ຂ່າວຫຼ້າສຸດ

ເກີດ​ເຫດ​ໄຟ​ໄໝ້​ຄ້າຍ​ພັກແລ້ງ​ຂອງ​ເຍົາວະ​ຊົນ​ໃນ​ຣັດ​ເຊຍ

148 25 ກ.ລ. 2019 ຂ່າວຕ່າງປະເທດ
ເກີດ​ເຫດ​ໄຟ​ໄໝ້​ຄ້າຍ​ພັກແລ້ງ​ຂອງ​ເຍົາວະ​ຊົນ​ໃນ​ຣັດ​ເຊຍ

   ເຈົ້າ​ໜ້າທີ່​ຣັດ​ເຊຍ ແຈ້ງ​ໃຫ້​ຮູ້ເມື່ອ​ວັນ​ທີ 23 ກໍລະກົດ​ນີ້​ວ່າ ມີ​ເດັກນ້ອຍ​ເສຍ​ຊີວິດ​ຕື່ມ​ອີກ 3 ຄົນ ຢູ່​ໃນ​ເຫດການ​ໄຟ​ໄໝ້​ຄ້າຍ​ພັກແລ້ງ​ຂອງ​ເຍົາວະ​ຊົນ ຢູ່​ໃນ​ແຂວງ ຄາ​ບາ​ຣົບ​​ສກ໌ ເຮັດ​ໃຫ້​ຍອດ​ຈຳນວນ​ເດັກນ້ອຍ​ທີ່​ເສຍ​ຊີວິດ ຈາກ​ອັກຄີ​ໄພ​ດັ່ງກ່າວ ເພີ່ມ​ຂຶ້ນ​ເປັນ 4 ຄົນ ກະຊວງ​ສາທາລະນະ​ສຸກ​ຣັດ​ເຊຍ ແຈ້ງ​ໃຫ້​ຮູ້​ກ່ອນ​ໜ້າ​ນັ້ນ​ວ່າ ເຫດການ​ໄຟ​ໄໝ້​ດັ່ງກ່າວ ເຮັດ​ໃຫ້​ມີ​ຜູ້​ໄດ້​ຮັບ​ບາດເຈັບ 12 ຄົນ ໃນ​ນັ້ນ​ເປັນ​ເດັກນ້ອຍ 7 ຄົນ.

    ແຫຼ່ງ​ຂ່າວ​ຕ່າງໆ ໃຫ້​ຮູ້​ວ່າ ໄຟ​ໄດ້​ໄໝ້​ລາມ​ກວ້າງ​ອອກ​ຢູ່​ໃນ​ບໍລິເວນ​ຕັ້ງ​ຄ້າຍ​ດັ່ງກ່າວ ທີ່​ເປັນ​ຂອງ​ເອກະ​ຊົນ ເພື່ອ​ຈັດ​ໃຫ້​ແກ່​ເດັກນ້ອຍ ຢູ່​ໃກ້​ກັບ​ນະຄອນ ກົມ​ຊົມ​ໂມນ​​ສກ໌ ອອນ ອາ​ມູ​​ຣ  (Komsomolsk-on-Amur) ໃນ​ແຂວງ ຄາ​ບາ​ຣົບ​​ສກ໌ ໂດຍ​ໄຟ​ໄດ້​ເຜົາ​ຜານ​ຄ້າຍ​ໄປ 20 ຫຼັງ.

    ຂ່າວ​ແຈ້ງວ່າ ໃນ​ເວລາ​ທີ່​ເກີດ​ເຫດ​ໄຟ​ໄໝ້​ນັ້ນ ມີ​ເດັກນ້ອຍ ແລະ ຊາວ​ໜຸ່ມ​ເຍົາວະ​ຊົນ​ປະມານ 189 ຄົນ ທີ່​ມີ​ອາຍຸ​ແຕ່ 7 ຫາ 15 ປີ ມີໜ້າ​ຢູ່​ໃນ​ເຂດ​ຕັ້ງ​ຄ້າຍ​ດັ່ງກ່າວ.

ຂ່າວທີ່ກ່ຽວຂ້ອງ