ສະພາບ​ການ​ເກີດ​ອຸບັດເຫດ​ຄົມມະນາຄົມ​ຢູ່​ໃນ​ກຳປູເຈຍ

218 24 ກ.ລ. 2019 ຂ່າວຕ່າງປະເທດ
ສະພາບ​ການ​ເກີດ​ອຸບັດເຫດ​ຄົມມະນາຄົມ​ຢູ່​ໃນ​ກຳປູເຈຍ

    ບົດ​ລາຍ​ງານ​ທີ່​ຄະນະ​ກຳມະການ​ຄວາມ​ປອດ​ໄພ ດ້ານ​ຄົມມະນາຄົມ​ທາງບົກ​ຂອງ​ກຳປູເຈຍ ເປີດເຜີຍ​ເມື່ອ​ບໍ່​ດົນ​ມາ​ນີ້ ສະແດງ​ໃຫ້​ເຫັນ​ວ່າ ໃນ 6 ເດືອນ​ຕົ້ນ​ປີ​ນີ້ ຢູ່​ກຳປູເຈຍ​ໄດ້​ເກີດ​ອຸບັດເຫດ​ການ​ຄົມມະນາຄົມ 2171 ເທື່ອ ເພີ່ມ​ຂຶ້ນ 33% ເມື່ອ​ທຽບໃສ່​ໄລຍະ​ດຽວ​ກັນ​ຂອງ​ປີຜ່ານມາ ສົ່ງ​ຜົນ​ເຮັດ​ໃຫ້​ມີ​ຜູ້​ບາດເຈັບ 3.224 ຄົນ ແລະ ເສຍ​ຊີວິດ 1.033 ຄົນ.

    ໃນ​ກອງ​ປະຊຸມ​ສະຫຼຸບ 6 ເດືອນ​ຕົ້ນ​ປີ 2019, ທ່ານ​ຊາ​ເຄັງ ຮອງ​ນາຍົກລັດຖະມົນຕີ ທັງ​ເປັນ​ລັດຖະມົນຕີ​ກະຊວງ​ພາຍ​ໃນ ແລະ ປະທານ​ຄະນະ​ກະ​ມຳ​ການ​ຄວາມ​ປອດ​ໄພ​ດ້ານ​ຄົມມະນາຄົມ​ທາງບົກ​ຂອງ​ກຳປູເຈຍ ໄດ້​ຮຽກຮ້ອງ​ໃຫ້​ວາງ​ມາດ​ຕະການ​ທີ່​ກ່ຽວຂ້ອງ ເພື່ອ​ຫຼຸດ​ຈຳນວນ​ອຸບັດເຫດ​ການ​ຄົມມະນາຄົມ​ໃຫ້​ໜ້ອຍ​ລົງ.

    ທ່ານ​ຊຸນ​ຈັນໂທ ລັດຖະມົນຕີ​ກະຊວງ​ໂຍທາ​ທິ​ການ ແລະ ຂົນສົ່ງ​ຂອງ​ກຳປູເຈຍ ກ່າວ​ວ່າ ຈະ​ປະຕິບັດ​ມາດ​ຕະການ​ຕ່າງໆ ເຊັ່ນ ເພີ່ມ​ທະວີ​ການ​ສ້າງ ແລະ ປະຕິບັດ​ກົດໝາຍ ໂຄສະນາ​ກົດໝາຍ ແລະ ລະບຽບ​ການ​ຄວາມ​ປອດ​ໄພ​ດ້ານ​ການ​ຄົມມະນາຄົມ ປັບປຸງ​ກົດໝາຍ​ຄົມມະນາຄົມ​ທາງບົກ​ໃຫ້​ສົມບູນ ຕິດ​ຕັ້ງ​ລະບົບ GPS ເພື່ອ​ຕິດຕາມ​ລົດ​ຂົນສົ່ງ​ສິນຄ້າ​ທີ່​ລະເມີດ​ກົດ​ລະບຽບ ເພີ່ມ​ທະວີ​ການ​ກວດກາ​ຕໍ່​ລົດໄຟ ແລະ ລົດ​ຂົນສົ່ງ​ສິນຄ້າ ທີ່​ບັນທຸກ​ສິນຄ້າ​ເກີນ​ກຳນົດ ຍົກເລີກ​ໂຮງງານ​ດັດແປງ​ລົດ​ທີ່​ຜິດ​ກົດໝາຍ ແລະ ອື່ນໆ ເພື່ອ​ຫຼຸດ​ອຸບັດເຫດ​ຄົມມະນາຄົມ​ໃຫ້​ໜ້ອຍ​ລົງ.

ຂ່າວທີ່ກ່ຽວຂ້ອງ