EU ຫ້າມ​ຫາ​ປາ​ຫິມະ​ຢູ່​ໃນ​ເຂດ​ທະເລ​ບານ​ຕິກ

150 25 ກ.ລ. 2019 ຂ່າວຕ່າງປະເທດ
EU ຫ້າມ​ຫາ​ປາ​ຫິມະ​ຢູ່​ໃນ​ເຂດ​ທະເລ​ບານ​ຕິກ

    ສະຫະພາບ​ເອີ​ຣົບ (EU) ໄດ້​ປະກາດ​ເມື່ອ​ວັນ​ທີ 23 ກໍລະກົດ​ນີ້ ກ່ຽວ​ກັບ​ການ​ຫ້າມ​ທັນທີ ຕໍ່​ການ​ຫາ​ປາ​ຫິມະ ຢູ່​ໃນ​ເກືອບ​ທຸກ​ແຫ່ງ ໃນ​ເຂດ​ທະເລ​ບານ​ຕິກ ທັງ​ນີ້​ກໍ​ເພື່ອ​ປັນ​ການ​ຟື້ນ​ຟູ​ແຫຼ່ງ​ປາ ທີ່​ຖືກ​ຄຸ​ຄາມ​ເຫືອດ​ແຫ້ງ​ໄປ​ນັ້ນ ຄຳ​ສັ່ງ​ຫ້າມ​ດັ່ງກ່າວ ຈະ​ແກ່ຍາວ​ໄປ​ຮອດ​ວັນ​ທີ 31 ທັນວາ​ໜ້າ​ນີ້.

     ຄະນະ​ກຳມະການ​ເອີ​ຣົບ (EC) ແຈ້ງ​ເຕືອນ​ວ່າ ຖ້າ​ຫາກ​ບໍ່​ດຳເນີນ​ການ​ໂດຍ​ທັນທີ​ແລ້ວ ແຫຼ່ງ​ປາ​ຫິມະ​ກໍ​ຈະ​ເຫືອດ​ແຫ້ງ​ໄປ ທ່ານ ຄາ​ເມ​ນູ ເວນ​ລາ ກຳມະການ EU ຮັບຜິດຊອບ​ວຽກ​ງານ​ປະມົງ ເວົ້າ​ວ່າ ພວກ​ເຮົາ​ຕ້ອງ​ໄດ້​ດຳເນີນ​ການ​ສຸກ​ເສີນ ເພື່ອ​ຟື້ນ​ຟູ​ແຫຼ່ງ​ປາ​ຫິມະ ທັງ​ເພື່ອ​ຜົນ​ປະໂຫຍດ​ໃຫ້​ແກ່​ແຫຼ່ງ​ປາ ແລະ ທັງ​ຜົນ​ປະໂຫຍດ​ສຳລັບ​ຊາວ​ປະມົງ.

     ຍອດ​ປະລິມານ​ການ​ຈັບ​ປາ​ຫິມະ​ທີ່​ໃຫ້​ອະນຸຍາດ ຢູ່​ໃນ​ເຂດ​ທິດຕາເວັນຕົກ​ຂອງ​ທະເລ​ບານ​ຕິກ ໄດ້​ຫຼຸດ​ລົງ​ໃນ​ແຕ່​ລະ​ປີ ນັບ​ແຕ່​ປີ 2014 ເປັນຕົ້ນ​ມາ ໂດຍ​ລົງ​ໄປ​ຍັງ​ເຫຼືອ  24.000 ໂຕນ ໃນ​ປີ 2019.

ຂ່າວທີ່ກ່ຽວຂ້ອງ