ຂ່າວຫຼ້າສຸດ

ສີ​ລັງກາ ໄດ້​ຮັບ​ຄວາມ​ຊ່ວຍເຫຼືອ​ຈາກ EU

152 17 ກ.ລ. 2019 ຂ່າວຕ່າງປະເທດ
ສີ​ລັງກາ ໄດ້​ຮັບ​ຄວາມ​ຊ່ວຍເຫຼືອ​ຈາກ EU

    ສະຫະພາບ​ເອີ​ຣົບ (EU) ໄດ້​ເຫັນ​ດີ​ສະໜອງ​ບ້ວງ​ເງິນ​ຊ່ວຍເຫຼືອ​ມູນ​ຄ່າ 8,5 ລ້ານ​ເອີ​ໂຣ (ເທົ່າ​ກັບ (9,6 ລ້ານ​ໂດ​ລາ​ສະຫະລັດ) ເພື່ອ​ຊ່ວຍເຫຼືອ​ສີ​ລັງກາ ໃນ​ການ​ຕ້ານ​ກັບ​ການ​ກໍ່​ການ​ຮ້າຍ ຫຼັງ​ຈາກ​ທີ່​ເກີດ​ເຫດການ​ວາງ​ລະເບີດ​ຫຼາຍ​ລາຍ ຢູ່​ໃນ​ສີ​ລັງກາ​ເມື່ອ​ບໍ່​ດົນ​ມາ​ນີ້ ທີ່​ໄດ້​ສົ່ງ​ຜົນ​ໃຫ້​ມີ​ຜູ້​ເສຍ​ຊີວິດ250 ກວ່າ​ຄົນ.

    ໃນ​ຖະແຫຼງການ​ທີ່​ມີ​ອອກ​ມາ​ເມື່ອ​ວັນ​ທີ 15 ກໍລະກົດ​ນີ້ EU ຊີ້​ແຈງ​ວ່າ ບ້ວງ​ເງິນ​ຊ່ວຍເຫຼືອ​ດັ່ງກ່າວ ຈະ​ໄດ້​ສົ່ງ​ໄປ​ໃຫ້​ສີ​ລັງກາ ໂດຍ​ຜ່ານ​ໂຄງການ​ພັດທະນາ​ຂອງ​ສະຫະ​ປະຊາ​ຊາດ ແລະ ຫ້ອງການ​ຂອງ​ສະຫະ​ປະຊາ​ຊາດ ກ່ຽວ​ກັບ​ການ​ຕ້ານ​ຢາ​ເສບ​ຕິດ ແລະ ອາ​ສະ​ຍາ​ກຳ.

    EU ກໍ​ໃຫ້​ຮູ້​ວ່າ ໃນ​ວັນ​ດຽວ​ກັນ ບັນດາ​ເຈົ້າ​ໜ້າທີ່​ຂອງ EU ໄດ້​ດຳເນີນ​ການ​ປຶກສາ​ຫາລື​ກັບ​ເຈົ້າ​ໜ້າທີ່​ສີ​ລັງກາ ກ່ຽວ​ກັບ​ເຫດການ​ໂຈມ​ຕີ​ສະລະ​ຊີບ ພ້ອມ​ທັງ​ເວົ້າ​ເຖິງ​ຄວາມ​ທ້າ​ທາຍ​ລວມ ທີ່​ພົວພັນ​ເຖິງ​ບັນຫາ​ການ​ກໍ່​ການ​ຮ້າຍ ແລະ ການ​ກະທຳ​ຮຸນ​ແຮງ.

ຂ່າວທີ່ກ່ຽວຂ້ອງ