ອັງກິດ​ຈະ​ມີ​ນາຍົກລັດຖະມົນຕີ​ຄົນ​ໃໝ່

187 25 ກ.ລ. 2019 ຂ່າວຕ່າງປະເທດ
ອັງກິດ​ຈະ​ມີ​ນາຍົກລັດຖະມົນຕີ​ຄົນ​ໃໝ່

      ວັນ​ທີ 23 ກໍລະກົດ​ນີ້ ພັກ​ອະນຸລັກ​ນິຍົມ ຊຶ່ງ​ເປັນ​ພັກ​ກຳ​ອຳນາດ​ຢູ່​ໃນ​ອັງກິດ ໄດ້​ປະກາດ​ຜົນ​ການ​ລົງ​ຄະແນນ​ສຽງ ໃນ​ການ​ເລືອກ​ຕັ້ງ​ຜູ້ນຳ​ຄົນ​ໃໝ່​ຂອງ​ພັກ ຊຶ່ງ​ຕາມ​ນັ້ນແລ້ວ ທ່ານ ໂບ​ຣິ​​ສ ຈອນ​ສັນ ອະດີດ​ລັດຖະມົນຕີ​ການ​ຕ່າງປະເທດ ໄດ້​ກາຍເປັນ​ຜູ້ນຳ​ຂອງ​ພັກ ພ້ອມ​ກັນ​ນັ້ນ​ກໍ​ເປັນ​ນາຍົກລັດຖະມົນຕີ​ຄົນ​ໃໝ່​ຂອງ​ອັງກິດ.

   ຜົນ​ຂອງ​ການ​ລົງ​ຄະແນນ​ສຽງ ລະບຸ​ວ່າ ທ່ານ ໂບ​ຣິ​​ສ ຈອນ​ສັນ ໄດ້​ຮັບ​ສຽງ​ສະໜັບສະໜູນ 92.153 ບັດ ຈາກ​ບັນດາ​ສະມາຊິກ​ພັກ​ອະນຸລັກ​ນິຍົມ ໃນ​ຂະນະ​ທີ່​ທ່ານ ເຈ​ມີ ຮັນ ລັດຖະມົນຕີ​ການ​ຕ່າງປະເທດ ຜູ້​ເປັນ​ຄູ່​ແຂ່ງ ໄດ້​ຮັບ​ສຽງ​ສະໜັບສະໜູນ  46.656 ບັດ.

     ທ່ານ ຈອນ​ສັນ ກ່າວ​ຫຼັງ​ຈາກ​ທີ່​ມີ​ຜົນ​ການ​ລົງ​ຄະແນນ​ສຽງ​ອອກ​ມາ​ຄື​ດັ່ງກ່າວ​ວ່າ ທ່ານ​ຈະ​ເດີນ​ຕາມ​ແຜນການ ກ່ຽວ​ກັບ​ເລື່ອງ​ອັງກິດ​ຖອນ​ອອກ​ຈາກ​ສະຫະພາບ​ເອີ​ຣົບ ຫຼື​ທີ່​ເອີ້ນ​ວ່າ Brexit ໃນ​ວັນ​ທີ 31 ຕຸລາ​ປີ​ນີ້.

ຂ່າວທີ່ກ່ຽວຂ້ອງ