ຂ່າວຫຼ້າສຸດ

American Airlines ຕໍ່​ກຳນົດ​ການ​ຫ້າມ​ບິນ ກັບ​ເຮືອບິນ Boeing 737 MAX

165 16 ກ.ລ. 2019 ຂ່າວຕ່າງປະເທດ
American Airlines  ຕໍ່​ກຳນົດ​ການ​ຫ້າມ​ບິນ ກັບ​ເຮືອບິນ Boeing 737 MAX

   ຂ່າວສານ​ຣອຍ​ເຕີ ລາຍ​ງານ​ວ່າ ວັນ​ທີ 14 ກໍລະກົດ​ນີ້ ບໍລິສັດ​ການບິນ ອາ​ເມ​ຣິ​ກັນ ແອ​ລາຍ (American Airlines) ໄດ້​ປະກາດ​ຕໍ່​ກຳນົດ​ເປັນ​ເທື່ອ​ທີ 4 ຕໍ່​ຄຳ​ສັ່ງ​ງົດ​ການບິນ​ປະມານ 115 ຖ້ຽວ​ໃນ​ແຕ່​ລະ​ວັນ ໄປ​ຮອດ​ຕົ້ນ​ເດືອນ​ພະຈິກ ສຳລັບ​ບັນດາ​ເຮືອບິນ Boeing 737 MAX.

    ຫຼ້າ​ສຸດ ເມື່ອ​ວັນ​ທີ 26 ມິຖຸນາ​ທີ່​ຜ່ານ​ມາ ອົງການ​ການບິນ​ພົນ​ລະ​ເຮືອນ​ຂອງ ສ ອາ​ເມ​ຣິ​ກາ (FAA) ແຈ້ງ​ໃຫ້​ຮູ້​ວ່າ ໄດ້​ກວດ​ພົບ​ຄວາມ​ສ່ຽງ ໃນ​ລະຫວ່າງ​ການ​ທົດ​ລອງ​ບິນ​ຂອງ​ເຮືອບິນ​ປະເພດ​ດັ່ງກ່າວ ທີ່​ຕັ້ງ​ຂຶ້ນ​ເປັນ​ການ​ສົມ​ໝຸດ ເມື່ອ​ອາທິດ​ກ່ອນ​ໜ້າ​ນັ້ນ.

    ເມື່ອ​ບໍ່​ດົນ​ມາ​ນີ້ American Airlines ຊຶ່ງ​ເປັນ​ບໍລິສັດ​ການບິນ​ທີ່​ມີ​ຂະໜາດ​ໃຫຍ່​ສຸດ​ໃນ​ໂລກ ແລະ ​ກໍ​ແມ່ນ​ບໍລິສັດ​ທີ່​ນຳ​ໃຊ້ ເຮືອບິນ Boeing 737 MAX ຫຼາຍ​ເປັນ​ອັນ​ດັບ​ສອງ​ຢູ່​ໃນ ສ ອາ​ເມ​ຣິ​ກາ ນັ້ນ​ໄດ້​ວາງ​ແຜນ​ງົດ​ການເຄື່ອນໄຫວ​ຂອງ​ເຮືອບິນ​ປະເພດ​ດັ່ງກ່າວ ໄປ​ຮອດ​ວັນ​ທີ 3 ກັນຍາ​ໜ້າ​ນີ້. ບໍລິສັດ​ການບິນ​ດັ່ງກ່າວ ໃຫ້​ຮູ້​ວ່າ ການ​ຫ້າມ​ເຮືອບິນ Boeing 737 MAX ເຄື່ອນ​ໄຫວ ໄດ້​ເຮັດ​ໃຫ້​ຜົນ​ກຳໄລ​ໃນ​ໄຕ​ມາດ​ທີ​ສອງ​ຂອງ​ປີ​ນີ້ ຫຼຸດ​ລົງ 185 ລ້ານ​ໂດ​ລາ​ສະຫະລັດ.

ຂ່າວທີ່ກ່ຽວຂ້ອງ