ຂ່າວຫຼ້າສຸດ

ສຸມໃສ່ພັດທະນາເພື່ອຫຼຸດຜ່ອນຊ່ອງຫວ່າງ ລະຫວ່າງຕົວເມືອງ ແລະ ຊົນນະບົດ

5.047 25 ກ.ພ. 2011 ພັດທະນານະຄອນຫຼວງ

<p style="text-align: justify;"> ປັດ­ຈຸ­ບັນ ທິດ​ທາງ​ຂອງ​ພັກ-ລັດ​ເຮົາ ໃນ​ການ​ພັດ­ທະ­ນາ​ເສດ­ຖະ­ກິດ-ສັງ­ຄົມ ເວົ້າ​ລວມ ເວົ້າ​ສະ­ເພາະ ກໍ​ຄື​ການ​ສ້າງ­ສາ​ພັດ­ທະ­ນາ​ປະ­ເທດ​ຊາດ ໃຫ້​ມີ​ການ​ເຕີບ​ໃຫຍ່​ຂະ­ຫຍາຍ­ຕົວ ເຊິ່ງ​ໄດ້​ຫັນ​ທິດ​ທາງ​ການ​ພັດ­ທະ­ນາ​ແບບ​ກ້າວ​ກະ­ໂດດ ຫັນ​ໄປ​ສູ່​ການ​ພັດ­ທະ­ນາ​ແບບ​ຍືນ​ຍົງ ໂດຍ​ສຸມ​ໃສ່​ພັດ­ທະ­ນາ​ຊົນ­ນະ­ບົດ ເປັນ​ພື້ນ­ຖານ​ຂອງ​ການ​ພັດ­ທະ­ນາ​ເສດ­ຖະ­ກິດ-ສັງ­ຄົມ ເພື່ອ​ສ້າງ​ຄວາມ​ສົມ​ດຸນ​ຂອງ​ການ​ດຳ­ລົງ​ຊີ­ວິດ ລະ­ຫວ່າງ​ຄົນ​ໃນ​ຕົວ​ເມືອງ​ກັບ​ຊົນ­ນະ­ບົດ ໃຫ້​ມີ​ການ​ພັດ­ທະ­ນາ​ຢ່າງ​ເທົ່າ​ທຽມ​ກັນ ເຊິ່ງ​ໃນ​ປັດ­ຈຸ­ບັນ​ນີ້ ໄດ້​ມີ​ຫຼາຍໆ​ພາກ­ສ່ວນ​ຂອງ​ລັດ ເອ­ກະ​ຊົນ ແລະ ອົງ​ການ­ຈັດ­ຕັ້ງ​ສາ­ກົນ​ຕ່າງໆ ໄດ້​ໃຫ້­ການ​ຊ່ວຍ­ເຫຼືອ ຄຸ້ມ​ຄອງ​ດ້ານ​ສິດ­ທິ​ມະ­ນຸດ ແລະ ສິດ­ຜົນ­ປະ­ໂຫຍດ​ອັນ​ຊອບ​ທຳ ເຊິ່ງ​ໄດ້​ດຳ­ເນີນ​ງານ​ຕາມ​ທິດ​ທາງ​ແຜນ­ການ​ນະ­ໂຍ­ບາຍ​ຂອງ​ພັກ ໃນ​ການ​ສົ່ງ­ເສີມ​ການ​ພັດ­ທະ­ນາ​ຊີ­ວິດ​ການ​ເປັນ​ຢູ່ ຂອງ​ປະ­ຊາ­ຊົນ​ທີ່­ຢູ່​ເຂດ​ຫ່າງ​ໄກ​ສອກ­ຫຼີກ​ໃນ​ຊົນ­ນະ­ບົດ ທີ່​ມີ​ສິ່ງ​ອຳ­ນວຍ​ຄວາມ​ສະ­ດວກ​ໜ້ອຍ​ກ່ວ​າ​ຕົວ​ເມືອງ ໃຫ້​ມີ​ຊີ­ວິດ​ການ​ເປັນ​ຢູ່​ທີ່​ດີ​ຂຶ້ນ ເພື່ອ​ຮັບ­ປະ­ກັນ​ທາງ​ດ້ານ​ຄຸນ​ນະ​ພາບ​ຂອງ​ຊີ­ວິດ ແລະ ດ້ານ​ສະ­ຫວັດ­ດີ​ການ-ສັງ­ຄົມ ໂດຍ​ສຸມ​ໃສ່​ວຽກ​ງານ​ການ​ສ້າງ​ສິ່ງ​ອຳ­ນວຍ​ຄວາມ​ສະ­ດວກ ສາ­ທາ­ລະ­ນະ​ປະ­ໂຫຍດ ດ້ານ​ພື້ນ­ຖານ​ໂຄງ​ລ່າງ​ຕ່າງໆ ໃຫ້​ແກ່​ເຂດ​ທີ່​ຫ່າງ​ໄກ​ສອກ­ຫຼີກ​ໄດ້​ຢ່າງ​ທົ່ວ​ເຖິງ ເປັນ­ຕົ້ນ​ແມ່ນ ການ​ມອບ​ໂອ­ກາດ​ແກ່​ເຂດ​ທີ່​ດ້ອຍ​ການ​ພັດ­ທະ­ນາ ເນັ້ນ​ໜັກ​ໃສ່​ພັດ­ທະ­ນາ​ວຽກ​ງານ​ດ້ານ​ການ​ສຶກ​ສາ ສາ­ທາ­ລະ­ນະ​ສຸກ ເຕັກ­ນິກ​ການ ຜະ­ລິດ​ກະ­ສິ­ກຳ ພັດ­ທະ­ນາ​ອາ­ຊີບ ສ້າງ​ວຽກ​ເຮັດ​ງານ​ທຳ ເພື່ອ​ເຮັດ​ໃຫ້​ຄົນ​ໃນ​ຊົນ­ນະ­ບົດ ສາ­ມາດ​ສ້າງ​ລາຍ​ຮັບ ສາ­ມາດ​ກຸ້ມ​ຕົນ​ເອງ​ໄດ້ ແລະ ສ້າງ​ແຕ່​ລະ​ຊຸມ​ຊົນ ໃຫ້​ມີ​ຕະ­ຫຼາດ​ແລກ­ປ່ຽນ​ສິນ­ຄ້າ ເຮັດ​ໃຫ້​ເກີດ​ມີ​ການ​ພົວ­ພັນ​ແລກ­ປ່ຽນ​ແນວ​ຄວາມ​ຄິດ​ພາຍ​ໃນ​ຊຸມ​ຊົນ ແລະ ນອກ​ຊຸມ​ຊົນ ສົ່ງ­ເສີມ​ບັນ­ດາ​ເງື່ອນ­ໄຂ​ທີ່​ເປັນ​ທ່າ­ແຮງ ໃຫ້​ມີ​ຄວາມ​ສາ­ມາດ​ສູງ​ຂຶ້ນ ຈົນ​ເຕັມ​ກຳ­ລັງ​ຄວາມ​ສາ­ມາດ​ໃນ​ການ​ຜະ­ລິດ ພ້ອມ​ກັນ​ນັ້ນ ກໍ​ຈະ​ຕ້ອງ​ໄດ້​ສົ່ງ­ເສີມ​ປະ­ເພ­ນີ​ອັນ​ດີ­ງາມ ແລະ ຮັກ­ສາ​ສະ­ພາບ​ແວດ​ລ້ອມ​ໄປ​ພ້ອມໆ​ກັນ ເຮັດ​ໃຫ້​ມີ​ການ​ເຕີບ​ໂຕ​ທາງ​ດ້ານ​ເສດ­ຖະ­ກິດ-ສັງ­ຄົມ ດ້ານ​ວັດ­ທະ­ນະ­ທຳ ແລະ ຮີດ­ຄອງ​ປະ­ເພ­ນີ ເພື່ອ​ຄ້ຳ­ປະ­ກັນ​ໃຫ້​ຊີ­ວິດ​ການ​ເປັນ​ຢູ່​ດີ​ຂຶ້ນ​ກ່ວ​າ​ເກົ່າ ພ້ອມ​ທັງ​ເປັນ​ການ​ຫຼຸດ­ຜ່ອນ​ຊ່ອງ​ຫວ່າງ ລະ­ຫວ່າງ​ຕົວ​ເມືອງ ແລະ ຊົນ­ນະ­ບົດ ແຕ່​ຢ່າງ­ໃດ​ກໍ​ຕາມ ຈະ​ຕ້ອງ​ໄດ້​ຄຳ­ນຶງ​ເຖິງ​ຄວາມ​ພ້ອມ​ຂອງ​ແຕ່​ລະ​ຊຸມ​ຊົນ ທີ່​ພ້ອມ​ທີ່​ຈະ​ປ່ຽນ­ແປງ ເດັດ­ຂາດ​ບໍ່​ນຳ​ໃຊ້​ຮູບ​ການ​ພັດ­ທະ­ນາ​ແບບ​ເລັ່ງ​ລັດ​ໃຫ້​ເສດ­ຖະ­ກິດ-ສັງ­ຄົມ ມີ​ການ​ຈະ­ເລີນ​ເຕີບ​ໂຕ​ໄວ ແຕ່​ສະ­ພາບ​ແວດ​ລ້ອມ ແລະ ຊັບ­ພະ­ຍາ­ກອນ​ທຳ​ມະ​ຊາດ​ຖືກ​ທຳ­ລາຍ ເພື່ອ​ໃຫ້​ບັນ­ລຸ​ເປົ້າ​ໝາຍ​ແນວ­ທາງ​ຂອງ​ພັກ ທີ່​ຕ້ອງ­ການ​ໃຫ້​ປະ­ເທດ​ຊາດ ຫຼຸດ​ພົ້ນ​ອອກ​ຈາກ​ຄວາມ­ທຸກ​ຍາກ ແລະ ດ້ອຍ​ພັດ­ທະ­ນາ ສ້າງ​ຄວາມ​ສະ­ເໝີ­ພາບ​ໃນ​ສັງ­ຄົມ ເຊິ່ງ​ໃຫ້​ເປັນ​ໄປ​ຕາມ​ແນວ­ທາງ​ພັດ­ທະ­ນາ​ແບບ​ຍືນ​ຍົງ ສະ­ນັ້ນ ຕ້ອງ​ຮຽກ­ຮ້ອງ​ໃຫ້​ທຸກ​ພາກ­ສ່ວນ ອົງ​ການ­ຈັດ­ຕັ້ງ​ຂອງ​ພັກ-ລັດ ອົງ​ການ­ຈັດ­ຕັ້ງ​ສາ­ກົນ ແລະ ອົງ​ການ­ຈັດ­ຕັ້ງ​ມະ­ຫາ­ຊົນ ໃຫ້​ມີ​ສ່ວນ​ຮ່ວມ​ໃນ​ການ​ພັດ­ທະ­ນາ ກ່ຽວ​ກັບ​ບັນ­ຫາ​ດັ່ງ­ກ່າວ​ນີ້ ຢ່າງ​ເປັນ​ຮູບ​ປະ​ທຳ ສິ່ງ​ສຳ­ຄັນ​ກໍ​ຄື​ການ​ເປັນ​ເຈົ້າ​ການ​ຂອງ​ປະ­ຊາ­ຊົນ​ທີ່­ຢູ່​ໃນ​ຊຸມ​ຊົນ​ດັ່ງ­ກ່າວ ໃຫ້​ມີ​ສ່ວນ​ຮ່ວມ​ໃນ​ການ​ພັດ­ທະ­ນາ ໃຫ້​ປະ­ສົບ​ຜົນ­ສຳ­ເລັດ.</p> <p style="text-align: justify;"> ດັ່ງ­ນັ້ນ ພັກ-ລັດ­ຖະ­ບານ ຈຳ­ເປັນ​ຕ້ອງ​ໄດ້​ມີ​ການ​ວາງ​ແນວ­ທາງ​ນະ­ໂຍ­ບາຍ​ທີ່​ຖືກ­ຕ້ອງ ແລະ ສອດ­ຄ່ອງ​ກັບ​ສະ­ພາບ​ການ​ຕົວ​ຈິງ​ຂອງ​ແຕ່​ລະ​ທ້ອງ­ຖິ່ນ ໃນ​ການ​ພັດ­ທະ­ນາ​ຊົນ­ນະ­ບົດ ເພື່ອ​ຮັບ­ປະ­ກັນ​ຜົນ­ສຳ­ເລັດ​ຂອງ​ແຜນ­ການ​ດັ່ງ­ກ່າວ ຈຳ­ເປັນ​ຕ້ອງ​ໝູນ​ໃຊ້​ຊັບ­ພະ­ຍາ­ກອນ​ຢ່າງ​ຖືກ­ຕ້ອງ​ຕາມ​ຈຸດ­ປະ­ສົງ​ລວມ ທັງ​ການ​ນຳ​ໃຊ້​ບັນ­ດາ​ບຸກ​ຄະ­ລາ​ກອນ ພະ­ນັກ­ງານ​ລົງ​ສູ່​ຮາກ​ຖານ ແລະ ນັກ​ພັດ­ທະ­ນາ​ຊົນ­ນະ­ບົດ ຕ້ອງ​ເປັນ​ບຸກ­ຄົນ​ຜູ້​ທີ່​ມີ​ຄວາມ​ຮູ້​ຄວາມ​ສາ­ມາດ ປະ­ສົບ​ການ​ສະ­ເພາະ​ດ້ານ​ສູງ ມີ​ຄວາມ​ມາ­ນະ​ອົດ­ທົນ ຄວາມ​ຕັ້ງ­ໃຈ​ສູງ ແລະ ປັບ​ຕົວ​ເຂົ້າ​ກັບ​ສະ­ພາບ​ແວດ​ລ້ອມ​ໄດ້​ດີ ໃນ​ການ​ພັດ­ທະ­ນາ​ແບບ​ມີ​ສ່ວນ​ຮ່ວມ ຈຶ່ງ​ສາ­ມາດ​ນຳ­ພາ​ໂຄງ­ການ​ພັດ­ທະ­ນາ​ໄປ​ສູ່​ຄວາມ​ສຳ­ເລັດ​ໄດ້.</p> <p style="text-align: justify;"> <strong>ໂດຍ: ຄຳ​ເສີດ ຫານ​ໄຊ</strong></p>

ຂ່າວທີ່ກ່ຽວຂ້ອງ