ເກີດ​ອຸບັດເຫດ​ການ​ຄົມມະນາຄົມ ຢູ່​ໃນ​ຊູ​ແອດ ແລະ ອິນ​ໂດ​ເນ​ເຊຍ

110 16 ກ.ລ. 2019 ຂ່າວຕ່າງປະເທດ
ເກີດ​ອຸບັດເຫດ​ການ​ຄົມມະນາຄົມ ຢູ່​ໃນ​ຊູ​ແອດ ແລະ  ອິນ​ໂດ​ເນ​ເຊຍ

     ໂທລະພາບ SVT ຂອງ​ຊູ​ແອດ ລາຍ​ງານ​ວ່າ ເຮືອບິນ​ຂະໜາດ​ນ້ອຍ​ລຳ​ໜຶ່ງ ໄດ້​ປະສົບ​ເຫດ​ຕົກ​ເມື່ອ​ວັນ​ທີ 14 ກໍລະກົດ​ນີ້ ຢູ່​ໃນ​ເຂດ​ນອກ​ຂອງ​ນະຄອນ ອູ​ເມ (ພາກ​ເໜືອ​ຊູ​ແອດ) ເຮັດ​ໃຫ້​ຜູ້​ຢູ່​ໃນ​ເຮືອບິນ​ນັ້ນ 9 ຄົນ ເສຍ​ຊີວິດ​ທັງ​ໝົດ.

     ສຳນັກ​ຂ່າວສານ​ແຫ່ງ​ຊາດ TT ຂອງ​ຊູ​ແອດ ອ້າງ​ຕາມ​ຄຳ​ເວົ້າ​ຂອງ​ເຈົ້າ​ໜ້າທີ່​ກູ້​ໄພ​ໃນ​ທ້ອງຖິ່ນ ໃຫ້​ຮູ້​ວ່າ ເຮືອບິນ​ທີ່​ປະສົບ​ເຫດ​ຕົກ​ດັ່ງກ່າວ ໄດ້​ຮັບ​ການ​ອອກ​ແບບ ສຳລັບ​ການເຄື່ອນໄຫວ​ໂດດ​ຈ້ອງ.

      ໃນ​ຂະນະ​ດຽວ​ກັນ ວັນ​ທີ 14 ກໍລະກົດ​ນີ້ ກອງ​ກຳລັງ​ກູ້​ໄພ​ຂອງ​ອິນ​ໂດ​ເນ​ເຊຍ ໄດ້​ນຳ​ເອົາ​ຮ່າງ​ຜູ້​ເສຍ​ຊີວິດ​ຂຶ້ນ​ມາ​ໄດ້ 2 ສົບ ແລະ ​ສືບຕໍ່​ຊອກ​ຫາ​ຜູ້​ຫາຍ​ສາບ​ສູນ​ອີກ 11 ຄົນ ຫຼັງ​ຈາກ​ທີ່​ກຳປັ່ນ​ລຳ​ໜຶ່ງ ຊຶ່ງ​ບັນທຸກ​ຜູ້ໂດຍສານ 15 ຄົນ ໄດ້​ເກີດ​ພິກ​ຂວ້ຳ ຢູ່​ໃນ​ພື້ນ​ທີ່​ແຂວງ ປົວ​ປົວ​ຕາເວັນຕົກ (ພາກ​ຕາເວັນ​ອອກ​ຂອງ​ອິນ​ໂດ​ເນ​ເຊຍ).

ຂ່າວທີ່ກ່ຽວຂ້ອງ