ຜູ້ນຳ ສ ອາ​ເມ​ຣິ​ກາ ປະກາດ​ທີ່​ຈະ “ລຶບ​ຊື່​ອາ​ຟະ​ກາ​ນິດ​ສະຖານ ອອກ​ຈາກ​ໜ່ວຍ​ໂລກ”

206 25 ກ.ລ. 2019 ຂ່າວຕ່າງປະເທດ
ຜູ້ນຳ ສ ອາ​ເມ​ຣິ​ກາ ປະກາດ​ທີ່​ຈະ “ລຶບ​ຊື່​ອາ​ຟະ​ກາ​ນິດ​ສະຖານ ອອກ​ຈາກ​ໜ່ວຍ​ໂລກ”

    ຂ່າວສານ Reuters ລາຍ​ງານ​ວ່າ ຫ້ອງ​ວ່າການ​ປາທະ​ນາ​ທິ​ບໍດີ ອາ​ຟະ​ກາ​ນິດ​ສະຖານ ຮຽກຮ້ອງ​ອອກ​ມາ​ເມື່ອ​ວັນ​ທີ 23 ກໍລະກົດ​ນີ້ ​ວ່່າ​ໃຫ້​ມີ​ຄວາມ​ກະຈ່າງ​ແຈ້ງ​ກ່ຽວ​ກັບ​ຄຳ​ຖະແຫຼງ​ຂອງ​ປະທານາທິບໍດີ ໂດ​ນາ​​ລ ທຣຳ ຜູ້ນຳ ສ ອາ​ເມ​ຣິ​ກາ ທີ່​ເວົ້າ​ວ່າ ເຂົາ​ສາມາດ​ທີ່​ຈະ​ເຮັດ​ໃຫ້ການ​ສູ້​ຮົບ​ຢູ່​ໃນ​ອາ​ຟະ​ກາ​ນິດ​ສະຖານ​ສິ້ນ​ສຸດ​ລົງ ພາຍ​ໃນ​ເວລາ​ພຽງ​ໜຶ່ງ​ອາທິດ ດ້ວຍ​ວິທີ “ລຶບ​ຊື່​ອາ​ຟະ​ກາ​ນິດ​ສະຖານ​ອອກ​ຈາກ​ໜ່ວຍ​ໂລກ.”

     ຫ້ອງ​ວ່າການ​ປະທານາທິບໍດີ ອາ​ຟະ​ກາ​ນິດ​ສະຖານ ຊີ້​ແຈງ​ວ່າ ຍັງ​ບໍ່​ທັນ​ມີ​ຈັກ​ເທື່ອ ແລະ ຈະ​ບໍ່​ມີ​ຈັກ​ເທື່ອ ທີ່​ອາ​ຟະ​ກາ​ນິດ​ສະຖານ ອະນຸຍາດ​ໃຫ້​ອິດ​ທິ​ກຳລັງ​ໃດໆຢູ່​ນອກ​ປະເທດ ມາ​ຕັດສິນ​ຊະ​ຕາ​ກຳ​ຂອງ​ຕົນ.

ຄຳ​ຖະແຫຼງ​ດັ່ງກ່າວ​ຂອງ​ປະທານາທິບໍດີ ທຣຳ ມີ​ອອກ​ມາ​ຫຼັງ​ການ​ພົບ​ປະ​ກັບ​ນາຍົກ ລັດຖະມົນຕີ​ປາ​ກິດ​ສະຖານ ອິມ​ຣານ ຄານ ຢູ່​ທີ່​ທຳ​ນຽບ​ຂາວ ເມື່ອ​ວັນ​ທີ 22 ກໍລະກົດ​ທີ່​ຜ່ານ​ມາ.

ຂ່າວທີ່ກ່ຽວຂ້ອງ