ຂ່າວຫຼ້າສຸດ

ເທຄວັນໂດລາວ ຄວ້າ 1 ຫຼຽນຄຳ 1 ຫຼຽນທອງ ລະດັບສາກົນຢູ່ມາເລເຊຍ

499 25 ກ.ລ. 2019 ວົງຈອນກີລາ
ເທຄວັນໂດລາວ ຄວ້າ 1 ຫຼຽນຄຳ 1 ຫຼຽນທອງ ລະດັບສາກົນຢູ່ມາເລເຊຍ

    ການ​ແຂ່ງ­ຂັນ​ກີ­ລາ​ເທ​ຄວັນ​ໂດ ລາຍ­ການ The Sarawak Chief Minister Borneo Cup International Taekwondo (WTF) Championship ຈັດ​ຂຶ້ນ​ວັນ​ທີ 20-21 ກໍ­ລະ­ກົດ 2019 ຢູ່​ເມືອງ Kuching ລັດ​ຊາ​ລາ​ວັກ ປະ­ເທດ​ມາ​ເລ​ເຊຍ ວັນ​ທີ ມີ​ນັກ­ກີ­ລາ​ເຂົ້າ​ຮ່ວມ 600 ກວ່າ​ຄົນ​ຈາກ 20 ປະ­ເທດ ເປັນ­ຕົ້ນ​ອົດ​ສະ​ຕຣາ​ລີ ຍີ່­ປຸ່ນ ຈີນ ອີ​ຣານ ແລະ ປະ­ເທດ​ສະ­ມາ­ຊິກ​ອາ​ຊຽນ.

    ສປປ ລາວ ສົ່ງ​ນັກ­ກີ­ລາ​ເຂົ້າ​ຮ່ວມ 2 ຄົນ ແລະ ສາ­ມາດ​ຍາດ​ໄດ້ 1 ຫຼຽນ​ຄຳ 1 ຫຼຽນ​ທອງ ໂດຍ 1 ຫຼຽນ​ຄຳ ໄດ້​ຈາກ​ທ້າວ ສິດ­ທິ­ກອນ ສໍ​ພາບ​ມີ​ໄຊ ປະ­ເພດ​ຕໍ່­ສູ້ ຮຸ່ນ​ນ້ຳ­ໜັກ 68 ກິ​ໂລ ເຊິ່ງ​ໃນ​ຮອບ​ຮອງ​ຊະ­ນະ​ເລີດ ເອົາ​ຊະ­ນະ ນັກ­ກີ­ລາ​ຈາກ​ອິນ​ໂດ​ເນ​ເຊຍ ແລະ ຮອບ​ຊີງ​ຊະ­ນະ​ເລີດ​ເອົາ​ຊະ­ນະ ນັກ­ກີ­ລາ​ຈາກ​ອົດ​ສະ​ຕຣາ​ລີ ສ່ວນ 1 ຫຼຽນ​ທອງ ໄດ້​ຈາກ​ທ້າວ ພູ​ວິ­ໄລ ຍົມ​ມະ​ລາດ ປະ­ເພດ​ຕໍ່­ສູ້ ຮຸ່ນ ນ້ຳ­ໜັກ 58 ກິ​ໂລ ຮອບ 8 ຄົນ​ສຸດ​ທ້າຍ​ຊະ­ນະ ເນ​ປານ ຮອບ​ຮອງ​ຊະ­ນະ​ເລີດ ເສຍ​ໃຫ້​ນັກ­ກີ­ລາ​ຈາກ​ໄທ ໄດ້​ຫຼຽນ​ທອງ ລາຍ­ການ​ຕໍ່​ໄປ​ນັກ­ກີ­ລາ​ເທ​ຄວັນ​ໂດ​ລາວ ຈະ​ເດີນ­ທາງ​ໄປ​ເຂົ້າ​ຮ່ວມ​ແຂ່ງ­ຂັນ​ລາຍ ການ​ນາໆຊາດ ຢູ່​ນະ­ຄອນ​ດາ​ນັງ ສສ ຫວຽດ­ນາມ ວັນ​ທີ 24-25 ສິງ­ຫາ ນີ້.

    ສຳ­ລັບ​ການ​ແຂ່ງ­ຂັນ​ຄັ້ງ​ນີ້ ມີ​ກຳ­ມະ­ການ​ຈາກ​ລາວ​ເຂົ້າ​ຮ່ວມ​ຕັດ­ສິນ​ຄື: ທ່ານ ຈັນ­ທະ​ວົງ ປັນ­ຍາ​ສິ​ຣິ ກຳ­ມະ­ການ​ຕັດ­ສິນ​ລະ­ດັບ​ສາ­ກົນ ເລ­ຂາ­ທິ­ການ​ສະ­ຫະ­ພັນ​ກີ­ລາ​ເທ​ຄວັນ​ໂດ້​ແຫ່ງ​ຊາດ​ລາວ.

ຂ່າວທີ່ກ່ຽວຂ້ອງ