ອາຊີ ອາດ​ຈະ​ກວມ​ເອົາ 50% GDP ຂອງ​ໂລກ ພາຍ​ໃນ​ປີ 2040

164 17 ກ.ລ. 2019 ຂ່າວຕ່າງປະເທດ
ອາຊີ ອາດ​ຈະ​ກວມ​ເອົາ 50% GDP ຂອງ​ໂລກ ພາຍ​ໃນ​ປີ 2040

   ການ​ຄົ້ນຄວ້າ​ກ່ຽວ​ກັບ​ອະນາຄົດ​ຂອງ​ອາຊີ ຊຶ່ງ Mckinsey Global Institute (MGI) ນຳ​ຜົນ​ອອກ​ມາ​ເປີດເຜີຍ​ເມື່ອ​ວັນ​ທີ 15 ກໍລະກົດ​ນີ້ ໃຫ້​ຮູ້​ວ່າ  ອາຊີ​ພວມ​ມຸ່ງ​ໄປ​ສູ່​​່​ການ​ປະກອບສ່ວນ  50% GDP ຂອງ​ໂລກ ແລະ  40% ຂອງ​ການ​ບໍລິໂພກ​ຂອງ​ໂລກ ໃນ​ປີ 2040.

    ນອກຈາກ​ນັ້ນແລ້ວ ໃນ​ເມື່ອ​ການ​ບໍລິໂພກ​ເພີ່ມ​ຂຶ້ນ ກໍ​ຈະ​ເຮັດ​ໃຫ້​ປະລິມານ​ຂອງ​ຜະລິດ​ຕະ​ພັນ​ທີ່​ຜະລິດ​ຢູ່​ໃນ​ອາຊີ ໄດ້​ຮັບ​ການ​ບໍລິໂພກ​ຢູ່​ໃນ​ຕະຫຼາດ​ພາຍ​ໃນ​ເພີ່ມ​ຂຶ້ນ ແທນ​ທີ່​ການ​ສົ່ງ​ອອກ​ໄປ​ນອກ​ທະວີບ​ນີ້. ປັດຈຸບັນ​ນີ້ 52% ຂອງ​ການ​ຄ້າ​ໃນ​ອາຊີ ເປັນ​ການ​ຄ້າ​ຢູ່​ພາຍ​ໃນ​ທະວີບ​ນີ້.

    ການ​ຄົ້ນຄວ້າ​ດັ່ງກ່າວ ໂດຍ​ແມ່ນ McKinsey & Company ຮ່ວມ​ມື​ກັບ MGI ໃນ​ການ​ປະຕິບັດ ໂດຍ​ໄດ້​ຄົ້ນຄວ້າ​ກ່ຽວ​ກັບ​ເລື່ອງ​ທີ່​ອາຊີ ບືນ​ຂຶ້ນ​ຢ່າງ​ໄວວາ​ຄື​ແນວໃດ ລວມ​ເຖິງ​ການ​ທີ່​ວ່າ​ຈຳນຳ​ໜ້າ​ໃນ​ໂລກ​ຄື​ແນວໃດ.

    ການ​ຄົ້ນຄວ້າ​ຂອງ MGI ເປັນ​ການ​ສຳ​ຫຼວດ​ຕໍ່​ພື້ນຖານ​ເສດຖະກິດ​ພວມ​ພັດທະນາ 71 ແຫ່ງ ແລະ ຄັດ​ເລືອກ​ເອົາ 18 ແຫ່ງ​ຈາກ​ຈຳນວນ​ດັ່ງກ່າວ ທີ່​ມີ​ລະດັບ​ຄວາມ​ເຕີບ​ໂຕ ຍອດ​ຜະລິດ​ຕະ​ພັນ​ພາຍ​ໃນ​ປະເທດ (GDP) ແຂງແຮງ ແລະ ຍືນ​ຍົງ. ທັງ 7 ພື້ນຖານ​ເສດຖະກິດ ທີ່​ມີ​ຜົນງານ​ດີ​ໃນ​ໄລຍະ​ຍາວ ແລະ  5 ໃນ​ຈຳນວນ 11 ພື້ນຖານ​ເສດຖະກິດ ທີ່​ມີ​ຜົນງານ​ດີ ໃນ​ໄລຍະ​ຫຼັງໆ​ມາ​ນີ້ ຕ່າງ​ກໍ​ເປັນ​ຂອງ​ທະວີບອາຊີ.

ຂ່າວທີ່ກ່ຽວຂ້ອງ