ຣັດ​ເຊຍ ສະກັດ​ກັ້ນ​ການເຄື່ອນໄຫວ​ກໍ່​ການ​ຮ້າຍ​ຂອງ IS

145 17 ກ.ລ. 2019 ຂ່າວຕ່າງປະເທດ
ຣັດ​ເຊຍ ສະກັດ​ກັ້ນ​ການເຄື່ອນໄຫວ​ກໍ່​ການ​ຮ້າຍ​ຂອງ IS

    ຂ່າວສານ​ຊິນ​ຮວາ ລາຍ​ງານ​ວ່າ ອົງການ​ຄວາມ​ໝັ້ນຄົງ ແຫ່ງ​ສະຫະພັນ​ຣັດ​ເຊຍ (FSB) ແຈ້ງ​ໃຫ້​ຮູ້ເມື່ອ​ວັນ​ທີ 15 ກໍລະກົດ​ນີ້​ວ່າ ໄດ້​ສະກັດ​ກັ້ນ​ຢ່າງ​ສຳເລັດ​ຜົນ ຕໍ່​ການເຄື່ອນໄຫວ​ຂອງ​ກຸ່ມ​ໜຶ່ງ​ທີ່​ຂຶ້ນ​ກັບ​ອົງການ​ກໍ່​ການ​ຮ້າຍ ລັດ​ອິດ​ສະ​ລາມ (IS) ຢູ່​ໃນ​ເຂດ ​ຣົສ​ຕອບ (ທິດໃຕ້​ຂອງ​ຣັດ​ເຊຍ).

    ຖະແຫຼງການ​ຂອງ FSB ໃຫ້​ຮູ້​ວ່າ ກຸ່ມ​ກໍ່​ການ​ຮ້າຍ​ດັ່ງກ່າວ ປະກອບ​ມີ​ພົນລະເມືອງ​ຊາວ​ຣັດ​ເຊຍ 3 ຄົນ ທີ່​ພວມ​ກະກຽມ​ການ​ປະຕິບັດ​ການ​ໂຈມ​ຕີ ໂດຍ​ແນໃສ່​ບັນດາ​ນາຍ​ຕຳຫຼວດ ແລະ ດຳເນີນ​ການ​ກໍ່​ການ​ຮ້າຍ​ຢູ່​ໃນ​ສະຖານທີ່​ຕ່າງໆ ຊຶ່ງ​ມີ​ຜູ້​ຄົນ​ເຕົ້າໂຮມ​ກັນ​ເປັນ​ຈຳນວນ​ຫຼາຍ.

     ຂ່າວ​ແຈ້ງວ່າ ຜູ້​ເປັນ​ຫົວໜ້າ​ຂອງ​ກຸ່ມ​ດັ່ງກ່າວ ໄດ້​ຖືກ​ກຳຈັດ ໃນ​ເວລາ​ທີ່​ຕ້ານ​ຢັນ​ດ້ວຍ​ອາວຸດ​ກັບ​ເຈົ້າ​ໜ້າທີ່ ແລະ ອີກ 2 ຄົນ ໄດ້​ຖືກ​ຈັບ​ກຸມ.

ຂ່າວທີ່ກ່ຽວຂ້ອງ