ຂ່າວຫຼ້າສຸດ

ບັນດາ​ສະມາຊິກ​ໃນ​ຄະນະ​ລັດຖະບານ​ໃໝ່​ຂອງ​ໄທ ສາບານ​ຕົນ​ຮັບ​ຕຳແໜ່ງ

141 19 ກ.ລ. 2019 ຂ່າວຕ່າງປະເທດ
ບັນດາ​ສະມາຊິກ​ໃນ​ຄະນະ​ລັດຖະບານ​ໃໝ່​ຂອງ​ໄທ ສາບານ​ຕົນ​ຮັບ​ຕຳແໜ່ງ

    ບັນດາ​ສະມາຊິກ ໃນ​ຄະນະ​ລັດຖະບານ​ຊຸດ​ໃໝ່​ຂອງ​ໄທ ພາຍ​ໃຕ້​ການ​ນຳພາ​ຂອງ​ນາຍົກ​ລັດ ຖະ​ມົນຕີ ປຣະ​ຍຸດ ຈັນ​ໂອຊາ ໄດ້​ສາບານ​ຕົນ​ຮັບ​ຕຳແໜ່ງ​ຕໍ່ ເຈົ້າ​ຊີວິດ​ໄທ ແລ້ວ ເມື່ອ​ວັນ​ທີ 16 ກໍລະກົດ​ນີ້ ເປັນ​ການ​ສຳເລັດ​ຂະ​ບວນ​ການ​ສ້າງຕັ້ງ​ລັດຖະບານ ຫຼັງ​ຈາກ​ທີ່​ໄດ້​ຈັດການ​ເລືອກ​ຕັ້ງ​ທົ່ວ​ໄປ ເມື່ອ​ວັນ​ທີ 24 ມີນາ​ທີ່​ຜ່ານ​ມາ.

    ຄະນະ​ລັດຖະບານ​ໃໝ່​ຂອງ​ໄທ ປະກອບ​ມີ 39 ທີ່​ນັ່ງ ແລະ ມີ​ສະມາຊິກ​ລວມ 36 ທ່ານ. ໃນ​ນັ້ນ​ມີ 3 ຕຳແໜ່ງ​ທີ່​ຄວບ​ໜ້າທີ່ ນັ້ນ​ກໍ​ຄື​ນາຍົກລັດຖະມົນຕີ ປຣະ​ຍຸດ ຈັນ​ໂອຊາ ຄວບ​ຕຳແໜ່ງ ລັດຖະມົນຕີ​ປ້ອງ​ກັນ​ປະເທດ; ຮອງ​ນາຍົກລັດຖະມົນຕີ ຈຸ​ຣິນ ລັກສະນະ​ວິສິດ (ຈາກ​ພັກ​ປະຊາ​ທິ​ປັດ) ຄວບ​ຕຳແໜ່ງ​ລັດຖະມົນຕີ​ການ​ຄ້າ; ແລະ ຮອງ​ນາຍົກລັດຖະມົນຕີ ອະນຸ​ຕິນ ຈັນ​ເວ​ຣະ​ກຸນ (ຈາກ​ພັກ​ພູມໃຈ​ໄທ) ຄວບ​ຕຳແໜ່ງ​ລັດຖະມົນຕີ​ສາທາລະນະ​ສຸກ.

    ບັນດາ​ລັດຖະມົນຕີ​ໃນ​ຄະນະ​ລັດຖະບານ​ໃໝ່​ຂອງ​ໄທ ຈະ​ເລີ່ມ​ການ​ເຮັດ​ວຽກ​ຢ່າງ​ເປັນ​ທາງ​ການ ນັບ​ແຕ່​ວັນ​ທີ 18 ກໍລະກົດ​ນີ້​ເປັນຕົ້ນ​ໄປ.

ຂ່າວທີ່ກ່ຽວຂ້ອງ