ສະພາ​ຕ່ຳ ສ ອາ​ເມ​ຣິ​ກາ ຮັບຮອງ​ຮ່າງ​ກົດໝາຍ​ວ່າ​ດ້ວຍ​ການ​ໃຊ້​ຈ່າຍ​ປ້ອງ​ກັນ​ຊາດ​ປີ 2020

147 16 ກ.ລ. 2019 ຂ່າວຕ່າງປະເທດ
ສະພາ​ຕ່ຳ ສ ອາ​ເມ​ຣິ​ກາ ຮັບຮອງ​ຮ່າງ​ກົດໝາຍ​ວ່າ​ດ້ວຍ​ການ​ໃຊ້​ຈ່າຍ​ປ້ອງ​ກັນ​ຊາດ​ປີ 2020

    ເມື່ອ​ວັນ​ສຸກ​ທີ່​ຜ່ານ​ມາ ສະພາ​ຕ່ຳ ສ ອາ​ເມ​ຣິ​ກາ ທີ່​ຄວບ​ຄຸມ​ໂດຍ​ຝ່າຍ​ເດ​ໂມ​ແກຣດ ນັ້ນ​ໄດ້​ຮັບຮອງ​ດ້ວຍ​ສຽງ​ສ່ວນ​ຫຼາຍ ຕໍ່​ຮ່າງ​ກົດໝາຍ ວ່າ​ດ້ວຍ​ການ​ໃຊ້​ຈ່າຍ​ໃຫ້​ແກ່​ວຽກ​ງານ​ປ້ອງ​ກັນ​ຊາດ (NDAA) ປີ 2020 ເປັນ​ມູນ​ຄ່າ​ກວ່າ 730 ຕື້​ໂດ​ລາ​ສະຫະລັດ ໂດຍ​ບໍ່​ເອົາ​ຫົວຊາ​ຕໍ່​ການ​ຂູ່​ຢັບ​ຢັ້ງ​ຂອງ​ປະທານາທິບໍດີ ໂດ​ນາ​​ລ ທຣຳ.

     ຮ່າງ​ກົດໝາຍ NDAA ທີ່​ສະພາ​ຕ່ຳ​ຮັບຮອງ​ໄປ​ນັ້ນ ມີ​ບາງ​ຂໍ້ຄວາມ​ບໍ່​ໄດ້​ຮັບ​ຄວາມ​ເຫັນ​ພ້ອມ​ຈາກ​ປະທານາທິບໍດີ ທຣຳ ອັນ​ປະກອບ​ມີ​ຂໍ້ຄວາມ​ທີ່​ງົບປະມານ​ການ​ໃຊ້​ຈ່າຍ​ປ້ອງ​ກັນ​ຊາດ ໜ້ອຍ​ກວ່າ 17 ຕື້​ໂດ​ລາ​ສະຫະລັດ ເມື່ອ​ທຽບໃສ່​ທ່ານ ທຣຳ ນຳ​ສະເໜີ ກໍ​ຄື​ການ​ບໍ່​ສະໜອງ​ງົບປະມານ​ໃຫ້​ແກ່​ແຜນການ​ກໍ່ສ້າງ​ກຳແພງ​ຊາຍ​ແດນ​ທາງ​ທິດໃຕ້ ທີ່​ຕິດ​ກັບ​ປະເທດ​ເມັກ​ຊິກ.

     ນອກຈາກ​ນັ້ນແລ້ວ ຮ່າງ​ກົດໝາຍ​ດັ່ງກ່າວ​ຍັງ​ລວມ​ມີ​ເນື້ອ​ໃນ​ດັດແກ້​ໜຶ່ງ ຊຶ່ງ​ສະພາ​ຕ່ຳ​ໄດ້​ຮັບຮອງ​ໄປ​ກ່ອນ​ໜ້າ​ນັ້ນ​ໃນ​ວັນ​ດຽວ​ກັນ ຊຶ່ງ​ຕາມ​ນັ້ນແລ້ວ​ແມ່ນ​ຫ້າມ​ສະໜອງ​ງົບປະມານ ໃຫ້​ແກ່​ການ​ຜັນ​ຂະຫຍາຍ​ການເຄື່ອນໄຫວ​ດ້ານ​ການ​ທະຫານ​ຂອງ ສ ອາ​ເມ​ຣິ​ກາ ທີ່​ແນໃສ່​ອີ​ຣານ ຖ້າ​ຫາກ​ບໍ່​ໄດ້​ຮັບ​ຄວາມ​ເຫັນ​ພ້ອມ​ຈາກ​ສະພາ​ແຫ່ງ​ຊາດ.

ຂ່າວທີ່ກ່ຽວຂ້ອງ