ມອບໃບຍ້ອງຍໍ ແລະ ຫຼຽນກາລະນຶກ 70 ປີ ກອງທັບ

366 24 ກ.ລ. 2019 ຂ່າວໜ້າ​ໜຶ່ງ
ມອບໃບຍ້ອງຍໍ ແລະ ຫຼຽນກາລະນຶກ 70 ປີ ກອງທັບ

    ກະ­ຊວງ​ປ້ອງ​ກັນ​ປະ­ເທດ ​ໄດ້​ຈັດ​ຕັ້ງ​ມອບ​ໃບ​ຍ້ອງ­ຍໍ ແລະ ຫຼຽນ​ກາ​ລະ­ນຶກ 70 ປີ​ກອງ­ທັບ​ປະ­ຊາ­ຊົນ​ລາວ ໃຫ້​ພະ­ນັກ­ງານ​ກະ­ຊວງ​ການ​ເງິນ ແລະ ກະ­ຊວງ​ແຜນ­ການ ແລະ ການ​ລົງ­ທຶນ ຈັດ​ຂຶ້ນ​ໃນ​ວັນ​ທີ 18 ກໍ­ລະ­ກົດ 2019 ໂດຍ​ການ​ເປັນ​ປະ­ທານ​ຂອງ ສະ­ຫາຍ ພົນ​ເອກ ຈັນ​ສະ­ໝອນ ຈັນ​ຍາ​ລາດ ກຳ­ມະ­ການ​ກົມ​ການ­ເມືອງ​ສູນ​ກາງ​ພັກ ລັດ­ຖະ­ມົນ­ຕີ​ກະ­ຊວງ​ປ້ອງ​ກັນ​ປະ­ເທດ ໃຫ້​ກຽດ​ເຂົ້າ​ຮ່ວມ​ໃນ​ພິ­ທີ​ມີ​ສະ­ຫາຍ ສົມ​ດີ ດວງ​ດີ ກຳ­ມະ­ການ​ສູນ​ກາງ​ພັກ ຮອງ​ນາ­ຍົກ ລັດ­ຖະ­ມົນ­ຕີ ລັດ­ຖະ­ມົນ­ຕີ​ກະ­ຊວງ​ການ​ເງິນ ສະ­ຫາຍ ສຸ­ພັນ ແກ້ວ​ມີ​ໄຊ ກຳ­ມະ­ການ​ສູນ​ກາງ​ພັກ ລັດ­ຖະ­ມົນ­ຕີ​ກະ­ຊວງ​ແຜນ­ການ ແລະ ການ​ລົງ­ທຶນ ມີ​ຄະ­ນະ​ນຳ​ກະ­ຊວງ​ປ້ອງ​ກັນ​ປະ­ເທດ ບັນ­ດາ​ກົມ​ໃຫຍ່ ພະ­ນັກ­ງານ 2 ກະ­ຊວງ ແລະ ແຂກ​ທີ່​ຖືກ​ເຊີນ​ເຂົ້າ​ຮ່ວມ.

    ອີງ​ຕາມ​ຂໍ້​ຕົກ­ລົງ​ຂອງ​ກະ­ຊວງ​ປ້ອງ​ກັນ​ປະ­ເທດ ວ່າ​ດ້ວຍ​ການ​ຍ້ອງ­ຍໍ​ສັນ­ລະ­ເສີນ​ຜົນ­ງານ​ໃຫ້​ແກ່​ພະ­ນັກ­ງານ​ກະ­ຊວງ​ການ​ເງິນ ກະ­ຊວງ​ແຜນ­ການ ແລະ ການ​ລົງ­ທຶນ​ທີ່​ມີ​ຜົນ­ງານ​ດີ­ເດັ່ນ​ໃນ​ການ​ປະ­ກອບ­ສ່ວນ​ເຂົ້າ​ໃນ​ງານ​ສະ­ເຫຼີມ­ສະ­ຫຼອງ​ວັນ​ສ້າງ­ຕັ້ງ​ກອງ­ທັບ​ຄົບ­ຮອບ 70 ປີ ແລະ ເຮັດ​ສຳ­ເລັດ​ໜ້າ­ທີ່​ການ­ເມືອງ​ທີ່​ຂັ້ນ​ເທິງ​ມອບ​ໝາຍ​ໃຫ້​ເປັນ​ຢ່າງ​ດີ ຜົນ­ງານ​ດັ່ງ­ກ່າວ ເປັນ​ການ​ປະ­ກອບ­ສ່ວນ​ເຂົ້າ​ໃນ​ການ​ປົກ​ປັກ​ຮັກ­ສາ ແລະ ສ້າງ­ສາ​ພັດ­ທະ­ນາ​ປະ­ເທດ​ຊາດ ສະ­ນັ້ນ ກະ­ຊວງ​ປ້ອງ​ກັນ​ປະ­ເທດ​ຈຶ່ງ​ຕົກ­ລົງ​ມອບ​ໃບ​ຍ້ອງ­ຍໍ​ກະ­ຊວງ​ປ້ອງ​ກັນ​ປະ­ເທດ ແລະ ຫຼຽນ​ກາ​ລະ­ນຶກ 70 ປີ​ກອງ­ທັບ​ປະ­ຊາ­ຊົນ​ລາວ​ໃຫ້​ພະ­ນັກ­ງານ​ກະ­ຊວງ​ການ​ເງິນ ແລະ ກະ­ຊວງ​ແຜນ­ການ ແລະ ການ​ລົງ­ທຶນ ຈຳ­ນວນ 42 ສະ­ຫາຍ.

ຂ່າວທີ່ກ່ຽວຂ້ອງ