ADB ມີ​ຄວາມ​ໝັ້ນ​ໃຈ​ຕໍ່​ເສດຖະກິດ​ໃນ​ອາຊີ

91 23 ກ.ລ. 2019 ຂ່າວຕ່າງປະເທດ
ADB ມີ​ຄວາມ​ໝັ້ນ​ໃຈ​ຕໍ່​ເສດຖະກິດ​ໃນ​ອາຊີ

    ໃບ​ບົດ​ເພີ່ມ​ເຕີມ​ໃຫ້​ແກ່​ບົດ​ລາຍ​ງານ ກ່ຽວ​ກັບ​ຄວາມ​ຫວັງ​ການ​ພັດທະນາ​ເສດຖະກິດ​ໃນ​ອາຊີ ທີ່​ນຳ​ອອກ​ມາ​ເປີດເຜີຍ​ເມື່ອ​ເດືອນ​ເມສາ​ທີ່​ຜ່ານ​ມາ​ນັ້ນ ທະນາຄານ​ພັດທະນາ​ອາຊີ (ADB) ແຈ້ງ​ໃຫ້​ຮູ້ເມື່ອ​ວັນ​ທີ 18 ກໍລະກົດ​ທີ່​ຜ່ານ​ມາ​ວ່າ ບັນດາ​ພື້ນຖານ​ເສດຖະກິດ​ທີ່​ພວມ​ພັດທະນາ​ຢູ່​ໃນ​ອາຊີ ພວມ​ຢູ່​ໃນ​ເສັ້ນທາງ​ມຸ່ງ​ໄປ​ສູ່​ລະດັບ​ຄວາມ​ເຕີບ​ໂຕ ດັ່ງ​ການ​ຄາດ​ຄະເນ​ຂອງ ADB ໃນ​ປີ 2019 ແລະ  2020 ເຖິງ​ແມ່ນ​ວ່າການ​ພິພາດ​ທາງ​ດ້ານ​ການ​ຄ້າ ລະຫວ່າງ ສ ອາ​ເມ​ຣິ​ກາ ກັບ​ຈີນ ໄດ້ “ປົກ​ຄຸມ​ເງົາ​ມືດ” ໃສ່​ພື້ນຖານ​ເສດຖະກິດ​ໂລກ​ກໍ​ຕາມ.

    ADB ໃຫ້​ຮູ້​ວ່າ ບັນດາ​ພື້ນຖານ​ເສດຖະກິດ​ພວມ​ພັດທະນາ​ໃນ​ອາຊີ ທີ່​ປະກອບ​ມີ 45 ພື້ນຖານ​ເສດຖະກິດ​ຢູ່​ໃນ​ພາກ​ພື້ນ​ອາຊີ-ປາ​ຊີ​ຟິກ ນັ້ນ​ໄດ້​ຮັບ​ການ​ຄາດ​ຄະເນ​ຄວາມ​ເຕີບ​ໂຕ​ທີ່ 5,7% ໃນ​ປີ 2019 ແລະ  5,6% ໃນ​ປີ 2020.

     ADB ກໍ​ຍັງ​ຮັກສາ​ການ​ຄາດ​ຄະເນ​ຄວາມ​ເຕີບ​ໂຕ​ຂອງ​ເສດຖະກິດ​ຈີນ ໄວ້​ຄືເກົ່າ​ທີ່​ລະດັບ 6,3% ໃນ​ປີ 2019 ແລະ  6,1% ໃນ​ປີ 2020 ຫຼັງ​ຈາກ​ທີ່​ພື້ນຖານ​ເສດຖະກິດ​ຈີນ ທີ່​ມີ​ຂະໜາດ​ໃຫຍ່​ເປັນ​ອັນ​ດັບ​ສອງ​ຂອງ​ໂລກ​ນັ້ນ ເຕີບ​ໂຕກ​ຊັກ​ຊ້າ​ລົງ ໂດຍ​ຍັງ​ເຫຼືອ​ທີ່ 6,2% ໃນ​ໄຕ​ມາດ 2 ປີ​ນີ້ ພ້ອມ​ທັງ​ເຫັນ​ວ່າ ການ​ໜູນ​ຊ່ວຍ​ທາງ​ດ້ານ​ນະໂຍບາຍ ອາດ​ຈະ​ຊ່ວຍ​ໃຫ້​ຈີນ​ທົດ​ແທນ​ຄວາມ​ຕ້ອງການ​ຢູ່​ພາຍ​ໃນ​ປະເທດ ແລະ ນອກ​ປະເທດ ທີ່​ມີ​ຄວາມ​ອ່ອນແອ.

    ຄຽງ​ຄູ່​ກັນ​ນັ້ນ ADB ກໍ​ໄດ້​ປັບ​ຫຼຸດ​ການ​ຄາດ​ຄະເນ​ຄວາມ​ເຕີບ​ໂຕ​ຂອງ​ເສດຖະກິດ​ອິນ​ເດຍ ລົງ​ໄປ​ຍັງ​ເຫຼືອ 7% ໃນ​ປີ 2019 ແລະ  7,2% ໃນ​ປີ 2020 ຈາກ​ລະດັບ​ທີ່​ໄດ້​ຄາດ​ຄະເນ​ເຕີບ​ໂຕ​ທີ່  7,2% ແລະ  7,3% ຕາມ​ລຳດັບ ຊຶ່ງ​ມີ​ອອກ​ມາ​ເມື່ອ​ເດືອນ​ເມສາ​ທີ່​ຜ່ານ​ມາ.

     ໃນ​ຂະນະ​ດຽວ​ກັນ ADB ໃຫ້​ຮູ້​ວ່າ ເສດຖະກິດ​ຂອງ​ເຂດ​ອາຊີ​ກາງ ຈະ​ເຕີບ​ໂຕ 4,3% ໃນ​ປີ 2019 ແລະ  4,2% ໃນ​ປີ 2020 ທຽບໃສ່​ລະດັບ 4,2% ແລະ  4,2% ຕາມ​ລຳດັບ ທີ່​ຄາດ​ຄະເນ​ໄວ້​ເມື່ອ​ເດືອນ​ເວລາ​ທີ່​ຜ່ານ​ມາ. ສຳລັບ​ເສດຖະກິດ​ຢູ່​ໃນ​ເຂດ​ອາຊີ​ຕາເວັນ​ອອກ ຄາດ​ວ່າ​ຈະ​ເຕີບ​ໂຕ​ທີ່​ລະດັບ 5,6% ໃນ​ປີ 2019 ແລະ  5,5% ໃນ​ປີ 2020 ເມື່ອ​ທຽບໃສ່​ລະດັບ​ຄາດ​ຄະເນ​ຕາມ​ລຳດັບ​ທີ່  5,7% ແລະ  5,5% ທີ່​ໄດ້​ນຳ​ອອກ​ມາ​ເມື່ອ​ເດືອນ​ເມສາ​ທີ່​ຜ່ານ​ມາ. ສະເພາະ​ເສດຖະກິດ​ຢູ່​ໃນ​ເຂດ​ອາຊີ​ໃຕ້ ຄາດ​ວ່າ​ຈະ​ມີ​ຄວາມ​ເຕີບ​ໂຕ 6,6% ໃນ​ປີ 2019 ແລະ  6,7% ໃນ​ປີ 2020 ເມື່ອ​ທຽບໃສ່​ລະດັບ​ຄາດ​ຄະເນ​ຕາມ​ລຳດັບ​ທີ່ 6,8% ແລະ  6,9% ທີ່​ໄດ້​ນຳ​ອອກ​ມາ​ເມື່ອ​ເດືອນ​ເມສາ​ທີ່​ຜ່ານ​ມາ.

     ກ່ຽວ​ກັບ​ຄວາມ​ຫວັງ​ເຕີບ​ໂຕ ຂອງ​ເສດຖະກິດ​ໃນ​ເຂດ​ອາຊີ​ຕາເວັນ​ອອກ​ສ່ຽງ​ໃຕ້​ນັ້ນ  ADB ໃຫ້ການ​ຄາດ​ຄະເນ​ຄວາມ​ເຕີບ​ໂຕ​ທີ່ 4,8% ໃນ​ປີ 2019 ແລະ  4,9% ໃນ​ປີ 2020 ເມື່ອ​ທຽບໃສ່​ລະດັບ​ທີ່​ໄດ້​ຄາດ​ຄະເນ​ເອົາ​ໄວ້​ຕາມ​ລຳດັບ​ທີ່ 4,9% ແລະ  5% ຊຶ່ງ​ນຳ​ອອກ​ມາ​ເມື່ອ​ເດືອນ​ເມສາ​ທີ່​ຜ່ານ​ມາ.

    ນອກຈາກ​ນັ້ນແລ້ວ ADB ຍັງ​ໄດ້​ຍົກ​ການ​ຄາດ​ຄະເນ​ກ່ຽວ​ກັບ​ເງິນ​ເຟີ້​ຂອງ​ອາຊີ ຂຶ້ນ​ເປັນ 2,6% ຕະຫຼອດ​ທັງ​ປີ 2019 ແລະ  2020 ຈາກ​ລະດັບ​ທີ່​ໄດ້​ຄາດ​ເອົາ​ໄວ້​ກ່ອນ​ໜ້າ​ນັ້ນ ທີ່ 2,5%.

ຂ່າວທີ່ກ່ຽວຂ້ອງ