 58,14% ຄຸ້ມ​ຄອງ​ລັດ​ວິ​ສາ​ຫະ​ກິດ​ທຽບ­ໃສ່​ແຜນ​ປີ 100% ສູ້​ຊົນ​ໃຫ້​ໄດ້ 85,74 ລ້ານ​ກີບ ແລະ ພູດ​ສູນ​ກາງ 3.253,56 ຕື້​ກີບ ທຽບ­ໃສ່​ແຜນ­ການ​ປີ 95% ສູ້​ຊົນ​ໃຫ້​ໄດ້ 1.661,78 ຕື້​ກີບ ເທົ່າ​ກັບ 48,52% ສ່ວນ​ຄາດ­ໝາຍ​ລາຍ​ຈ່າຍ​ຂອງ​ນະ­ຄອນ­ຫຼວງ​ວຽງ​ຈັນ​ເບື້ອງ​ຕົ້ນ 6 ເດືອນ​ທ້າຍ​ປີ​ແມ່ນ 225,01 ຕື້​ກີບ.

ຂ່າວທີ່ກ່ຽວຂ້ອງ