ອິນ​ເດຍ​ຍົກເລີກ​ການ​ຍິງ​ສົ່ງ​ຍານ​ສຳ​ຫຼວດ​ດວງ​ຈັນ

115 16 ກ.ລ. 2019 ຂ່າວຕ່າງປະເທດ
ອິນ​ເດຍ​ຍົກເລີກ​ການ​ຍິງ​ສົ່ງ​ຍານ​ສຳ​ຫຼວດ​ດວງ​ຈັນ

   ໃນ​ເວລາ​ຮຸ່ງ​ເຊົ້າ​ຂອງ​ວັນ​ທີ 15 ກໍລະກົດ​ນີ້ ອິນ​ເດຍ​ໄດ້​ປະກາດ​ອອກ​ມາ​ຢ່າງ​ບໍ່​ຄາດ​ຝັນ ກ່ຽວ​ກັບ​ການ​ຍົກເລີກ​ການ​ຍິງ​ສົ່ງ​ຍານ​ສຳ​ຫຼວດ​ດວງ​ຈັນ ຊຶ່ງ​ມີ​ຂຶ້ນ​ບໍ່​ເຖິງ 1 ຊົ່ວໂມງ ກ່ອນ​ກຳນົດ​ເວລາ​ທີ່​ຄາດ​ເອົາ​ໄວ້ ໂດຍ​ມີ​ເຫດຜົນ​ວ່າ​ຍ້ອນ​ເຫດ​ຂັດຂ້ອງ​ທາງ​ດ້ານ​ເຕັກນິກ.

     ສູນ​ອະ​ວະ​ກາດ Satish Dhawan ແຈ້ງ​ຜ່ານ​ສື່​ສັງຄົມ Twitter ວ່າ​ໄດ້​ກວດ​ພົບ​ເຫດ​ຂັດຂ້ອງ​ທາງ​ດ້ານ​ເຕັກນິກ ຢູ່​ໃນ​ລະບົບ​ຍິງ​ສົ່ງ ແລະ ​ເພື່ອ​ເປັນ​ການ​ປ້ອງ​ກັນ ຈຶ່ງ​ໄດ້​ງົດ​ການ​ຍິງ​ສົ່ງ​ນັ້ນ​ໄປ. ເຖິງ​ຢ່າງໃດ​ກໍ​ຕາມ ໃນ​ແຈ້ງ​ການ​ນັ້ນ​ບໍ່​ໄດ້​ໃຫ້​ຮູ້​ເຖິງ​ລາຍ​ລະອຽດ​ຂອງ​ບັນຫາ​ຂັດຂ້ອງ​ທີ່​ເກີດ​ຂຶ້ນ ແລະ ​ກໍ​ບໍ່​ໄດ້​ແຈ້ງ​ເຖິງ​ການ​ຍິງ​ສົ່ງ​ເທື່ອ​ໃໝ່.

    ກ່ອນ​ໜ້າ​ນີ້ ອິນ​ເດຍ​ຕັ້ງ​ຄວາມ​ຫວັງ​ໄວ້​ວ່າ ການ​ຍິງ​ສົ່ງ​ຍານ​ອະ​ວະ​ກາດ Chandrayaan-2 ຈະ​ຊ່ວຍ​ໃຫ້​ອິນ​ເດຍ​ກາຍເປັນ​ປະເທດ​ທີ​ສີ່​ໃນ​ໂລກ ຖັດ​ຈາກ​ຣັດ​ເຊຍ ສ ອາ​ເມ​ຣິ​ກາ ແລະ ​ຈີນ ທີ່​ມີ​ຍານ​ລົງ​ໄປ​ຢຽບ​ຜີວ​ດວງ​ຈັນ.

ຂ່າວທີ່ກ່ຽວຂ້ອງ