ຂ່າວຫຼ້າສຸດ

ເຮືອບິນ Boeing 737 ຂອງ​ນີ​ເຊຣີ ເກີດ​ຫຼຸດ​ລໍ້​ດ້ານ​ໜ້າ​ຫຼັງ​ຈາກ​ບິນ​ລົງ​ຈອດ

135 25 ກ.ລ. 2019 ຂ່າວຕ່າງປະເທດ
ເຮືອບິນ Boeing 737 ຂອງ​ນີ​ເຊຣີ ເກີດ​ຫຼຸດ​ລໍ້​ດ້ານ​ໜ້າ​ຫຼັງ​ຈາກ​ບິນ​ລົງ​ຈອດ

    ຕາມ​ຂ່າວ​ຕ່າງປະເທດ ເຮືອບິນ​ການ​ຄ້າ​ລຳ​ໜຶ່ງ ຊຶ່ງ​ບັນທຸກ​ຜູ້ໂດຍສານ ແລະ ຈຸ​ບິນ 139 ຄົນ ໄດ້​ເກີດ​ເຫດ​ລໍ້​ດ້ານ​ໜ້າ​ຫຼຸດ​ອອກ ຫຼັງ​ຈາກ​ທີ່​ບິນ​ລົງ​ຈອດ​ທີ່​ສະໜາມ​ບິນ ມູ​ຕາລາ ມູ​ຮາມ​ມັດ ໃນ​ນະຄອນ ລາກ​​ົສ ຂອງ​ນີ​ເຊຣີ ເມື່ອ​ວັນ​ທີ 23 ກໍລະກົດ​ນີ້ ໂຊກ​ດີ​ທີ່ບ​ບໍ່​ມີ​ຜູ້​ເສຍ​ຊີວິດ ຫຼື​ບາດເຈັບ ຈາກ​ເຫດການ​ດັ່ງກ່າວ.

     ເຮືອບິນ​ທີ່​ປະສົບ​ເຫດ​ນັ້ນ ເປັນ​ລຸ້ນ Boeing 737 ທີ່​ນຳ​ໃຊ້​ໂດຍ​ບໍລິສັດ​ການບິນ​ເອກະ​ຊົນ Air Peace ຂອງ​ນີ​ເຊຣີ ຊຶ່ງ​ເຫດການ​ນັ້ນ​ເກີດ​ຂຶ້ນ ໃນ​ເວລາ​ທີ່​ເຮືອບິນ​ດັ່ງກ່າວ ບິນ​ມາ​ຈາກ​ນະຄອນ ພອດ ຮາ​ກຸດ.

     ທ່ານ ໂອ​ລູ​ວາ​ຕໍ​ຢິນ ຜູ້ອຳນວຍການ​ຝ່າຍ​ບໍລິຫານ​ຂອງ Air Peace ເວົ້າ​ວ່າ ຜູ້​ຊ່ວຍ​ນັກ​ບິນ ໄດ້​ຮູ້ສຶກ​ເຫັນ​ການ​ປ່ຽນແປງ​ອາກາດ​ຢ່າງ​ກະທັນຫັນ ໃນ​ເວລາ​ທີ່​ເຮືອບິນໆ​ເຂົ້າ​ໄປ​ໃນ​ເຂດ​ທ້ອງຟ້າ​ເໜືອ​ນະຄອນ ລາກ​​ົສ ແລະ ໄດ້​ສະເໜີ​ໃຫ້​ໄດ້​ບິນ​ລົງ​ຈອດ ເທິງ​ຣັນ​ເວ (ເສັ້ນທາງ​ແລ່ນ) ສາຍ​ສາກົນ ແທນ​ທີ່​ຈະ​ເປັນ​ຣັນ​ເວ​ສາຍ​ໃນ​ປະເທດ ຫຼັງ​ຈາກ​ທີ່​ເຮືອບິນ​ດັ່ງກ່າວ ບິນ​ລົງ​ຈອດ​ຢູ່​​າງ​ປອດ​ໄພ ແລະ ກຽມ​ອອກ​ໄປ​ຈາກ​ຣັນ​ເວ​ນັ້ນ ລໍ້​ດ້ານ​ໜ້າ​ຂອງ​ເຮືອບິນ​ໄດ້​ຫຼຸດ​ອອກ​ໄປ​ຈາກ​ຕົວ​ເຮືອບິນ.

ຂ່າວທີ່ກ່ຽວຂ້ອງ