ຕິດຕາມຊົມຜົນງານ U15 ລາວເຕະບານຊາຍຊີງແຊັມອາຊຽນ

617 19 ກ.ລ. 2019 ວົງຈອນກີລາ
ຕິດຕາມຊົມຜົນງານ U15 ລາວເຕະບານຊາຍຊີງແຊັມອາຊຽນ

    ການ​ແຂ່ງ­ຂັນ​ບານ­ເຕະ​ຊາຍ​ຮຸ່ນ​ອາ­ຍຸ​ບໍ່​ເກີນ 15 ປີ (U15) ຊີງ​ແຊັມ​ອາ​ຊຽນ ຄັ້ງ​ທີ 16 ຈະ​ຈັດ​ຂຶ້ນ​ຢູ່​ແຂວງ​ຊົນ​ບູ​ຣີ ປະ­ເທດ​ໄທ ໃນ​ວັນ​ທີ 27 ກໍ­ລະ­ກົດ-9 ສິງ­ຫາ 2019 ທີມ​ຊາດ​ລາວ​ຊຸດ​ນີ້ ຄຸມ​ທີມ​ໂດຍ​ເຊ​ລວ­າ​ຣັດ ເວັງ​ດາ​ຊາ​ລາ ຊາວ​ສິງ­ກະ­ໂປ ໄດ້​ນຳ­ພາ​ນັກ­ກີ­ລາ​ເກັບ​ຕົວ​ເຝິກ­ຊ້ອມ​ຢ່າງ​ຂຸ້ນ­ຂ້ຽວ​ທີ່​ສະ ໜາມ​ກີ­ລາ​ແຫ່ງ​ຊາດ ຫຼັກ 16.

    ສຳ­ລັບ​ທີມ​ຊາດ​ລາວ​ຮຸ່ນ​ອາ­ຍຸ​ບໍ່​ເກີນ 15 ປິ ເລີ່ມ​ເຝິກ­ຊ້ອມ​ວັນ​ທີ 18 ມິ­ຖຸ­ນາ 2019 ປັດ­ຈຸ­ບັນ​ສາ­ມາດ​ຄັດ​ເລືອກ​ນັກ­ກີ­ລາ​ເຂົ້າ​ສູນ​ເກັບ​ຕົວ​ເຝິກ­ຊ້ອມ 33 ຄົນ ໂດຍ​ຈະ​ຕັດ​ລາຍ​ຊື່​ໃຫ້​ເຫຼືອ 23 ຄົນ​ສຸດ​ທ້າຍ​ກ່ອນ​ອອກ​ເດີນ­ທາງ ເຊິ່ງ​ການ​ແຂ່ງ­ຂັນ​ບານ­ເຕະ​ຊາຍ​ມີ 12 ປະ­ເທດ​ເຂົ້າ​ຮ່ວມ ແບ່ງ​ອອກ​ເປັນ 2 ກຸ່ມ​ຄື: ກຸ່ມ A ອິນ​ໂດ​ເນ​ເຊຍ ແຊັມ​ເກົ່າ ມຽນ​ມາ ອະ­ດີດ​ແຊັມ 2 ສະ­ໄໝ ຫວຽດ­ນາມ ອະ­ດີດ​ແຊັມ 3 ສະ­ໄໝ ຕີ​ມໍ​ເລ​ສ​ເຕ ສິງ­ກະ­ໂປ ແລະ ຟີ​ລິບ​ປິນ ສ່ວນ​ກຸ່ມ B ໄທ ເຈົ້າ­ພາບ ອະ­ດີດ​ແຊັມ 3 ສະ­ໄໝ ມາ​ເລ​ເຊຍ ລາວ ກຳ­ປູ­ເຈຍ ບຣູ​ໄນ ແລະ ອົດ​ສະ​ຕຣາ​ລີ.

    ສ່ວນ​ຕາ­ຕະ­ລາງ​ການ​ແຂ່ງ­ຂັນ​ຂອງ​ທີມ​ຊາດ​ລາວ U15 ວັນ​ທີ 28 ກໍ­ລະ­ກົດ ເວ­ລາ 18:00 ໂມງ ພົບ​ໄທ  ວັນ​ທີ 30 ກໍ­ລະ­ກົດ ເວ­ລາ 15:00 ໂມງ ພົບ​ອົດ​ສະ​ຕຣາ​ລີ ວັນ​ທີ 1 ສິງ­ຫາ ເວ­ລາ 15:30 ໂມງ ພົບ​ບຣູ​ໄນ ວັນ​ທີ 3 ສິງ­ຫາ ເວ­ລາ 15:30 ໂມງ ພົບ​ມາ​ເລ​ເຊຍ ແລະ ວັນ​ທີ 5 ສິງ­ຫາ ເວ­ລາ 15:00 ໂມງ ພົບ​ກຳ­ປູ­ເຈຍ.

ຂ່າວທີ່ກ່ຽວຂ້ອງ