ຝຣັ່ງ ​ຈະ​ສ້າງຕັ້ງ​ກອງ​ບັນຊາ​ການ​ກອງ​ກຳລັງ​ອາ​ວະ​ກາດ

294 16 ກ.ລ. 2019 ຂ່າວຕ່າງປະເທດ
ຝຣັ່ງ ​ຈະ​ສ້າງຕັ້ງ​ກອງ​ບັນຊາ​ການ​ກອງ​ກຳລັງ​ອາ​ວະ​ກາດ

    ທ່ານ ເອມ​ມາ​ນູ​ແອນ ມາກ​ຣົງ ປະທານາທິບໍດີ​ຝຣັ່ງ ປະກາດ​ຢູ່​ນະຄອນຫຼວງ​ປາ​ຣີ ໃນ​ວັນ​ທີ 13 ກໍລະກົດ​ນີ້​ວ່າ ຝຣັ່ງ​ຈະ​ສ້າງຕັ້ງ​ກອງ​ບັນຊາ​ການ​ກອງ​ກຳລັງ​ອາ​ວະ​ກາດ ໃນ​ເດືອນ​ກັນຍາ​ປີ​ນີ້ ເພື່ອ​ເລັ່ງ​ລັດ​ການ​ພັດທະນາ​ການ​ທະ​ການ​ທາງ​ອາ​ວະ​ກາດ​ຂອງ​ຝຣັ່ງ ແລະ ​ຮັບ​ມື​ກັບ​ການ​ປະ​ທະ​ກັນ​ທີ່​ອາດ​ຈະ​ເກີດ​ຂຶ້ນ​ໃນ​ອາ​ວະ​ກາດ​ໃນ​ອະນາຄົດ.

     ປະທານາທິບໍດີ ມາກ​ຣົງ ໄດ້​ກ່າວ​ຄຳ​ປາ​ໃນ​ໂອກາດ​ສະເຫຼີມສະຫຼອງ​ວັນຊາດ 14 ກໍລະກົດ ຢູ່​ກະຊວງ​ປ້ອງ​ກັນ​ປະເທດ​ຝຣັ່ງ ໃນ​ວັນ​ດັ່ງກ່າວ ໂດຍ​ຊີ້​ອອກ​ວ່າ ໃນ​ເດືອນ​ກັນຍາ​ປີ​ນີ້ ຈະ​ສ້າງຕັ້ງ​ກອງ​ບັນຊາ​ການ​ກອງ​ກຳລັງ​ອາ​ວະ​ກາດ ທີ່​ຂຶ້ນ​ກັບ​ໃນ​ກອງທັບ​ອາກາດ​ຝຣັ່ງ ແລະ ​ໃນ​ທີ່​ສຸດ ກອງທັບ​ອາກາດ​ຈະ​ຫັນປ່ຽນ​ເປັນ “ກອງທັບ​ທາງ​ອາກາດ ແລະ  ອາ​ວະ​ກາດ”.

    ທ່ານ​ມາກ​ຣົງ ຍັງ​ກ່າວ​ຕື່ມ​ວ່າ ທ່ານ​ໄດ້​ສະເໜີ​ໃນ​ປີ 2018 ວ່າ ຝຣັ່ງ​ຈະ​ມີ​ຍຸດ​ທະ​ສາດ​ປ້ອງ​ກັນ​ທາງ​ອາ​ວະ​ກາດ ຊຶ່ງ​ປັດຈຸບັນ ຝຣັ່ງ​ໄດ້​ກຽມພ້ອມ​ແລ້ວ ໂດຍ​ຈະ​ເພີ່ມ​ທະວີ​ຄວາມ​ຮັບ​ຮູ້​ຕໍ່​ສະຖານະ​ການ​ຄວາມ​ໝັ້ງ​ຄົງ​ທາງ​ອະວະກາດ ເພື່ອ​ປ້ອງ​ກັນ​ດາວ​ທຽມ​ຂອງ​ປະເທດ​ຕົນ ຂະນະ​ດຽວ​ກັນ ຝຣັ່ງ​ກໍ​ຈະ​ເພີ່ມ​ການ​ລົງທຶນ​ໃນ​ຂົງເຂດ​ອາ​ວະ​ກາດ.

ຂ່າວທີ່ກ່ຽວຂ້ອງ