ເດັກນ້ອຍ​ຫຼາຍ​ສິບ​ລ້ານ​ຄົນ​ບໍ່​ໄດ້​ສັກ​ຢາ​ປ້ອງ​ກັນ​ພະຍາດ​ພຽງພໍ​ໃນ​ປີ 2018

164 17 ກ.ລ. 2019 ຂ່າວຕ່າງປະເທດ
ເດັກນ້ອຍ​ຫຼາຍ​ສິບ​ລ້ານ​ຄົນ​ບໍ່​ໄດ້​ສັກ​ຢາ​ປ້ອງ​ກັນ​ພະຍາດ​ພຽງພໍ​ໃນ​ປີ 2018

    ໃນ​ບົດ​ລາຍ​ງານ​ປະຈຳ​ປີ ທີ່​ນຳ​ອອກ​ມາ​ປະກາດ​ເມື່ອ​ວັນ​ທີ 15 ກໍລະກົດ​ນີ້ ກອງ​ທຶນ​ສຳລັບ​ເດັກນ້ອຍ​ຂອງ​ສະຫະ​ປະຊາ​ຊາດ (UNICEF) ແຈ້ງ​ໃຫ້​ຮູ້​ວ່າ ໃນ​ປີ 2018  ມີ​ເດັກນ້ອຍ 19,4 ລ້ານ​ຄົນ ບໍ່​ໄດ້​ຮັບ​ການ​ສັກ​ຢາ​ປ້ອງ​ກັນ​ພະຍາດ​ຢ່າງ​ພຽງພໍ ນັບ​ວ່າ​ເປັນ​ຕົວ​ເລກ​ເພີ່ມ​ຂຶ້ນ​ເມື່ອ​ທຽບໃສ່ ເດັກນ້ອຍ​ໃນ​ເປົ້າ​ໝາຍ​ດັ່ງກ່າວ 18,7 ລ້ານ​ຄົນ ໃນ​ປີ 2017 ແລະ  18,5 ລ້ານ​ຄົນ ໃນ​ປີ 2016.

     ສະຖິຕິ​ຂອງ​ສະຫະ​ປະຊາ​ຊາດ (​ສປຊ) ໃຫ້​ຮູ້​ວ່າ ການ​ເພີ່ມ​ຂຶ້ນ​ຂອງ​ກໍລະນີ​ຜູ້​ຕິດ​ພະຍາດໝາກແດງ ຍິ່ງ​ເປັນ​ການສະແດງ​ໃຫ້​ເຫັນ​ເຖິງ “ປ່ອງ​ຮົ່ວ​ທີ່​ອັນຕະລາຍ” ໃນ​ຄວາມ​ພະຍາຍາມ​ເພື່ອ​ປ້ອງ​ກັນ​ເດັກນ້ອຍ ຈາກ​ບັນດາ​ພະຍາດ​ທີ່​ສາມາດ​ປ້ອງ​ກັນ​ໄດ້.

    ທີ່​ພົ້ນ​ເດັ່ນ​ກໍ​ຄື​ອັດຕາ​ສ່ວນ​ການ​ປົກ​ຄຸມ​ທົ່ວ​ໂລກ ຂອງ​ການ​ສົມທົບ​ວັກ​ແຊງ​ຕ້ານ​ກັບ​ພະຍາດ​ຕ່າງໆ ເຊັ່ນ ເມັດ​ເລືອດ​ຂາວ ບາດ​ທະ​ຍັກ ໄອ​ໄກ່ ແລະ ໝາກ​ແດງ ບັນລຸ​ພຽງ​ທີ່ 86% ນັບ​ແຕ່​ປີ 2010 ເປັນຕົ້ນ​ມາ ຊຶ່ງ​ອັດຕາ​ສ່ວນ​ດັ່ງກ່າວ ເປັນ​ການສະແດງ​ໃຫ້​ເຫັນ​ວ່າ ຈຳນວນ​ເດັກນ້ອຍ​ທີ່​ໄດ້​ຮັບ​ການ​ສັກ​ຢາ​ກັນ​ພະຍາດ​ນັ້ນ ຍັງ​ບໍ່​ພຽງພໍ.

ທ່ານ ເຮນ​ຣຽດ​ຕາ ຟໍ ຜູ້ອຳນວຍການ UNICEF ກ່າວ​ຢູ່​ໃນ​ຖະແຫຼງການ​ສະບັບ​ໜຶ່ງ​ວ່າ ສະເພາະ​ແຕ່​ໃນ​ປີ 2018 ເທົ່າ​ນັ້ນ ກໍ​ມີ​ຜູ້​ຕິດ​ພະຍາດໝາກແດງ​ປະມານ 350.000 ລາຍ ທີ່​ໄດ້​ຮັບ​ການ​ບັນທຶກ​ສະຖິຕິ​ໃນ​ທົ່ວ​ໂລກ ຊຶ່ງ​ເປັນ​ຕົວ​ເລກ​ທີ່​ສູງ​ກວ່າ​ທົບ​ເທົ່າ​ຕົວ ທຽບ​ໃສ່​​່​ປີ 2017.

     ເມື່ອ​ເດືອນ​ເມສາ​ທີ່​ຜ່ານ​ມາ ອົງການ​ອະນາໄມ​ໂລກ (WHO) ກໍ​ໄດ້​ປະກາດ​ບົດ​ລາຍ​ງານ ໃຫ້​ຮູ້​ວ່າ ປີ 2019 ຈະ​ເປັນ​ປີ​ທີ່​ຂີ້ຮ້າຍ​ກວ່າ​ເກົ່າ ໂດຍ​ທີ່​ມີ​ສະຖິຕິ​ຊີ້​ໃຫ້​ເຫັນ​ວ່າ ບັນດາ​ຜູ້​ຕິດ​ພະຍາດໝາກແດງ ທີ່​ໄດ້​ຮັບ​ການ​ລາຍ​ງານ​ໃນ​ໄຕ​ມາດ 1/2019 ສູງ​ທົບ 300 ເທື່ອ ເມື່ອ​ທຽບໃສ່​ໄຕ​ມາດ​ດຽວ​ກັນ​ຂອງ​ປີ 2018.

ຂ່າວທີ່ກ່ຽວຂ້ອງ