ໂຊກໄຊ-ຫວຽດຕິນ ຮ່ວມມືກັນຮອບດ້ານພ້ອມສະໜອງທຶນ

297 23 ກ.ລ. 2019 ຂ່າວໜ້າ​ໜຶ່ງ
ໂຊກໄຊ-ຫວຽດຕິນ ຮ່ວມມືກັນຮອບດ້ານພ້ອມສະໜອງທຶນ

    ພິ­ທີ​ເຊັນ​ສັນ­ຍາ​ຮ່ວມ​ມື​ຮອບ­ດ້ານ​ພ້ອມ​ສະ­ໜອງ​ທຶນ​ລະ­ຫວ່າງ​ທະ­ນາ­ຄານ​ຫວຽດ​ຕິນ​ລາວ ຈຳ­ກັດ ແລະ ກຸ່ມ​ບໍ­ລິ­ສັດ ໂຊກ​ໂຊ ຈັດ​ຂຶ້ນ​ວັນ​ທີ 19 ກໍ­ລະ­ກົດ 2019 ທີ່​ໂຮງ­ແຮມ​ເມື່ອງ​ແທ່ງ ນະ­ຄອນ­ຫຼວງ​ວຽງ​ຈັນ ໂດຍ​ການ​ລົງ​ນາມ​ຂອງ​ທ່ານ ໂຊກ​ໂຊ ສົມ​ໃຈ​ນຶກ ປະ­ທານ​ກຸ່ມ​ບໍ­ລິ­ສັດ ໂຊກ​ໄຊ ແລະ ທ່ານ ເລ ກວັກ ນາມ ອຳ­ນວຍ​ການ​ທະ­ນາ­ຄານ​ໃຫຍ່ ຫວຽດ​ຕິນ​ລາວ ຈຳ­ກັດ ມີ​ທ່ານ ນາງ ມະ­ໂນ​ລາ ເມືອງ​ມະ­ນີ ຮອງ​ຫົວ­ໜ້າ​ກົມ​ຄຸ້ມ​ຄອງ​ທະ­ນາ­ຄານ​ທຸ­ລະ​ກິດ ທະ­ນາ­ຄານ​ແຫ່ງ ສປປ ລາວ ພ້ອມ​ດ້ວຍ​ພາກ­ສ່ວນ​ກ່ຽວ­ຂ້ອງ​ສອງ​ຝ່າຍ​ເຂົ້າ​ຮ່ວມ​ເປັນ​ສັກ­ຂີ​ພິ­ຍານ.

    ເພື່ອ​ເປັນ​ການ​ເສີມ​ຂະ­ຫຍາຍ​ສາຍ​ພົວ­ພັນ ແລະ ຮ່ວມ​ມື​ລະ­ຫວ່າງ​ທະ­ນາ­ຄານ​ຫວຽດ​ຕິນ​ລາວ ຈຳ­ກັດ ແລະ ກຸ່ມ ບໍ­ລິ­ສັດ​ໂຊກ​ໄຊ ຂຶ້ນ​ສູ່​ບາດ­ກ້າວ​ໃໝ່ ປະ­ກອບ­ສ່ວນ​ເຂົ້າ​ໃນ​ການ​ເພີ່ມ​ພູນ​ຄູນ​ສ້າງ​ມິດ­ຕະ­ພາບ ຄວາມ​ສາ­ມັກ­ຄີ​ແບບ​ພິ­ເສດ ແລະ ການ​ຮ່ວມ​ມື​ຮອງ​ດ້ານ​ວະ​ຫວ່າງ​ລາວ ແລະ ຫວຽດ­ນາມ​ໃຫ້​ໝັ້ນ­ຄົງ​ຖະ​ນົງ​ແກ່ນ​ຕະ­ຫຼອດ​ໄປ  ບົນ​ພື້ນ­ຖານ​ການ​ຮ່ວມ​ມື​ຮອບ­ດ້ານ​ສອງ​ຝ່າຍ​ກຸ່ມ​ບໍ­ລິ­ສັດ​ໂຊກ​ໄຊ​ໃຫ້​ບຸ­ລິ­ມະ­ສິດ​ໃນ​ການ​ເລືອກ​ໃຊ້​ຜະ­ລິດ​ຕະ​ພັນ ການ​ບໍ­ລິ­ການ​ທີ່​ທະ­ນາ­ຄານ​ຫວຽດ​ຕິດ​ລາວ ຈຳ­ກັດ ເປັນ​ຜູ້​ກຳ­ລັງ​ຈະ​ສະ­ໜອງ​ໃຫ້ ເຊິ່ງ​ສອດ­ຄ່ອງ​ກັບ​ຄວາມ​ຕ້ອງ­ການ​ນຳ​ໃຊ້​ແຕ່​ລະ​ໄລ­ຍະ ຕອບ​ສະ­ໜອງ​ຄວາມ​ຕ້ອງ­ການ​ໃນ​ການ​ແຂ່ງ­ຂັນ​ດ້ານ​ຄຸນ​ນະ​ພາບ ແລະ ຄ່າ​ທຳ­ນຽມ​ບໍ­ລິ­ການ ແລກ­ປ່ຽນ​ຂໍ້​ມູນ​ດ້ານ​ນະ­ໂຍ­ບາຍ ສະ­ພາບ​ການ​ຕະ­ຫຼາດ ຄາດ­ໝາຍ​ດ້ານ​ເສດ­ຖະ­ກິດ ເຕັກ­ນິກ​ຂອງ​ຂະ­ແໜງ­ການ ສະ­ພາບ​ການ​ເງິນ ຜົນ​ໄດ້​ຮັບ​ທຸ­ລະ​ກິດ​ຂອງ​ວິ​ສາ​ຫະ​ກິດ​ໃນ​ລະ­ບົບ​ຂອງ ກຸ່ມ​ບໍ­ລິ­ສັດ​ໂຊກ​ໄຊ ເພື່ອ​ຮັບ​ໃຊ້​ວຽກ​ງານ​ວິ­ເຄາະ ແນ­ໃສ່​ຄຸ້ມ​ຄອງ​ບັນ­ດາ​ໂຄງ­ການ​ລົງ­ທຶນ​ທີ່​ແຕ່​ລະ​ຝ່າຍ​ມີ​ຜົນ​ປະ­ໂຫຍດ​ຮ່ວມ​ກັນ​ໃຫ້​ດີ​ທີ່​ສຸດ ເພື່ອ​ຫຼຸດ­ຜ່ອນ​ຄວາມ​ສ່ຽງ ຍົກ​ສູງ​ປະ­ສິດ­ທິ­ພາບ​ໃນ​ການ​ຄຸ້ມ​ຄອງ​ທຶນ ແລກ­ປ່ຽນ​ຂໍ້​ມູນ​ຂ່າວ­ສານ​ກ່ຽວ​ກັບ​ແຜນ​ງານ​ການ​ລົງ­ທຶນ​ບັນ­ດາ​ໂຄງ­ການ ແລະ ຄວາມ​ຕ້ອງ­ການ​ທຶນ​ຂອງ​ກຸ່ມ​ໂຊກ​ໄຊ ຫຼື ບັນ­ດາ​ຫົວ­ໜ່ວຍ​ຂອງ​ສະ­ມາ­ຊິກ​ຂອງ​ກຸ່ມ​ບໍ­ລິ­ສັດ ໂຊກ​ໄຊ ເພື່ອ​ທະ­ນາ­ຄານ​ຫວຽດ​ຕິນ​ລາວ​ໃຫ້​ຄຳ​ປຶກ­ສາ​ດ້ານ​ການ​ເງິນ ພິ­ຈາ­ລະ­ນາ​ການ​ປ່ອຍ​ສິນ​ເຊື່ອ ແລກ­ປ່ຽນ​ຂໍ້​ມູນ​ຂ່າວ­ສານ​ກ່ຽວ​ກັບ​ແຜນ­ການ​ລົງ­ທຶນ ແລະ ໃຫ້​ບຸ­ລິ­ມະ­ສິດ​ແກ່​ທະ­ນາ­ຄານ​ຫວຽດ​ຕິນ​ລາວ ກ່ຽວ​ກັບ​ແຜນ­ການ​ຮ່ວມ​ມື.

ຂ່າວທີ່ກ່ຽວຂ້ອງ